Xüsusi iclasın gündəliyi AÇIQLANDI

Milli Məclisin növbədənkənar xüsusi sessiyasının növbəti iclasının gündəliyi müəyyənləşib.
Sonxeber.az APA -ya istinadən bildirir ki, iyulun 9-da keçiriləcək iclasın gündəliyinə 38 məsələ daxildir.
Bunlar "2019-cu il Dövlət büdcəsi haqqında", "Məhkəmələr və hakimlər haqqında", "Dövlət satınalmaları haqqında", "Əmək pensiyaları haqqında", "İşsizlikdən Sığorta Fondunun 2019-cu il büdcəsi haqqında", "Aqrar sığorta haqqında" qanun, həmçinin Vergi, Əmək, İnzibati Xətalar məcəllələrinə dəyişiklik layihələri və s.-dir.
Xatırladaq ki, Milli Məclisin növbədənkənar xüsusi sessiyasının plenar iclasları iyunun 13-ü, 14-ü və 27-i keçirilib.