Azərbaycanlı İŞİD-çinin arvadına HÖKM OXUNDU

Azərbaycanlı İŞİD-çinin arvadına HÖKM OXUNDUAlmaniya məhkəməsi həbs olunmazdan bir müddət öncə döyüş zonasından öz ölkəsinə qayıdan İŞİD terror qruplaşmasının döyüşçüsünün həyat yoldaşına hökm oxuyub.

Məhkəmə Suriyada qanunsuz silahlı birləşmələrin tərkibində iştirak edən 32 yaşlı Səbinə Z.-ni 5 il müddətinə azadlıqdan məhrum edib.

Ştutqart Regional Yüksək Məhkəməsinin iddianaməsinə görə, Səbinə Z. İslam dinini 22 yaşında qəbul edib. O, 2013-cü ilə qədər əri və 2 uşağı ilə birlikdə Berlində yaşayıb. Daha sonra ondan ayrılaraq Suriyaya gedib. Burada Azərbaycan əsilli İŞİD üzvü ilə ailə qurub. Əri öləndən sonra 4 il Suriya və İraqda yaşayıb, daha iki uşaq dünyaya gətirib.

İstintaqla müəyyən edilib ki, Səbinə Z. sosial şəbəkələrdə İŞİD döyüşçülərinin həyatını təbliğ edib, döyüş təlimləri keçib, edamlara qatılıb. O, 2017-ci ilin sentyabrında kürd döyşçülər tərəfindən saxlanılıb, 2018-ci ilin aprelində Almaniyaya geri qayıdıb və orada da həbs edilib.

Səbinə Z. Məhkəmə prosesində radikallara könüllü şəkildə qoşulduğunu etiraf etsə də, terror təşkilatının üzvü olması ilə bağlı ittihamları qəbul etməyib. (qafqazinfo)

Kriminal   Baxılıb: 1438   Tarix: 05 iyul 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR