Tramp Obamanın heyfini İrandan aldı

Tramp Obamanın heyfini İrandan aldıBöyük Britaniyanın ABŞ-dakı səfirinin məktublarının sızması ətrafında qalmaqal

Böyük Britaniyanın ABŞ-dakı keçmiş səfiri Kim Derrok Londona məlumat verib ki, ABŞ prezidenti Donald Tramp İranla nüvə razılaşmasından sabiq dövlət başçısı Barak Obamanın açığına çıxıb.

Sonxeber.az aznews.az-a istinadən xəbər verir ki, bu haqda Böyük Britaniyanın "The Times" nəşri yazır.

Nəşrin fikrincə, Böyük Britaniyada diplomatın məktublarının sızması ətrafında əsl qalmaqal alovlanır. Tramp cavab olaraq səfirlə işləməkdən imtina edib.

Brexit Partiyasının sədri Naycel Fərac (Nigel Farage) dünən axşam britaniyalı diplomatın məktublarının sızması ilə əlaqədar başlanmış qalmaqalın içinə sürüklənib. Brexit Partiyasından Avropa Parlamentinin deputatı Riçard Tays ötən həftə ser Kim Derrokin (Kim Darroch) diplomatik ismarıclarını dərc etmiş İzabel Oukşott (İsabel Oakeshott) ilə görüşüb. ABŞ prezidenti bu Britaniya diplomatı ilə işləməyəcəyini elan etdikdən sonra Derrok istefa vermək məcburiyyətində qalıb.

Təhlükəsizlik xidmətləri nümayəndələrinin sözlərinə görə, onlar sızmada şübhəlini tapmağı bacarıb. Bununla yanaşı, Uaythollda naməlum şəxsin Birləşmiş Krallığın Avropa İttifaqından çıxması ideyasını kifayət qədər fəal şəkildə dəstəkləməyən məmurların mövqelərini zəiflətməyə çalışması ilə əlaqədar təlaş başlayıb. Scotland Yard və kəşfiyyat xidmətləri hesab edirlər ki, yuxarıda göstərilən materiallar Böyük Britaniyanın Xarici İşlər Nazirliyinin arxiv sənədlərinə çıxışı olan bir məmur tərəfindən oğurlanıb.

Polis bu agentə yaxınlaşdıqca,45 yaşlı Oukşotun dostları onun ötən ildən Taysla əlaqələrindən ibarət olduğunu təsdiqləyiblər.

Tays və Oukşott sənədlərin sızmasında və ya köçürülməsində hər hansı bir rollarının olduğunu inkar edir. Tvitterdə Tays yazıb ki, o, heç də Derroku Böyük Britaniyanın ABŞ-dakı səfiri postunda əvəzləmək istəmir. Onların münasibətləri haqda xəbərlər Derrokun müttəfiqlərinin qiyamçıların "Brexiti dəstəkləyən iş adamı" ilə əvəz etmək üçün onun istefasına nail olmağa qərar verəcəyinə əminliyini möhkəmləndirəcək.

Derrokun diplomatik mesajları dərc olunduqdan sonra Fərac onun işdən azad edilməsi ilə bağlı bir məqalə yazdı. Tays Tvitterdə də eyni təkliflə çıxış etdi. Bir britaniyalı diplomat deyib: "Belə təəssürat yaranır ki, bu işdə Brexit Partiyası və Fərac tərəfdarlarının barmaq izləri çoxdur".

Dünən axşam dərc edilən materiallarda Derrok iddia edir ki, Tramp sələfi Barak Obamanı ləkələmək üçün İranın nüvə razılaşmasından çıxıb. Hansı ki, Obama uzun müddət bu sazişin imzalanmasına çalışıb.

Tays bununla diplomatik sənədlərin ilk hissəsinin detallarını hələ dərc edilməzdən əvvəl müzakirə etdiyini inkar etməyib: "Mən şəxsi, özəl söhbəti ətraflı izah etmək fikrində deyiləm. Mən bunu Xarici İşlər Nazirliyi ilə eyni anda öyrəndim".

Bu cütlüyün bir dostu deyib: "Vestminsterdə heç kəs üçün sirr deyil ki, İzabel və Riçardin əlaqələri var. Şübhəsiz ki, bu, sui-qəsd nəzəriyyələrinin yayılmasına kömək edəcəkdir, lakin Taysın məlumatların alınması və dərc edilməsinə qətiyyən aidiyyatı yoxdur. O, bu sənədləri görməmişdir".

