"Mühərrikdə yağ axıntısı əmələ gəlib"- Bakı Nəqliyyat Agentliyindən tüstülənən avtobus barədə

Xəbər verdiyimiz kimi dünən "BakuBus"a məxsus 88A nömrəli müntəzəm marşrut xətti üzrə hərəkət edən 99 JH 233 dövlət nömrə nişanlı avtobusda tüstülənmə olub. Bu hal sərnişinlərə qorxulu anlar yaşadıb.

Bununla bağlı Sonxeber.az-a danışan Bakı Nəqliyyat Agentliyinin (BNA) mətbuat katibi Mais Ağayev məlumatı təsdiqləyib.

O, bildirib ki, gündəlik avtobuslar xəttə buraxılarkən texniki müayinədən keçirilir: Hava isti olduğundan mühərrikdə yağ axıntısı əmələ gəlib və tüstülənmə baş verib. Problem sürücünün peşəkarlığı və əraziyə gələn texniki işçilərin səyi nəticəsində aradan qaldırılıb. Bundan avtobus yenidən xəttə buraxılıb".
Şəlalə Babayeva