Soros "cocuğu"nun reytinqi düşür - PaşinYANI "YANDIRAN" SƏBƏBLƏR...

Soros "cocuğu"nun reytinqi düşür - PaşinYANI "YANDIRAN" SƏBƏBLƏR...Böyük güclər bu gün Ermənistan hakimiyyətdə yer alanlarla sıx işləməyə davam edirlər.

Sonxeber.az xəbər verir ki, politoloq Zaur Məmmədov Redaktor.az-a açıqlamasında son aylar keçirilən sosial rəy sorğularında Ermənistan Baş naziri Nikol Paşinyanın reytinqinin aşağı düşməsinin səbəblərinə aydınlıq gətirib. Politoloq hesab edir ki, Paşinyanın bundan sonra da reytinqi aşağı düşməkdə davam edəcək:

"2019-cu ilin yanvar ayından başlayaraq, keçirilən sosial sorğularda Ermənistanın Baş naziri Nikol Paşinyanın nüfuzu tədricən aşağı düşməyə başlayıb. Hər iki-üç aydan bir Paşinyanın reytinqi daha da azalmaqda davam edir. Kiçik azalmalar onun artıq bu ilin sonuna yaxın reytinqinin daha da düşməsi ilə nəticələcək. Görünən budur ki, ilin sonunda Paşinyanın reytinqi 50%-dən aşağı olacaq. Qeyri-Avropa dövlətləri üçün bu çox böyük çağırış deməkdir. Eyni zamanda Ermənistan prezidentinin reytinqi Paşinyandan fərqli olaraq, artıb. Armen Sərkisyan ümumiyyətlə, susqun, çıxışlarında daha diqqətcil siyasi fiqurlardan biridir. Publikada özünü siyasi partiyalardan uzaq tutmağa çalışsa da, təbii ki, o da müəyyən qruplarla yaxından və uzaqdan əlaqəlidir".

Politoloq vurğulayıb ki, növbəti seçkilərdə Paşinyanın ciddi rəqibləri olacaq ki, bu da baş nazirin vəziyyətini çətinləşdirəcək:

"İstər Tonoyan, istər Armen Sərkisyan, istərsə də digərləri böyük güclər, eyni zamanda ABŞ və Rusiya üçün maraqlıdır. Paşinyanın reytinqinin aşağı düşməsinin bir neçə səbəbi var. Onun xaotik siyasi mübarizəsi, islahatları Ermənistanda demək olar ki, heç nəyi dəyişməyib. Bu gün Paşinyan hakimiyyətində Sorosçuların oturmasına baxmayaraq, Ermənistan-Qərb münasibətləri yaxşı vəziyyətdə deyil. Qərbin Paşinyanı tam olaraq, dəstəkləməməsinin səbəbi Ermənistanın Rusiyadan tam uzaqlaşmamasıdır. Soros tərəfindən də bunun üçün ciddi işlər görülür. Bu, Ermənistan üçün o qədər də asan məsələ deyil. Paşinyan istəsə belə Rusiyadan uzaqlaşa bilməz. Bu kimi amillər Qərb-Ermənistan münasibtlərinin inkişafına mane olan səbəblərdəndir".

Z. Məmmədov qeyd edib ki, Paşinyan və komandasının ABŞ və Qərblə yaxın bağlantıları var:

"Onlar əllərinə düşən fürsətdən maksimum şəkildə istifadə etməyə çalışacaqlar. Digər tərəfdən Rusiya faktoru, Qarabağ klanı, Ermənistan-Azərbaycan Dağlıq Qarabağ münaqişəsi də Paşinyanın reytiniqinin aşağı düşməsinə təsir edir. Biz tez-tez Paşinyana qarşı Ermənistan KİV-də anti-təbliğatın şahidiyik. Hətta bu yaxınlarda Paşinyanın feyk (fake) məktubunun NATO Baş katibinə ünvanlanması ilə bağlı məlumatlar yayıldı. Ötən gün Rusiya mətbuatında "Paşinyan Qarabağı Qərbə verir" və s. kimi həqiqətə uyğun olmayan məlumatlar yayımlandı. Bütün bunlar informasiya müharibəsinin Paşinyana qarşı davam etdiyini göstərir. İnformasiya müharibəsi də erməni xalqının fikirlərinə, oxuculara təsir edən amillərdən biridir. Bu da Paşinyanın legitimliyinə birbaşa olaraq təsir göstərir. Hazırda Ermənistan KİV-də, eləcə də ermənilərə yaxın mətbu orqanlarında rusiyameylli və qərbyönümlü qüvvələr arasında söz davasının şahidiyik".

Siyasət   Baxılıb: 1893   Tarix: 10 iyul 2019  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR