Marsda duzlu gölün qalıqları kəşf edildi

"Curiosity" Mars zondu missiyası zamanı Qeyql kraterinin qayalarında sulfat duzu kəşf edib. Sonxeber.az xəbər verir ki, bu barədə NASA rəsmi məlumat yayıb.
Alimlərin fikrinə əsasən, Qeyql kraterində qədim dövrlərdə göllər və çaylar olub. Kraterdə kəşf edilən duz suyun buxarlanması nəticəsində əmələ gəlib. Kraterdəki qurumuş göl Mars səthinin uzunmüddətli qurumasından xəbər verir.
NASA alimləri bu faktoru planetdə iqlimin tez-tez dəyişməsi ilə əlaqələndirirlər. Bunun səbəbi isə planetin öz oxundan çıxması və orbitlərinin dəyişməsi səbəbindən ola bilər. Tədqiqatçıların fikrinə əsasən, 4.2 milyard il əvvəl Marsda iqlim isti və nəm olub. Çaylar və göllər olub, şimal yarımkürəsinin böyük hissəsini ocean tutub.
Bəzi ekspertlərin fikrinə əsasən isə, qədim dövrlərdə Marsda ciddi fəlakət baş verib və oxun öz yerini dəyişməsi ilə nəticələnib. Bu isə iqlim dəyişikliyi və planetdə bioloji həyatın məhv olmasına səbəb olub.

Telegramda izləyin

instagramda izləyin