Cümə günü, 12 iyulda Scotland Yard elan edib ki, polis bu sızma hallarının araşdırılmasına başlayıb. Parlament üzvlərinin sözlərinə görə, cümə axşamı hökumət Rabitə Mərkəzinin nəzdində milli kibertəhlükəsizlik Mərkəzinin rəsmiləri kəşfiyyat və təhlükəsizlik məsələləri üzrə parlament komitəsinin üzvlərinə məlumat veriblər ki, onlar bu sənədləri oğurlayan adamı axtarır.

Onlar Mİ6 və Xarici İşlər Nazirliyində daxili yoxlamalar üzrə ekspertlər qrupu ilə birgə iş apararaq belə qənaətə gəliblər ki, bu sızma xarici dövlətin törətdiyi haker hücumunun nəticəsi olmayıb.

Uaytholldakı bir qaynaq dedi: "Onlar mövcud olan bütün vasitələrdən istifadə edirlər və sızmanın arxasında kimin olduğunu bildiklərinə inanırlar. İndi işi məhkəməyə çatdırmaq üçün bütün ipuçlarını toplamaq lazımdır. Bu, arxiv materiallarına çıxışı olan adam olub".

Polisdə bir mənbə deyib: "Biz ehtiyat edirik ki, bu, Kim Filbiyə oxşayan bir adamdır. Maliyyə və ya ideoloji mülahizələrlə bu yola çıxmış, indi Brexit-i dəstəkləməyən məmurların karyerasına son qoymağa hazır olan adam".

Ağ Ev Aparatının rəhbəri Mayk Malveyni (Mike Mulvaney) Derroka bildirib ki, onun mesajlarının nəşri münasibətlərin qırılmasına səbəb olmayacaq. Lakin bir gün sonra Tramp Tvitterdə Derroku istefa verməyə məcbur edən bir kampaniya başlatdı.

Dünən axşam Fərəc Trampı Tvitterdə belə bir kampaniyaya təhrik edən fikri rədd edib: "Bütün bunlar başladıqdan sonra mən Ağ Evin nümayəndələri ilə danışmırdım, Trampla danışırdım, amma bu məsələdə kənarda qalmağa çalışırdım".

Fərac və Tays kampaniya çərçivəsində Aaron Benks (Arron Banks) ilə əməkdaşlıq etmiş "Brexitin pis uşaqları" olaraq tanınmışdır. Fərəc, Benks və digər iki "pis oğlan" — Rahim Kassam (Raheem Kassam) və Endi Uiqmor (Andy Vigmore) Trampla seçkilərdə qələbəsindən sonra görüşən ilk britaniyalılar olublar. Oukşott onlar haqqında bir kitab yazdı - "Brexitin pis uşaqları" (Brexit Bad Boys).

"Sunday Times" nəşrinin 2014-cü ilə qədər siyasi bölməsinin redaktoru olmuş Oukşott indi jurnalistikanı və siyasi fəallığı bir-birindən ayırmağa çalışır.

Ötən il onu ittiham ediblər ki, o, Benks-in Rusiya diplomatları ilə daha çox görüşlər keçirdiyini, elektron məktubları gizlətdiyini göstərib.

London polisi çətin vəziyyətə düşüb və KİV-i yeni oğurlanmış materiallar dərc olunacağı təqdirdə həbslə hədələyib.

London polis idarəsinin komissarının köməkçisi Nil Basu "köstəbək ovunun başlandığını" elan edərək bildirib ki, "Birləşmiş Krallığın beynəlxalq əlaqələrinə ziyan dəyib və ictimaiyyət, şübhəsiz məsul şəxsin və ya şəxslərin ədalət mühakiməsinə cəlb edilməsində maraqlı olacaq".

İnsayderlərin sözlərinə görə, Basunun bəyanatı "xəbər çatdıran" üçün bir siqnaldır, çünki polis artıq onun quyruğunda oturub. Lakin onun media təşkilatlarından artıq sızmaların dərc edilməməsini və hökumətə materialların geri qaytarılmasını tələb etməsi Basunu hiddətləndib.

Boris Conson (Boris Johnson) və Ceremi Hunt (Jeremy Hunt) mətbuat azadlığına belə hücumu pisləyiblər.

Oukşott deyib: "Riçardın bu diplomatik məktublara heç bir dəxli yoxdur. O, onları heç vaxt görməmişdi, heç vaxt əllərində saxlamamışdı və onların alınmasında iştirak etməmişdi".

Ancaq o, öz mənbələrini qorumağa borclu idi.


