"Anamın üzünü görməmişəm, atam isə..." - Afaq Bəşirqızı ilə doğum günü söhbəti

"Anamın üzünü görməmişəm, atam isə..." - Afaq Bəşirqızı ilə doğum günü söhbətiAdətən müsahibənin girişində müsahiblər barədə təmtəraqlı sözlər, pafoslu ifadələr işlətməkdən qaçmışam. Amma bu müsahibim barədə nə qədər xoş sözlər, təriflər deyilsə, yenə də azdır. Ən azı ona görə ki, o, Prezident İlham Əliyevlə mədəniyyət və incəsənət xadimlərinin görüşündəki çıxışıyla onlarla, bəlkə də yüzlərlə ailənin sevincinə səbəb oldu. Əbəs deyil ki, onu həm də gənc aktyor-aktrisaların hamisi, ümid yeri hesab edirlər. Bu gün o haminin 64 yaşı tamam olur. Doğum günü təbriklərinin çox olmasına rəğmən, Sənətkar bizə də vaxt ayırdı.

Beləliklə, "Ölkə.az"ın suallarını "Şöhrət" ordenli Xalq artisti, Azərbaycan Prezidentinin fərdi təqaüdçüsü Afaq Bəşirqızı cavablandırır.

- Afaq xanım, sizcə, doğum günü kamilləşməkdir, yoxsa yaşlanmaq?

- Adam əvvəlcə gözləyir ki, gələn ay doğum günümdür, yaxud bir neçə gündən sonra ad günümdür... Saat 12də baxırsan ki, indi təbriklər başlayacaq. Heç bir insan deməsin ki, doğum günü mənim üçün adi günlərdən biridir. Bu, mümkün olan şey deyil. Əgər insan həyatı sevirsə, deməli, həyata gəlməyini də sevir. Əlbəttə, elə doğum günü var ki, təntənəli keçir, elə də olur ki, yaxınlarının, doğmalarının əhatəsində keçir. Fərq yalnız bunda ola bilər.

- İlk təbrik də hər zaman maraqlıdır...

- İlk təbriki yaxınlarım, doğmalarım edirlər. Onların diqqətini hər zaman hiss etmişəm və edirəm. Amma deyim ki, ən birinci təbriki özüm edirəm. Adətimdir, həmişə doğum günündə ən çox sevdiyim ətiri açıb, istifadə edirəm. Ondan sonra isə oğlum, həyat yoldaşım, nəvələrim, ailə üzvlərim, sevənlərim məni təbrik edirlər.

- Yaradıcı insan üçün təbii ki, diqqət çox önəmlidir. Bəs sizin üçün təmtəraqlı doğum günləri daha maraqlıdır, yoxsa yaxın çevrəylə qeyd etdiyiniz ad günü?

- Mən ona bir fərq qoya bilmərəm. Çünki mənim təntənəli doğum günüm nəvəmin 15 yaşı ilə üst-üstə düşəndə olub. Öz yubileylərim təntənəli keçirilməyib. Yalnız Heydər Əliyev adına Sarayda yaradıcılıq gecəm keçirilib. Əgər ömür vəfa etsə, gələn il ikinci nəvəm Əhmədpaşanın 15, mənim 65 yaşım, Əhməd bəylə evliliyimizin isə 40 ili tamam olur. Ona görə gələn il mənimçün çox önəmli olacaq.

- (zarafatyana) Riyaziyyatla aranız necədir? Çünki sanki hər şeyi dəqiqliklə ölçüb biçmisiniz.
- Hər hansı sevinci, diqqəti riyaziyyat tamamlamır. Riyaziyyat elmlərin açarı olsa da, insanın açarı onun şüuru, davranışı və dünyaya baxışıdır. Ona görə də mənim həyat yoldaşımla qırx illik ömrümün riyaziyyata aidiyyatı yoxdur (gülür).

- Bəzən sənətkarlar yaşa dolduqca diqqət kasadlığından gileylənirlər. Amma məncə siz xüsusən bu ərəfələrdə gənc aktyor və aktrisaların diqqətini daha çox hiss edirsiniz. Çünki problemləri, çətinlikləri olanda ilk ağıllarına gələn sənətkar məhz sizsiniz...

