Yeni iş həftəsinə necə adaptasiya olmaq olar? - Psixolqdan VACİB TÖVSİYƏLƏR

Birinci gün bütün dünyada çətin iş günü sayılır. Psixoloqlar bunu insanların yeni iş həftəsinə çətin adaptasiya olmaqları ilə əlaqələndirirlər.

Bununla bağlı Sonxeber.az-a danışan psixoloq Narınc Rüstəmova bildirib ki,işləyənlər üçün istirahət günündən sonrakı mərhələ çox çətindir: Birinci gün sindromunu aşmaq üçün ilk növbədə otaqdakı əşyaların dizaynına dəyişiklik edilə bilər. Yəni otaqdakı dolabın, stol-stulun, bəzi əşyaların yerini dəyişmək lazımdır. Özünə hədiyyə almaq da mübət nəticələr verir. Bu insanda həmin işə sıfırdan başlamaq kimi abu- hava yaradır".

Narınc Rüstəmova söyləyib ki, bu sindroma qalib gəlmək üçün insan günə sevdiyi bir musiqi, ritual ilə də başlaya bilər: "Bir çoxları səhər duş almağı çox sevir. Bu amili nəzərə alaraq həmin şəxs günə duş qəbul edərək başlaya bilər. Kimisi isə günə sevdiyi rəngdə olan ayaqqabı,paltar geyinməklə başlayır. Günü özünə xoş tərzdə təlqin etmək üçün bu yaxşı vasitələrdəndir".

Psixoloq bəzən fiziki işlə məşğul olan insanların günə gec adaptasiya olmaması fikrinə də aydınlıq gətirib: "Bəzən insanlar düşünür ki, təkcə ağır, fiziki işdə işləyənlər birinci günə adaptasiya ola bilmir. Əslində bu belə deyil. Ofis işində çalışan istənilən insan bu yorğunluq hissini keçirə bilir. Çünki zehni iş görən zaman 4 dəfə artıq enerji sərf edirik".

Psixoloq vurğulayıb ki, aparılan araşdırmalar onu göstərir ki, 1- ci gün sindromunu daha çox özünü olduğu yerdə tapa bilməyən insanlar yaşayırlar. Məsələn, insan özünü olduğu mövqedə görə bilmirsə, amma hansısa maddi və digər səbəblərə görə işə getmək məcburiyyətindirsə o, digər insanlara nisbətən daha çox 1-ci gün sindromunu yaşayır.

Narınc Rüstəmova peşəsini həqiqətən sevən insanlarda bu sindroma az rast gəlindiyini də qeyd edib.

Psixoloq insanlara xoş həftəsonu keçirmələri üçün bir sıra tövsiyyər verib: "İnsanlar iş yerinlərinə evdən sevdikləri bir əşyanı, ailə üzvlərinin şəkilini, rəsm əsərlərini, ayna gətirə bilərlər. Çünki bütün bunlar insana enerji verən amillərdir".

Şəlalə Babayeva

Telegramda izləyin

instagramda izləyin