Çimərlik ətrafındakı qanunsuz hasarlar söküləcək – XƏBƏRDARLIQ – VİDEO

Xəzər dənizi sanki "boğulur". Çünki Abşeron yarmadası ərazisində sahil boyu uzanan hasarlarla əhatələnib.

Sonxeber.az xəbər verir ki, məsələ barədə İctimai Televiziya maraqlı sujet hazırlayıb.

Kanalın hazırladığı sujetdə bildirilib ki, dəfələrlə məsələ barədə tənqidi fikirlər səslənsə də, bu qanunsuz əməllər hələ də davam edir.

Bakı şəhər İcra Hakimiyyətinin Ticarət və xidmət departamentinin əməkdaşı Bayram Həsənov bildirib ki, hasarların sökülməsilə bağlı sahibkarlara məlumatlar verilib.

"Yəqin ki, yaxın gələcəkdə kompleks işlər görüləcək. Bakı şəhər İcra Hakimiyyəti ilə yanaşı Fövqəladə Hallar Nazirliyinin və digər inzibati orqanlarının əməkdaşları da bu işdə iştirak edəcəklər. Bəzi yerlərin özəlləşdirildiyi üçün bu məhkəmə işidir", - deyə Bayram Həsənov bildirib.

Telegramda izləyin

instagramda izləyin