Azərbaycanda dənizi işğal edən hansı məmurlardır?

Azərbaycanda dənizi işğal edən hansı məmurlardır?Artıq Xəzər dənizi sahillərində dəniz mövsümü demək olar ki, başlayıb. Havanın isti olması minlərlə insanın yolunu dəniz kənarından salıb. Lakin onlar istirahət etməklə yanaşı xoşagəlməz anlarla da qarşılaşırlar.

Bugünlərdə Xəzər rayonu, Şüvəlan qəsəbəsindəki çimərlikdə xoşagəlməz hadisə yaşanıb. Dəniz kənarına istirahətə gələn şəxs polis əməkdaşlarının, eləcə də dəniz kənarında yerləşən obyektlərdən birinin təzyiqi ilə üzləşib. İstirahət etməyə gələn şəxs avtomobilini dəniz sahilində saxlasa da həmin ərazini çəpərləyən və qanunsuz olaraq nəqliyyat vasitələrinin girişini məhdudlaşdıran obyektin adminstratoru və ərazidə xidmət aparan post patrul xidmətinin əməkdaşları tərəfindən təzyiqə məruz qalıblar.

Belə ki, sözügedən obyektin adminstratoru əlindəki daxili rabitə cihazı vasitəsilə polislərə məlumat verib, əraziyə yaxınlaşan post patrul xidmətinin əməkdaşları isə vətəndaşdan şikayətçi olan şəxslərin olduğunu əsas gətirərək maşınını dəniz sahilindən çəkməyi tapşırıb. Uzun mübahisədən sonra polis əməkdaşları sözügedən obyektin Daxili İşlər Nazirliyinə pul ödədiyini, ona görə də o obyketin qarşısında maşın saxlamağın qadağan olunduğunu bildirib və maşın dəniz sahilindən uzaqlaşdırılıb.

Məsələ ilə bağlı Bizimyol.info-ya danışan Polisə Dəstək İctimai Birliyinin sədri Şəmsəddin Əliyev bildirib ki, polis əməkdaşları polis haqqında qanunun tələblərinə uyğun şəkildə xidmət təşkil etməli, ictimai asayişi qorumalı və qanunvericiliyin tələblərinə əməl etməli olduğunu bildirib və əlavə edib ki, polis əməkdaşları hansısa sahibkarın subyektiv tələblərini yerinə yetirməməlidir:

"Hər bir post patrul xidmətinin əməkdaşının xidmət apardığı müəyyən ərazilər var. O xidməti ekipajla da apara bilər, təkbaşına da. Və o xidmət apardığı yerdə polis haqqında qanunun tələblərinə müvafiq şəkildə təşkil edirlər, qanunvericiliyi və ictimai asayişi qoruyan şəxslərdirlər. Həmçinin onlar yerli rəislərin, komandirlərinin təlimatları əsasında tapşırıqları yerinə yetirirlər.

Post patrul əməkdaşları hansısa bir sahibkarın özəl, subyektiv tələblərini yerinə yetirməyə borclu deyil, yerinə yetirməməlidir. Əgər orada asayiş pozulursa, kiminsə hüquqları tapdalanırsa, ictimai münasibətlərə ziyan dəyirsə təbii ki, post patrul xidmətinin əməkdaşları dərhal öz reaksiyalarını bildirməlidirlər. Amma kiminsə subyektiv tələbi əsasında "Bu maşın burada mənə mane olur, bu maşını burdan götür" tələbinə reaksiya verməsi onun səlahiyyətinə aid deyil.

Xəzər dənizi isə ümumxalq sərvətidir, ondan hər kəs bərabərhüquqlu şəkildə istifadə edə bilər, kimlərsə oranı qanunsuz hasarlaya, çəpərləyə bilməzlər, bu ölkəmizin konstitusiyasına ziddir. Bundan dolayı post patrul xidmətinin əməkdaşının nəqliyyat vasitələri ilə bağlı qərar qəbul etmək, xəbərdarlıq etmək, cərimə etmək səlahiyyəti yoxdur. O yalnız həmin hadisə ilə bağlı raport yazır, həmin raport aidiyyatı üzrə yerli Yol Polisi idarəsinə göndərildikdən sonra yol patrul xidmətinin əməkdaşları müvafiq tədbirlər görürlər".

Yol nəqliyyatı eksperti Elməddinn Muradlı da Xəzər dənizinin hasarlanmasını və eləcə də nəqliyyat vasitələrinin dəniz sahilinə buraxlmamasını qanun pozuntusu kimi qiymətləndirib. O əlavə edib ki, sözügedən polis məmurları və obyekt rəhbəri aidiyyatı dövlət qurumlarına çağırılaraq dindirilməlidirlər:

"Bakı şəhəri ərazisində dayanma – durma yerlərinin müəyyənləşdirilməsi Bakı Nəqliyyat Agentliyi tərəfindən həyata keçirilir və oradan icazə alınır. Eləcə də İcra hakimiyyətlərindən, bələdiyyə ərazisidirsə bələdiyyə orqanlarından icazə alınır. Respublika ərazisində isə dayanma – durma yerlərinin müəyyənləşdirilməsi yalnız Daxili İşlər Nazirliyinin icazəsi əsasında aparılır və bunların hamısına Nazirlər Kabinetinin Yol Hərəkəti Təhlükəsizlik Komissiyası rəy verir.

Kiminsə pulu var, imkanı var haranısa hasarlayır, orada dayanma-durmanı qadağan edir, bu artıq özbaşınalıqdır. Harada maşın saxlamaq olmaz, bu qanunvericilikdə öz əksini tapıb. Əgər maşın saxlamağa icazə verilmirsə bu müvafiq nişanlarla göstərilməlidir. Lakin çimərliyi kiminsə hasarlaması, oraya maşının buraxılmaması qanuna zidd əməldir. Həmin polis əməkdaşlarını çağırıb dindirmək lazımdır ki, hansı əsasla bu addımı atıblar. Həmin obyekt sahibini də çağırıb dindirmək lazımdır ki, hansı əsasla orada nəqliyyat vasitəsinin saxlanmasını qadağan edib. Elə ən birincisi onlar dəniz kənarını hasarlamaqlarına görə birinci qanunsuz addımı atıblar, ikinci girişi qadağan edirlər bunun özü də qanunsuz əməldir".

Qeyd edək ki, post patrul əməkdaşlarının idarə etdiyi xidməti nəqliyyat vasitəsinin çağrı nömrəsi 9176 olub.

Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədovla əlaqə saxlamağa çalışsaq da zəngimizə cavab verilməyib.


Sonxeber.az Telegramda izləyin
Sosial   Baxılıb: 10311   Tarix: 26 iyun 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Tibb bacısı xəstə uşağı yatağa bağladı- uşağın yalvarışı ÜRƏK DAĞLADI - VİDEO

Xəstəxanada çəkilən bu görüntülər izləyənləri hiddətləndirib. . . Big.Az rusiya mətbuatına istinadən xəbər verir ki, Rusiyada uşaq xəstəxanasında tibb bacısı xəstə uşağı yatağa bağlayıb. . . Belə ki, xəstəxanada ürəyi sıxılan azyaşlı uşaq digər uşaqları da toplayaraq oynamağa başlayıb. Onların dəhlizd

26 iyun 2019

Cərrah xəstənin beynini 3000 km məsafədən əməliyyat etdi - FOTO

Çinin Sanya şəhərində qeyri-adi hadisə baş verib.. . Sonxeber.az ölkə.az-a istinadən bildirir ki, cərrah xəstənin beynində əməliyyatı 5G şəbəkəsinin vasitəsilə uzaqdan edib. Bu zaman xəstə həkimdən 3000 km uzaqda olub.. . Əməliyyatı aparan həkim Çinin Xaynan vilayətindəki xalq-azadlıq ordusundakı xəstəxananı

