Murad Arif yenicə itirdiyi atasından YAZDI: "Atamı itirən kimi, içimdə..." - FOTO

Tanınmış aparıcı-müğənni Murad Arif İnstaqramdakı sonuncu paylaşımı ilə izləyicilərini kövrəldib.

Sonxeber.az xəbər verir ki, o, şəxsi hesabında atasını itirməsindən bəhs edib.

M.Arif atasının fotosunu paylaşaraq bu sözləri yazıb:

"Atamı bu il, 37 yaşında itirdim. Qəribə hiss yaşayıram. Atamı itirən kimi, içimdə bir ata tapmışam. Hiss edirəm ki, hardansa mənə dəstəkdir, bəlkə də qoruyur. Kişinin sağlığında bu qədər vacib, doğma və gərəkli olduğunu anlamırdım. İnsan heç əlindəkiləri haqqıyla dərk edərmi? Onunla həmişə aramızda pərdə olub. Mən doğulanda atamın 45 yaşı vardı. Məktəbə gedəndə 52... Sinif yoldaşılarım "Za toboy deduşka prişel – Sənin arxanca baban gəlib" deyərdi. Yeniyetməliyimdən 60-dan çox. Mən evlənəndə 75... Heç vaxt "orta statistik" atalardan ola bilmədi. Daha çox baba idi. Yəni, iştirakından daha da çox, xeyir duasıyla. Yaş fərqi, əslində dəyərlər, dövr, fiziki imkanlar arasında uçurumdur. Böyük yaş fərqi də, böyük uçurum..."

Qeyd edək ki, M.Arifin atası bu il aprelin 7-də dünyasını dəyişib.

Leyla

Telegramda izləyin

instagramda izləyin