Sonxeber.az Telegramda izləyin instagramda izləyin
Hadisə   Baxılıb: 1445   Tarix: 15 iyul 2019  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Vətən müharibəsi iştirakçısı qəzada öldü - FOTOLAR

Sabirabadda baş vermiş ağır yol qəzasında Xaçmaz Rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi, Vətən müharibəsi iştirakçısı Elşən Ağayev həyatını itirib. "Report"a istinadən xəbər verir ki, hadisə Yastıqoba kəndind

13 sentyabr 2021
.

Hövsan yolunda iki maşın toqquşdu - Xəsarət alan var + VİDEO

Hövsan yolunda yol-nəqliyyat hadisəsi baş verib. xəbər verir ki, hadisə Hövsan yolunda olub. Toyota Prius markalı avtomobillə Daewoo Nexia markalı minik maşını toqquşub. Baş vermiş hadisə zamanı 1 nəfər xəsarət alıb. Qəza nəticəsində hər iki avtomobilə ciddi ziyan dəyib

12 sentyabr 2021
.

Övladlarını çayın kənarına tərk etdilər - FOTO

ABŞ-da çayın kənarında tərk edilmiş iki azyaşlı tapılıb. unikal.org-a istinadən xəbər verir ki, Rio-Grande çayında ətrafı yoxlayan mühafizəçilər kolların arasına tərk edilmiş 3 aylıq oğlan və 2 yaşlı qız uşağını tapıblar. Onların kim və ya kimlər tərəfindən əraziyə gətirildiyi məlum deyil. Maraqlıs

16 sentyabr 2021
.

Nazir daha bir rəis təyin etdi

Daxili işlər orqanlarında yeni təyinat olub. xəbər verir ki, bununla bağlı daxili işlər naziri, general-polkovnik Vilayət Eyvazov əmr imzalayıb. Əmrə əsasən, Sabunçu Rayon Polis İdarəsinin (RPİ) 42-ci Polis Bölməsinin rəisi polis polkovnik- leytenantı Azər Məmmədov vəzifəsindən azad olunaraq, Nərimano

11 sentyabr 2021
.

Kürdəmirdə avtomobil aşdı: Ölən və yaralananlar var - FOTO

Kürdəmir rayonunda ağır avtomobil qəzası olub. xəbər verir ki, hadisə Kürdəmir-Zərdab yolunun rayonun Köhünlü kəndindən keçən hissəsində qeydə alınıb. Belə ki, "Mercedes" markalı minik avtomobili hərəkətdə olarkən idarəetmədən çıxaraq aşıb. Nəticədə avtomobildə olan bir nəfər ölüb, iki nəfə

11 sentyabr 2021
.

Azərbaycan Müdafiə Nazirliyi Rusiya MN-ə məktub ünvanladı

Digər ölkələrə aid nəqliyyat vasitələrinin Rusiya Federasıyası sülhməramlılarının müvəqqəti yerləşdirildiyi Azərbaycan Respublikası ərazilərinə qanunsuz keçməsi ilə bağlı Müdafiə Nazirliyi tərəfindən Rusiya Federasiyası Müdafiə Nazirliyi və Sülhməramlı qüvvələrin komandanlığına məktublar ünvanlanmışdır

12 sentyabr 2021
.

Azərbaycanda sevdiyi qızın ailəsinin "yox" dediyi gənc qollarını doğradı

Sumqayıtda 23 yaşlı oğlan özünə ülgüclə xəsarət yetirib. -ın əldə etdiyi məlumata görə, E.Aslanzadə adlı gəncin bu addımına səbəb sevdiyi qızın ailəsinin onun elçilərinə "yox" deməsi olub. Qolundan ağır xəsarət alan E.Aslanzadə xəstəxanaya yerləşdirilib. Faktla bağlı araşdırma aparılır

17 sentyabr 2021
.

52 yaşlı qadın intihar edib

Göyçay rayonunda intihar hadisəsi baş verib. " "a istinadən xəbər verir ki, 1969-cu il təvəllüdlü İradə Şixəliyeva yaşadığı evdə sirkə turşusu içərək intihar edib. Qadın üç ildir onkoloji xəstəlikdən əziyyət çəkirmiş. Faktla bağlı araşdırma aparılır

14 sentyabr 2021
.

Avtoxuliqan polisi maşınla vurub

Tovuzda polis əməkdaşını maşın vurub. Daxili İşlər Nazirliyinin mətbuat xidmətindən -a verilən məlumata görə, sentyabrın 16-da saat 1 radələrində Tovuz şəhəri ərazisində Aşağı Öysüzlü kənd sakini, əvvəllər məhkum olunmuş E.Əliyev idarə etdiyi "VAZ-21015" markalı avtomobillə avtoxuliqanlıq edi

17 sentyabr 2021