"Mənim nəvələrim, yaxınlarımın övladları rahat şəkildə məktəbə gedirsə..." - Deputat

26 iyun Azərbaycanda Silahlı Qüvvələr Gününü kimi qeyd edilir.

BiG.AZ xəbər verir ki, bununla bağlı BiG.AZ-a açıqlama verən Milli Məclisin İctimai birliklər və Dini Qurumlar Komitəsinin üzvü, deputat, hakim Yeni Azərbaycan Partiyasında təmsil olunan Cavanşir Paşazadə bildirib ki, bu gün Azərbaycan ordusu 50 güclü ordu sırasındadır:

"Bilirsiniz ki, ordumuz bu səviyyəyə çatana kimi müəyyən mərhələlərdən keçib. 90-cı illər hər kəsin yaddındadır. 90-cı illər müstəqiliyimiz ilk illəri idi. O dövrdə ölkəmizdə xaos, özbaşınalıq hökm sürürdü. Hakimiyyətdə olanlar sadəcə öz ciblərini güdür, yüksək vəzifəyə gəlmək üçün çalışırdı. Ordudan söhbət belə gedə bilməzdi. Sadəcə könülülərdən ibarət dəstələr var idi. Təəssüf ki, o könüllü dəstələrin bəziləri məlum şəxslərə tabe idi. Onların göstərişi ilə hərəkət edirdilər. Əlbəttə vətəni və xalqı üçün canından keçən oğul və qızlarımız da az deyildi. Onlar ölkəmizin müstəqilliyi üçün düşünmədən canlarını fəda etdilər. Hər kəsə bəllidir ki, ölkəmizin xilası ulu öndər Heydər Əliyevin adı ilə bağlıdır. Ulu Öndər Heydər Əliyev zamanında Bakıya qayıtmasaydı bu gün dövlətimiz müstəqil olmazdı. Məhz ulu öndər Heydər Əliyev yenidən hakimiyyətə gələndən sonra, 1994-cu ildən başlayaraq ordu quruculuğuna start verildi və nizami ordunun yaradılmasının əsası qoyuldu. 2003-cü ildən prezident seçilən İlham Əliyev son on beş ildi ordumuzu bütün parametrlərlə yüksək səviyyəyə qaldırdı. Artıq bu gün ali baş komandanızımız İlham Əliyevin rəhbərliyi ilə silahlı qüvvələrimiz dünyanın güclü orduları sırasındadı. Azərbaycan silahlı qüvvələri döyüş qabiliyyətinə və maddi-texniki təchizatına görə Cənubi Qafqazın ən güclü ordusu hesab edilir. 2016-cı ilin aprel döyüşləri ordumuz gücünü bütün dünyaya nümayiş etdirdi. Ordumuz kiçik dəstə ilə ermənilərə sarsıdıcı zərbə endirərək bir sıra strateji yüksəkliklərimizi və ərazimizi işğaldan azad etdi. Hər kəs bilir ki, müharibə olarsa silahlı qüvvələrimiz düşmən ordusunu darmadağın edərək, torpaqlarımızı işğaldan azad edəcək. Bilirsiniz ki, bu gün düşmənlə həmsərhəd bölgələrimiz var. Həmin bölgələrdə yaşayan insanlarımız ordumuza güvənir, onların sayəsində gündəlik həyatlarına qorxmadan davam edirlər. Mənim nəvələrim, yaxınlarımın, seçicilərimin övladları bu gün rahat şəkildə, qorxmadan məktəbə gedirsə, gənclərimiz yüksək uğurlara imza atırsa, insanlarımız rahat və qorxmadan gündəlik həyatlarına davam edirsə biz bunu xalqına, dövlətinə bağlı olan ali baş komandanımız İlham Əliyevə və Azərbaycan silahlı qüvvələrinə borcluyuq. Mən bayram münasibətilə başda ali baş komandanımız olmaqla, bütün silahlı qüvvələrimizi təbrik edir, onlara Allahdan cansağlığı arzulayıram. İnşallah tezliklə heç bir itki vermədən torpaqlarımızı sülh yolu ilə işğaldan azad edərik".

Telegramda izləyin

instagramda izləyin