26 iyun 2019

İtkin düşən azyaşlı görün haradan tapıldı

Quba rayonunda itkin düşən azyaşlı tapılıb.. . Daxili İşlər Nazirliyinin (DİN) Mətbuat Xidmətinin Quba regional qrupundan Sonxeber.az-a verilən məlumata görə, iyunun 25-də gecə saat 3 radələrində rayon sakini Ceyhun Cəfərov Quba Rayon Polis Şöbəsinə (RPŞ) azyaşlı uşağının itməsi barədə məlumat verib

26 iyun 2019

"Güc strukturları ilə bağlı kadr dəyişiklikləri çox uğurlu, vaxtında atılan addımdır" - RƏYLƏR

"Prezident İlham Əliyevin güc strukturları ilə bağlı kadr dəyişiklikləri çox uğurlu, vaxtında atılan addımdır. Bu, ölkədə keçirilən islahatların davamıdır".. . Bunu "Report"a açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Elman Məmmədo

26 iyun 2019

Evakuatorlar yenidən qayıdır: Yeni qaydalar

Bakıda evakuatorların fəaliyyəti yenidən bərpa olunur. Bir neçə ay öncə Bakı Nəqliyyat Agentliyi tərəfindən dayanma-durma qaydalarını pozan sürücüləri cəzalandırmaq üçün kameralar quraşdırılıb, xeyli vəsait xərclənsə də, yenidən köhnə sistemə keçilir. Belə ki, agentlikdən bildirilib ki, yaxın günlərdədayanma

26 iyun 2019

"Hamilə olanda elə döyüldüm ki, qanın içərisində..." - Yandırılan kişinin qardaşı arvadı

Yandırılan kişinin 5 aylıq uşağı ilə evdən qovulan qardaşı arvadı efirə çıxıb. . . Sonxeber.az Big.az-a istinadən xəbər verir ki, Xəzər televiziyasında yayımlanan və Xoşqədəm Hidayətqızının aparıcılıq etdiyi "Səni axtarıram" verlişində müzakirə olunan Ramilin ailəsi ilə bağlı bəzi təfərrüatla

26 iyun 2019

Fuad Abbasov Bakıda milli qəhrəman kimi qarşılandı - VİDEO

Jurnalist Fuad Abbasov nəhayət, hava limanından çıxıb. Tərəfdarları və qohumları onu milli qəhrəman kimi qarşılayıblar. Azərbaycan bayraqları və təzərrühatlarla qarşılanan jurnalist qısa açıqlamalarla çıxış edib.. . Aeroportun girişində media nümayəndələrinə açıqlama verən F.Abbasov onu dəstəkləyən hə

26 iyun 2019

Nazirlikdən təmas xəttindəki vəziyyətlə bağlı AÇIQLAMA

Sutka ərzində Ermənistan və Azərbaycan qoşunlarının təmas xəttində nisbi sakitlik müşahidə olunub.. . Bu barədə Sonxeber.az-a Azərbaycan Müdafiə Nazirliyinin Mətbuat xidmətindən məlumat verilib.. . Cəbhənin bəzi sahələrində atəşkəs rejimi ara-sıra açılan atəşlə pozulub.

26 iyun 2019

Xəzərin səviyyəsinin aşağı düşməsi təhlükəlidirmi? - Nazirlik AÇIQLADI

Xəzər dənizi qapalı hövzə olduğundan periodik olaraq səviyyə dəyişmələri baş verir. Dəniz səviyyəsinin dəyişməsində başlıca amil onun hövzəsinin iqlimi hesab olunur.. . Bunu Ekologiya və Təbii Sərvətlər Nazirliyinin Ekoloji Siyasət şöbəsinin müdiri Rasim Səttarzadə jurnalistlərə bildirib.. . O qeyd edi

26 iyun 2019