Prezident Şirməmməd Hüseynovun vəfatı ilə bağlı nekroloq imzaladı

Prezident Şirməmməd Hüseynovun vəfatı ilə bağlı nekroloq imzaladıPrezident İlham Əliyev professor Şirməmməd Hüseynovun vəfatı ilə bağlı nekroloq imzalayıb.

Sonxeber.az-ın xəbərinə görə, nekroloqda deyilir:

"Azərbaycan jurnalistikasına ağır itki üz vermişdir. Görkəmli alim, Azərbaycan Respublikası Prezidentinin fərdi təqaüdçüsü, Əməkdar jurnalist, Bakı Dövlət Universiteti Mətbuat tarixi və ideoloji iş metodları kafedrasının professoru Şirməmməd Ağaməmməd oğlu Hüseynov 2019-cu il iyunun 24-də ömrünün 95-ci ilində vəfat etmişdir.

Şirməmməd Hüseynov 1924-cü il dekabrın 17-də Şəki şəhərində anadan olmuşdur. 1940-cı ildə Şəki şəhəri Mirzə Fətəli Axundov adına 2 saylı orta məktəbi bitirmiş, 1940–1942-ci illərdə Şəki ikiillik Müəllimlər İnstitutunun fizika-riyaziyyat fakültəsində oxumuşdur. O, 1945–1950-ci illərdə indiki Bakı Dövlət Universitetinin Filologiya fakültəsinin Jurnalistika şöbəsində ali təhsil almışdır. Universiteti fərqlənmə diplomu ilə başa vuran Şirməmməd Hüseynov Mixail Vasilyeviç Lomonosov adına Moskva Dövlət Universiteti Jurnalistika fakültəsinin aspiranturasına daxil olmuş, 1954-cü ildə təhsilini tamamlayıb dissertasiya müdafiə edərək tarix elmləri namizədi elmi dərəcəsi almışdır.

1954-cü ildən indiki Bakı Dövlət Universiteti Filologiya fakültəsinin Jurnalistika kafedrasında elmi-pedaqoji fəaliyyətə başlayan Şirməmməd Hüseynov həyatını universitetə bağlayaraq ömrünün sonunadək burada baş müəllim, dosent, 1962–1969-cu illərdə Filologiya fakültəsinin dekan müavini, 1970–1976-cı illərdə Jurnalistika fakültəsinin dekanı, 1976–1988-ci illərdə Mətbuat tarixi və ideoloji iş metodları kafedrasının müdiri olmuş, 1988-ci ildən ömrünün sonunadək həmin kafedranın professoru vəzifəsində çalışmışdır.

Elmi fəaliyyətini, əsasən, Azərbaycan jurnalistikası tarixinin öyrənilməsinə həsr edən Şirməmməd Hüseynov mətbuatşünaslığa dair 30-dan çox kitab və monoqrafiyanın, 800-dən artıq elmi və elmi-publisistik məqalənin müəllifidir.

Şirməmməd Hüseynov bir alim və pedaqoq kimi Azərbaycan klassik jurnalistikasının görkəmli simaları Həsən bəy Zərdabi, Əli bəy Hüseynzadə, Məhəmməd Əmin Rəsulzadə, Üzeyir Hacıbəyli, Əhməd Ağaoğlu, Cəlil Məmmədquluzadə irsini hərtərəfli araşdıraraq yetişməkdə olan nəslə çatdırılmasında təqdirəlayiq xidmətlər göstərmişdir. Alimin Azərbaycan Xalq Cümhuriyyəti qurucularının fəaliyyətinə dair araşdırmalarının Azərbaycan tarixinin öyrənilməsində xüsusi əhəmiyyəti vardır.

Şirməmməd Hüseynov Azərbaycan klassik publisistika məktəbi ənənələrini müstəqillik dövründə yeni bir məktəb səviyyəsinə yüksəltmişdir. Yüzlərlə jurnalistin ustadı kimi şöhrət qazanmış alimin elmi kadrların yetişdirilməsində də böyük əməyi olmuşdur. Azərbaycançılıq ideologiyasının təbliğində, gənc nəsil jurnalistlərin milli təəssübkeşlik, vətəndaşlıq ləyaqəti, obyektivlik ruhunda tərbiyə olunmasında Şirməmməd Hüseynovun xidmətləri əvəzsizdir. Bu gün də onun tələbələri Bakı Dövlət Universitetində, eləcə də digər elm və təhsil müəssisələrində, kütləvi informasiya vasitələrində öz müəllimlərinin yolunu uğurla davam etdirirlər.

Şirməmməd Hüseynovun Azərbaycan jurnalistikasının inkişafında uzunmüddətli səmərəli fəaliyyəti yüksək qiymətləndirilmişdir. O, bir sıra mükafatlara layiq görülmüş, Azərbaycan Respublikasının "Şərəf" ordeni ilə təltif olunmuşdur.

Görkəmli alim, pedaqoq və publisist, əsl ziyalı Şirməmməd Ağaməmməd oğlu Hüseynovun əziz xatirəsi onu tanıyanların qəlbində daim yaşayacaqdır.

Allah rəhmət eləsin!"

İlham Əliyev

Mehriban Əliyeva

Novruz Məmmədov

Oqtay Əsədov

Ramiz Mehdiyev

Əli Əhmədov

Əli Həsənov

Eldar Əzizov

Ceyhun Bayramov

Akif Əlizadə

Aslan Aslanov

Elçin Babayev

Əflatun Amaşov

Cahangir Məmmədli

Siyasət   Baxılıb: 988   Tarix: 25 iyun 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Üçüncü Dünya Müharibəsi Azərbaycan yaxınlığında başlayır? – Şok iddia

"İran-ABŞ gərginliyi yeni mərhələyə keçib. İyunun 20-də ABŞ-ın İran sərhədlərini pozan Pilotsuz Uçan Aparatı (PUA) vuruldu. ABŞ Prezidenti Donald Tramp buna cavab olaraq, İrana zərbə endiriləcəyini bildiridi, lakin so

25 iyun 2019

Deputat: Belarusun müəllimi Azərbaycan olub

"İdman hərəkatında başlayan yeni bir yarış ikinci dəfədir keçirilir. İlk Avropa Oyunları Bakıda, ikincisi isə Minskdə təşkil edilib". . . Bunu Minsk-2019 II Avropa Oyunları üçün Belarus paytaxtına ezam olunmuş APA-nı

25 iyun 2019

Vəzifədən getmiş Abid Şərifov danışdı

Xəbər verdiyimiz kimi Azərbaycan Respublikasının Prezidenti İlham Əliyev minimum əmək haqqının və bir sıra sahələrdə aylıq vəzifə maaşlarının artırılması, habelə bəzi vəzifə təyinatları haqqında sərəncamlar imzalayıb. .

25 iyun 2019

Ermənistanda nazir müavini işləmiş azərbaycanlı vəfat etdi - FOTO

Tanınmış azərbaycanlı tarixçi alim İsrafil Məmmədov vəfat edib.. . Sonxeber.az publika.az-a istinadla xəbər verir ki, 92 yaşlı alim Bakıda dünyasını dəyişib.. . Qeyd edək ki, İsrafil Məmmədov 1927-ci ildə Zəngəzur mahalını

25 iyun 2019

Kadırovun sözlərinə Leyla Əliyevadan - Reaksiya

Bizim qısa və spontan görüşümüz oldu. Ramzan Kadırov – çox xoş, səmimi, pozitiv insandır.. . Axar.az xəbər verir ki, bu sözləri M.V.Lomonosov adına Moskva Dövlət Universitetinin "Aptekarski oqorod" nəbatat bağınd

25 iyun 2019

İmamoğlu azərbaycanlıların adını NİYƏ ÇƏKMƏDİ? - Qərbi sevindirən NƏTİCƏ

Dünyaya ram olunan Türkiyə lazımdır.. . Politoloq Əhəd Məmmədli Redaktor.az-a açıqlamasında İstanbulda keçirilən seçkinin nəticələrinin AKP-nin məğlubiyyəti kimi təqdim olunmasına münasibət bildirib. Politoloq hesab edi

25 iyun 2019

Rusiya Dağ Qoşunları Qarabağda... - Müharibə HƏR AN BAŞLAYA BİLƏR

Rusiya mediası iddia edir ki, Dağlıq Qarabağda müharibəyə hazırlıq gedir. Jurnalist Valeri Axrimoviçin müəllifi olduğu məqalədə bildirilir ki, Qarabağ cəbhəsində vəziyyət kəskinləşir. Azərbaycan tərəfi ermənilərin qumbaraatanlarl

25 iyun 2019

"Prezidentin yanında işini bilən insanlar çalışmalıdır" - Eldar İbrahimov

"Cənab prezident tərəfindən həyata keçirilən təyinatları yüksək qiymətləndirirəm. Çox yaxşı bir haldır ki, vəzifəsini dəyişən şəxslərlə onların yerinə gələnlər eyni dərəcədə peşəkardılar. Məsələn, Vilayət Eyvazov uzu

24 iyun 2019

"Əli Nağıyev Eldar Mahmudov kimi OBXSS işçisi deyil" - DEPUTAT

Prezident İlham Əliyevin iyunun 20-də həyata keçirdiyi kadr dəyişiklikləri gündəmin ən çox müzakirə olunan mövzularından biridir.. Prezidentin imzaladığı sərəncamla Baş prokuror yanında Korrupsiyaya qarşı Mübarizə Baş İdarəsini

24 iyun 2019