"Xəzər adaları"nın adı dəyişdirildi - Başıbəlalı layihəyə "gün doğdu"

"Xəzər adaları"nın adı dəyişdirildi - Başıbəlalı layihəyə "gün doğdu"Azərbaycanda 8 il bundan qabaq maliyyə tutumuna və miqyasına görə böyük səs-küyə sahib olan bir layihənin təməli qoyuldu.

Sonxeber.az qafqazinfo-ya istinadən xəbər verir ki, 2011-ci ildə "Avesta" şirkəti 100 milyardlıq "Xəzər adaları" layihəsini ortaya qoyaraq dənizdə yeni bir ada şəhərin salınacağının anonsunu verdi. Burada 1 milyon nəfərin yaşaması planlaşdırılırdı. Bunun üçün lazım olan bütün infrastrukturların qurulacağı da planda öz əksini tapmışdı.

Şirkətin prezidenti İbrahim İbrahimov (Hacı İbrahim) o zaman bildirmişdi ki, layihənin həyata keçirilməsinə Amerika, Türkiyə, ərəb və Çin investorları maraq göstərirlər. Hətta bu dövrlərdə bir neçə xarici şirkətin rəhbərlərinin layihəyə yatırım edəcəyi ilə bağlı məlumatlar yayılmışdı. 2013-cü ilin oktyabrında adalarda inşa edilmiş idman və stadionlar kompleksinin açılışı da olub. Ancaq bu proyektin inşası 2015-ci ildə dayandırıldı. Buna səbəb layihənin icraçısı olan İbrahim İbrahimovun müflis olması idi. Məlum oldu ki, o, dövlət bankı olan "Azərbaycan Beynəlxalq Bankı" ndan götürdüyü 1 milyard dollara yaxın vəsaiti təyinatı üzrə xərcləməyib. Layihə rəhbəri "Beynəlxalq Bank" işi məsələsində ödəmədiyi borcuna görə cinayət məsuliyyətinə də cəlb olunmuşdu. O, borcunu ödəmək şərtiylə sərbəst buraxılıb.

Bu günlərdə də iş adamı mətbuata verdiyi açıqlamada "Xəzər adaları" layihəsini banka olan borcunu ödəmək məqsədi ilə dövlətə bağışladığını vurğulayıb. Ərazinin deputat Kamran Nəbizadənin rəhbərlik etdiyi Azərbacan Sənaye Korporasiyasına verildiyini təsdiqləyib. Əmlakın dəyərinin 720 milyon manat həcmində qiymətləndirildiyini və borcunu ödəyib tam bitirdiyini ifadə edib.

Qeyd edək ki, zamanla mətbuatda bu meqalayihə ilə bağlı müxtəlif açıqlamalar verilsə də, onun reallaşması mümkün görünməyib.

Buna görə də layihənin ciddiliyi şübhə altına düşüb. Bu müddətə qədər tikilmiş tikililər də baxımsız və yarımçıq vəziyyətdə qalıb.

Elə bu ərəfədə Rusiyanın "RBK" kanalı "Xəzər adaları" layihəsinin 2022-ci ildə başa çatacağı ilə bağlı xəbər yaydı. Həmin süjetdə dünyanın ən hündür qülləsi olan "Azərbaycan" qülləsinin ( 1050 m) hətta 2019- cu ildə başa çatdırılacağı bildirilib. Bütün arxipelaqın isə 2022-ci ildə başa çatmasının planlaşdırıldığı qeyd edilib.

Bu xəbərlə birgə Hacı İbrahimin də verdiyi açıqlama da üst-üstə düşdüyünə görə, bu dəfə başıbəlalı layihənin gerçəkləşməsinin mümkünlüyü gün üzünə çıxır.

Bəs, bu layihənin belə tez başa çatması mümkün ola bilərmi? Növbəti dəfə layihənin fiaskoya uğramaq riskləri varmı? Pul layihəyə haradan cəlb olunacaq?

