"İnandığım nağılımsan" - İradə ərini belə təbrik etdi

Müğənni İradə İbrahimovanın həyat yoldaşı Ceyhun İzerin doğum günüdür.

Sonxeber.az axşam.az-a istinadən xəbər verir ki, ifaçı sosial mediada əri ilə birlikdə fotosunu paylaşaraq onu təbrik edib.

"Yeni yaşın mübarək, həyat yoldaşım. Bu həyatda səninlə yaşadığım gözəlliklərin sayı-hesabı yoxdur. Mən səndən razıyam, Allah da səndən razı olsun. Baxmayaraq yaz ayında dünyaya gəlmişəm, ən çox payızı sevirəm. Səninlə yazı da sevdim. Ərim, həyat yoldaşım, dostum, əbədi yol yoldaşımsan mənim. Yaxşı gündə, pis gündə ölüm bizi ayırıb, sonra yenə sonsuzadək birləşdirəcəyinə inandığım nağılımsan".

Xatırladaq ki, İradə İbrahimova 2009-cu ildə türkiyəli iş adamı Ceyhun İzerlə ailə həyatı qurub. Bu nikahdan onların İpek adlı bir qızı, Əli adlı bir oğlu var.