- Allah mənə unudulmağı qismət etməsin. İnşallah, gözəl Allahım unudulmağıma imkan verməyəcək. Sənətkarın ən böyük dərdi unudulmaqdır. Əlbəttə, sənətkar meydandan vaxtında getməyi bacarmalı və bunu qəbul etməlidir. Amma sən meydanın sinəsinə möhkəm adımlarını, dabanlarını basa bilirsənsə, deməli, sənə o meydan var. Deyir ki, "Demə, bu şirə piridir, cəngi meydanda, şir elə şiridir ki şiridir". Mən şir bürcündənəm. Mənimçün ən böyük qüvvə Allah, ən sevimli din öz dinim, sevimli varlıqlarım övladlarım, ən önəm verdiklərim isə xalqımın balalarıdır. Ona görə də öz övladlarım üçün etdiklərimin daha artığını başqaları üçün, öz millətimin balaları üçün etmək istəyirəm. Ola bilər ki, övladın sənin ona etdiyinə sağ ol deməyi unudar, düşünər ki, anamdır, etməlidir. Amma başqasına göstərdiyim qayğı ömrümün üstünə ömür gətirir. Hiss edirəm ki, onu bu qayğımla yaşatdım, sabaha inandırdım. Ona görə bütün etdiklərimin hamısını ana, vətəndaş və ağbirçək borcum hesab edirəm. Mən həm gəncləri, həm orta yaşlıları, həm öz yaşıdlarımı çox sevirəm. Ən çox sevdiklərim isə uşaqlardır.

- İndiyə qədər ən yadddaqalan hədiyyəniz hansı olub?

- Sənətkar deyə bilər ki, mənim premyeralarımın hər biri hədiyyəmdir, yaddaqalan günümdür, mükafatlarım, ödüllərim və sair. Amma mən anayam, qadınam və həyatda ən sevimli günüm həyat yoldaşımla rastlaşdığım gün, eyni zamanda yeganə övladım Semralın avqustun 12-də dünyaya gələn günüdür. Çox qəribədir ki, avqust ayının on günün müddətində nəvəm Bəşir istisna olmaqla, doğum günlərimizdir. Bəşir də mənim ilimdəndir, amma mayın 15-də anadan olub. Balaca nəvəm Əhmədpaşa avqustun 10-dur, Semral avqustun 12-i, mən avqustun 15-i, Əhməd müəllim isə avqustun 20-dir. Hamımız şir bürcüyük. Amma evimizdə nərilti-gurultu yoxdur. Yaradıcı, həyati nərilti-gurultu var, yeri gələndə qalibiyyət nərilti-gurultusu da var. Evin böyüyünün, kiçiyinin, ağsaqqalının, ağbirçəyinin isə yeri başqadır. Bu, Təhməzovlar ailəsində qəbul edilmiş qaydadır.

- Əslində, mən əvvəlki sualda atanız Bəşir Səfəroğludan aldığınız hədiyyədən danışacağınızı düşünmüşdüm. Ümumiyyətlə, sizə hədiyyə edirdimi?

- Atamı cəmi 1 il 4 ay görmüşəm. Çünki anam məni dünayaya gətirəndə, atam isə 12 yaşımda vəfat edib. 12 yaşıma qədər məni nənəm saxlayıb. Sonra nənəm vəfat etdiyinə görə atam məni tələb etdi. Tələb edəndə isə atam xəstəxanada idi. Ona cəmi 4-5 dəfə ata deyə bilmişəm. Ona görə də onun mənə ən böyük hədiyyəsi məni dünyaya gətirməyi olub. Mən, valideynlərimin boynumdakı minnətini heç vaxt ödəyə bilməyəcəm. Çünki valideynin pisi, diqqətsizi, yararsızı olmur. Valideyn valideyndir, ən azı doqquz ay səni bətnində gəzdirib. Anamın üzünü görməsəm də, heç vaxt onun borcundan çıxa bilmərəm. Eyni sözləri də atama aid edirəm. Bəşir Səfəroğlu adı mənimçün ömürlük hədiyyədir.


Sonxeber.az Telegramda izləyin
Mədəniyyət   Baxılıb: 940   Tarix: 15 avqust 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Romanlarımda seks mövzusuna toxunmuram - Çingiz Abdullayev İsraildə müsahibə verdi

İsraildə dünyaşöhrətli Azərbaycan nasiri, əfsanəvi Dronqonun "atası", iki yüzdən çox romanın və kino ssenarisinin müəllifi və müasir dövrün ən çox oxunan yazıçılarından biri olan Çingiz Abdullayevlə görüşlər keçirilib.. . Çingiz Abdullayev XX əsrin ən yaxşı detektiv romanlar silsiləsinin müəllifidir