Bu suallara layihənin təhvil verildiyi Azərbaycan Sənaye Korporasiyasından cavab verilib.

Sözügedən quruma bir neçə sualla müraciət etsək də, qısa cavab göndərilib. Bildirilir ki, "Azərbaycan Sənaye Korporasiyası" Açıq Səhmdar Cəmiyyətinin yaradılması və fəaliyyətinin təmin edilməsi ilə bağlı ardıcıl tədbirlərin davamı kimi, Təhvil-Təslim Komissiyasının 10 aprel 2019-cu il tarixli 21 saylı qərarı ilə "Avesta Konserni" MMC-yə məxsus olmuş, Bakı şəhəri, Qaradağ rayonu, Sahil qəsəbəsinin şimal-şərq hissəsində 499,9573 ha torpaq sahəsinin istifadə hüququ və onun üzərində yerləşən inşası başa çatmamış tikililər ("Yeni şəhər" kompleksi) "Azərbaycan Sənaye Korporasiyası" ASC-nin balansına verilib. "Yeni şəhər" kompleksinin gələcək inkişafı baxımından texniki və iqtisadi cəhətdən yenidən əsaslandırılması üçün yerli və xarici mütəxəssislərin cəlb edilməsi nəzərdə tutulub. Mütəxəssislər tərəfindən yekun rəy verildikdən sonra, layihənin davam etdirilməsi, gələcək inkişaf perspektivləri, investorların axtarışı barədə qərar qəbul ediləcək.

Milli Məclisin deputatı Vahid Əhmədov da açıqlamasında qeyd edib ki, sözügedən layihəylə özü tanış olub: "Orada çox böyük işlər görülüb. İşlərin ağır hissəsi görülsə də, müəyyən işlər hələ də qalıb. Şirkət rəhbəri borclu olduğu üçün layihə satılıb və Azərbaycan Sənaye Korparasiyasına təhvil verilib. Yəqin ki, layihənin üzərində işləyəcəklər. Kreditlər cəlb edəcəklər. Həmin layihəni axıra qədər başa çatdıracaqlar. Bu, çox gözəl bir layihədir. Sözügedən layihənin inkişaf etdirilməsi Azərbaycanda bir sıra sahələrin, o cümlədən, turizmin inkişafına da təsir edəcək. Yəqin hökumət belə bir qərar qəbul edibsə, onun tikintisinin davam etdirilməsi nəzərdə tutulur. Bu layihəyə vaxtilə xaricdən də maraq göstərənlər olub. Sonradan kredit borcu ilə bağlı problemlər ortaya çıxdı və məsələ yarımçıq qaldı. Hesab edirəm ki, rəhbərlik tamamilə düzgün qərar qəbul edərək həmin layihəni təhvil verdi. Azərbaycanda həm əhatə dairəsi, həm böyüklüyü, həm də maliyyə tutumu baxımından bundan böyük layihə görməmişəm. Onu başa çatdırmaq çox vacibdir".

Sosial   Baxılıb: 1025   Tarix: 16 iyul 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Bakının bu prospektindəki sıxlığın SƏBƏBİ BİLİNDİ

Bakıda yol qəzası baş verib.. . Bakı Nəqliyyat Agentliyindən Sonxeber.az-a verilən məlumata görə, bir qədər əvvəl Tibilisi prospekti (Qlobus plazanin yanı) A.Bakıxanov küçəsi istiqamətində yol nəqliyyat hadisəsi baş verib. Bu səbəbdən hadisənin baş verdiyi ərazidə sıxlıq müşahidə olunur.

