"O mənim ürəyimə elə dağ çəkdi ki..."- Azərbaycanlı müğənni qızının ölümündən danışdı

Tanınmış müğənni Şamo İsayev ilk dəfə qızının ölümündən danışıb.

O bununla bağlı ATV televiziyasından yayımlanan "Şou Atv" proqramında bildirib: " O mənim ürəyimə elə bir dağ çəkdi ki, ondan sonra bilmədim nə yaşayıram, nə işləyirəm, nə oxuyuram.Elə onun acı nəticəsidir ki, mən bu bəlalara düçar oldum. Uşağım bir yaşında gözümüzün qabağında tələf oldu.O mənim ikinci qızım idi. Adı Günel idi.Ay parçası kimi uşaq idi. Hətta onun adına Ağadadaş mahnı da oxumuşdu. Buradan sevinə-sevinə kəndə getdik. Qardaşım əsgərlikdən gəlmişdi. Hamımız ora yığışdıq. Uşağın bir balaca soyuqdəyməsi var idi. Amma biz onu müalicə etdirmişdik.İnanın, bir gecənin içində hava dəyişdi. Elə bir tufan , yağış oldu ki, uşağın əhvalı dəyişdi və biz onu itirdik. Mən o hadisədən sonra oxumaq istəmirdim.Mənə çox pis təsir etdi. Özümü öldürmək istəyirdim ".

Sözügedən proqramın qonağı olan müğənni onu da qeyd edib ki, ixtisasının həkim olması belə qızını xilas etməyə kömək etməyib:" Bütün gecəni onu xilas etməyə çalışdım. Çoxlu sayda həkim yoldaşlar da gəldi. Alınmadı..heç gözləmədiyim anda onu itirdik".

Telegramda izləyin

instagramda izləyin