SON DƏQİQƏ: Azərbaycanda mərkəzi bazarda yanğın ŞİDDƏTLƏNİB - YENİLƏNDİ

Sabirabad rayonunda bazarda başlayan yanğın şiddətlənib.

Sonxeber.az xəbər verir ki, bu barədə hadisə şahidləri "qaynar xətti"nə bildiriblər. Qeyd edilir ki, hələlik alovu ram etmək mümkün olmayıb. Əksinə yanğın daha da genişlənib.

Fövqəladə Hallar Nazirliyinin Yanğından Mühafizə Xiddmətindən bildirilib ki, hazirda yanğının söndürülməsi üçün yanğınsöndürənlər əllərindən gələni edirlər.

"Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri hadisə yerinə cəlb olunub. İlkin məlumata əsasən bazarın ərazisində bir-birinə bitişik mağazalar yanır. Hazırda yanğınsöndürmə işləri davam etdirilir", - deyə bildirilib. (BAKU.WS)

***
Sabirabad şəhərinin İlham İsgəndərov küçəsində yerləşən mərkəzi bazarında böyük yanğın baş verib.

Sonxeber.az xəbər verir ki, hadisə yerinə qonşu rayonlardan da daxil olmaqla FHN-nin 12 yanğınsöndürəm maşını və xeyli sayda canlı qüvvəsi cəlb olunub.

İlkin məlumata görə, "Əmin" marketdə başlanan alov sonradan genişlənib və böyük ərazini əhatə edib.

Hazırda yanğının söndürülməsi istiqamətində tədbirər davam etdirilir.