16 iyul 2019

Bakıda yeni zibil qabları - FOTO

Bakı Şəhər Mənzil Kommunal Təsərrüfatı Departamenti tərəfindən Nərimanov rayonunda yeni pilot layihə - bərk məişət tullantılarının yığılması, daşınması və çeşidlənməsinin ən müasir səviyyədə təşkil edilməsi layihəsinin icrasına başlanılıb.. Sonxeber.az lent.az-a istinadən bildirir ki, layihə Böyük Britaniyanı

16 iyul 2019

Cəbhədən XƏBƏR VAR

Atəşkəs rejimi ara-sıra açılan atəşlə pozulub. Sutka ərzində Ermənistan və Azərbaycan qoşunlarının təmas xəttində nisbi sakitlik müşahidə olunub.. Sonxeber.az bildirir ki, cəbhənin bəzi sahələrində atəşkəs rejimi ara-sıra açılan atəşlə pozulub.

16 iyul 2019

Şəki Xan Sarayına giriş BAĞLANDI

Dövlət Turizm Agentliyinin rəhbərliyinin qərarı ilə "Yuxarı Baş" Dövlət Tarix-Memarlıq Qoruğunda yerləşən Şəki Xan Sarayının ərazisinə giriş bir müddət bağlı olacaq.. Sonxeber.az APA -ya istinadən bildirir ki, bu barədə Dövlət Turizm Agentliyi məlumat yayıb.. Bildirilib ki, müvafiq araşdırm

15 iyul 2019

Azərbaycanda son 27 ilin boşanmaları - STATİSTİKA

Azərbaycanda 1991-2018-ci illərdə qeydə alınan boşanmaların sayı açıqlanıb.. Sonxeber.az APA -ya istinadən bildirir ki, 1991-2018-ci illər aralığında ölkədə 241 621 boşanma qeydə alınıb.. Statistikaya nəzər saldıqda, son illərdə boşanmaların sayında artım müşahidə olunur.. Belə ki, Azərbaycanda 1991-c

15 iyul 2019

Hər il azı 1,4 milyard turist başqa ölkəyə səfər edir

Şəhərlərin qədim mərkəzi və tarixi məhəllələri ilə hərəkət edən insan kütlələri, şəhərlərin əsas hərəkət yollarında tıxac yaradan səyahət avtobusları, bələdiyyələrə gecələmə üçün rüsum ödəməyən, lakin ətraf mühitə ağır zərbə vuran okean laynerləri, turistlərlə dolu dəniz çimərlikləri və tarixi abidələ

15 iyul 2019

Bilgəhdə faciəvi şəkildə ölən 32 yaşlı İlhamla bağlı ÜRƏKDAĞLAYAN FAKTLAR - FOTOLAR

Dünən Bakı şəhər Sabunçu rayonu ərazisində - Bilgəh çimərliyində dənizdə batan 32 yaşlı İlham Rəsulzadənin axtarışları davam etdirilir.. . Sonxeber.az-ın Publika.az-a istinadla məlumatına görə, ilkin olaraq hadisənin dənizin dalğalı olması səbəbindən baş verdiyi müəyyənləşib.. . Vəfat edən şəxsə gəlincə

15 iyul 2019

Nazirdən TƏYİNAT: Bu rayonlara rəis göndərdi

Vergilər naziri Mikayıl Cabbarov bir sıra təyinatlar edib. . . Nazir iki rayona rəis təyin edib. . . Qeyd edək ki, Bakı şəhəri Kiçik Sahibkarlıqla İş Departamentinin sabiq Baş direktoru Səməd Vəliyevi Şəmkir şəhərində 14 saylı Ərazi Vergilər İdarəsinə rəis, Pərvin Əhmədovu isə Zaqatala rayon 13 sayl

15 iyul 2019

Əhaliyə XƏBƏRDARLIQ - Bunu etməsəniz 30 manat cərimələncəksiniz

Azərbaycan Respublikası vətəndaşlarının olduğu yer üzrə qeydiyyatı "Yaşayış yeri və olduğu yer üzrə qeydiyyat haqqında" Azərbaycan Respublikasının Qanununa və həmin Qanunun tətbiqi haqqında Əsasnaməyə əsasən həyata keçirilir.. . Daxili İşlər Nazirliyindən (DİN) Sonxeber.az-a verilən məlumat

15 iyul 2019