15 avqust 2019

Hacı Nurandan Kəmaləddin Heydərovun həyat yoldaşına TƏBRİK - FOTO

Məşhur aparıcı Hacı Nuran Fövqalədə Hallar naziri Kəmaləddin Heydərovun həyat yoldaşını ad günü münasibətilə təbrik edib.. . Sonxeber.az xəbər verir ki, Hacı Nuran Instagram hesabında Kəmaləddin Heydərovun həyat yoldaşı Ruhəngiz Heydərova ilə fotosunu paylaşaraq bu sözləri yazıb:. . "Bu gün Azərbaycan-Korey

14 avqust 2019

"82 yaşlı qoca üçün pis deyiləm"- MUSA YAQUB

"İki gündə gəlib gedənlərin sayı-hesabı yoxdur. Bayramda isə qonaqlarımın sayı lap çox idi. Mənə olan bu sevgiyə görə xalqıma minnətdaram. Məndən uzaqda olan adam yoxdur, necə ki, mən hamını yaxın bilirəm".. . Sonxeber.az xəbər verir ki, bunu News24.az-a xalq şairi Musa Yaqub deyib. . . Bi

14 avqust 2019

Leyla Əliyeva Xalq artistini belə TƏBRİK ETDİ - FOTO

Heydər Əliyev Fondunun vitse-prezident Leyla Əliyeva Xalq artisti Elmira Rəhimovanı ad günü münasibətilə təbrik edib.. . Sonxeber.az xəbər verir ki, "Baku" jurnalının baş redaktoru Leyla Əliyeva İnstagram hesabının hekayə bölümündə Elmira Rəhimovanın fotosunu paylaşaraq "Ad gününüz mübarək!"

14 avqust 2019

Dörd sənətin yiyəsi - "Qızmar günəş altında" filminin Gülpərisi yığma komandanın kapitanıymış

İllər onu da dəyişmişdi... Gülpəriyə, Afətə bənzərliyi qalmamışdı. Yaşlanmışdı, şişmiş ayaqları gəncliyində quş kimi səkən yerişini ağırlaşdırmışdı. Amma 63 yaşlı bu xanımın ruhuna hələ də heyran qalmışdım! . . Sən demə, Sürəyya Qasımovanın gözəl musiqi duyumu varmış. Söhbət elədiyimiz otağın bir divarın

13 avqust 2019

"Yaraşığımı dükandan almamışam ki..." - Rasim Balayev

"Səhərdən rəsmi şəxslərdən, dostlardan, həmkarlardan təbriklər alıram. Hamıya təşəkkürümü bildirirəm".. . Sonxeber.az ölkə.az-a istinadən bildirir ki, bu fikirləri "ölkə.az"-a açıqlamasında dünən 71 yaşını qeyd edən xalq artisti, məşhur kinoaktyor Rasim Balayev səsləndirib. Sənətka

9 avqust 2019

"Min manata görə, məni filmə çəkmirlər" - Rafael Dadaşov

Özüm bilə-bilə "Vağzalı" sifariş verim. Onu döndəriblər heç nəyə. Çox yerdə eşitmişəm, artıq "Vağzalı" ölür. Keçirlər Vendersonun marşına. Bilə-bilə efirdə bu mövzunu saldım ki, unutmayın. Ata-babaların, köç havasıdır. Avropasayağı marş bizə xas deyil.. . Milli.Az axşam.az-a istinadə

8 avqust 2019

Rasim Balayev 71 yaşında: Qüruba doğru gedirik

Yaşlanmaq, 71 yaşını qeyd etmək hər insana qismət olmur. Allaha şükür edirəm ki, bu yaşıma çatmağı mənə nəsib edib.. . Sonxeber.az xəbər verir ki, bu sözləri Oxu.Az-a açıqlamasında bu gün doğum gününü qeyd edən "Şöhrət" ordeni laureatı, prezident təqaüdçüsü, Xalq artisti Rasim Balayev deyib.

8 avqust 2019

Baba Vəziroğlu: "Vəsf etdiyim qadın mətbəxdə qab yumur" - VİDEO

Tanınmış şair, əməkdar incəsənət xadimi Baba Vəziroğlu ilham pərisindən danışıb.. . Sonxeber.az Yenicag.az-a istinadən xəbər verir ki, şairin bu sözləri birmənalı qarşılanmayıb.. . "Mənim vəsf etdiyim qadın real həyatda gördüyünüz qadın deyil. O bizlə bir işdə çalışmır, mətbəxtdə qab yumur, uşa

8 avqust 2019