Sürətli islahatlar kursunda rol ala bilən kadrlar önə çəkilir - RƏYLƏR

Sürətli islahatlar kursunda rol ala bilən kadrlar önə çəkilir - RƏYLƏRMilli Məclisin deputatları Əli Əsədovun Baş Nazir vəzifəsinə təyin edilməsini yüksək qiymətləndirir.

Deputat Musa Quliyev "Report"a açıqlamasında bildirib ki, Əli Əsədovun Baş Nazir vəzifəsinə təyin edilməsi doğru addımdır. Onun sözlərinə görə, Əli Əsədov cəmiyyətin çox yaxşı tanıdığı islahatçı kadrlardan biridir: "Əsədov uzun illər ulu öndər Heydər Əliyevlə çalışıb, Prezident İlham Əliyevin iqtisadi məsələlər üzrə köməkçisi olub. O, iqtisadiyyat sahəsində alimdir, yenilikçi bir insandır. Prezident İlham Əliyevin ortaya qoyduğu sürətli sosial-iqtisadi islahatlar kursuna uyğun olaraq Nazirlər Kabineti də çevik reaksiyasını verməlidir. Prezident İlham Əliyevin tapşırıqlarını, tövsiyələrini çevik, operativ olaraq insanlara və dövlətə sərfəli olan şəkildə həll etməkdən ötrü Nazirlər Kabinetinin başında bu sahəni dərindən bilən, yenilikçi, sədaqətli bir şəxsin olması vacib idi. Ona görə də düşünürəm ki, Əli Əsədovun Baş Nazir vəzifəsinə təyin edilməsi uğurlu seçimdir. Prezidentin son dövrlər başlatdığı kadr islahatları da dövlətçiliyin möhkəmləndirilməsinə xidmət edir. Bu addımlar xalqın sosial rifahının yüksəldilməsinə yönələn addımlardır".

Deputat Musa Quliyev

"Prezidentin son dövrlər başlatdığı kadr islahatları da dövlətçiliyin möhkəmləndirilməsinə xidmət edir".

M.Quliyev qeyd edib ki, kadr islahatlarının aparılması Prezident İlham Əliyevin səlahiyyətinə daxildir, dövlət başçısı peşəkar, təşəbbüskar kadrları önə çəkir, vəzifəyə təyin edir: "Həmin kadrlar özlərini doğrultmaqdadırlar. İndiyə qədər təyin olunan kadrların keyfiyyətli olduğunun şahidi olmuşuq".

Deputat Tahir Rzayev "Report"a açıqlamasında deyib ki, Prezident İlham Əliyev peşəkar, həyata keçirilən islahatlarda rol ala bilən kadrları irəli çəkir, etimad göstərir: "Həmin kadrlar da özlərini doğruldurlar. Əli Əsədov da peşəkar kadr kimi irəli çəkilib. Onun iqtisadi sahədə çox böyük səriştəsi var, uzun müddət Heydər Əliyev siyasi kursuna xidmət edib. Prezident onun qabiliyyətinə, bacarığına yaxından bələddir. Belə bir şəxsin Baş Nazir olması ölkənin gələcək inkişaf üçün çox vacibdir. Nazirlər Kabinetində uzun müddətdir ki, islahatlar həyata keçirilir. Hər kəsə aydındır ki, son bir ildə böyük islahatlar həyata keçirilib. Bunu nəinki Azərbaycan xalqı, beynəlxalq təşkilatlar, siyasətçilər yüksək qiymətləndirirlər. Bu, həyata keçirilən siyasətin uğurunu göstərir. Düşünürəm, islahatlar bundan sonra da müvəffəqiyyətlə davam edəcək".

Deputat Tahir Rzayev

"Nazirlər Kabinetində uzun müddətdir ki, islahatlar həyata keçirilir".

Milli Məclisin deputatı Şəmsəddin Hacıyev "Report"a açıqlamasında Əli Əsədovun Baş Nazir vəzifəsinə təyin edilməsini çox yüksək qiymətləndirdiyini vurğulayıb: "O, uzun müddətdir ki, ölkənin ictimai-siyasi həyatında çox fəal iştirak edir, 1990-cı illərdən partiya sıralarında aktiv olub, Heydər Əliyev siyasi kursuna sadiq insandır. Son 20 ildə ixtisasına uyğun olaraq iqtisadiyyatla məşğul olub. Onun sosial islahatların həyata keçirilməsində rolu mühümdür. Əminəm ki, Əli Əsədov Prezident İlham Əliyevin göstərdiyi böyük etimadı şərəflə doğruldacaq, ölkənin məhz iqtisadiyyatının inkişafı, Azərbaycanın beynəlxalq aləmdə tanınması üçün əlindən gələni əsirgəməyəcək, yüksək nəticələrlə bu vəzifəni yerinə yetirəcək".

Milli Məclisin deputatı Şəmsəddin Hacıyev

"Əli Əsədovun Baş Nazir vəzifəsinə təyin edilməsi qarşıya qoyulan hədəflərin, aparılan islahatların məntiqi nəticəsidir".

Deputat qeyd edib ki, Əli Əsədovun Baş Nazir vəzifəsinə təyin edilməsi qarşıya qoyulan hədəflərin, aparılan islahatların məntiqi nəticəsidir: "Azərbaycanda islahatlar bütün sahələrdə aparılır. İslahatlar bundan sonra da davam edəcək. Qarşıda böyük hədəflər var, bu ilk növbədə "yol xəritələri" ilə bağlıdır. Neftdən asılılığın azaldılması, post-neft dövrünün iqtisadiyyatının formalaşdırılması mühüm məsələdir. Bunu düzgün başa düşmək lazımdır, demirəm ki, Azərbaycan post-neft dövrünə qədəm qoyub. Sadəcə, gələcəkdə neft tükənəndə, hansı addımlar atılacaqsa, ona indidən hazırlaşmalıyıq. Yeni təyin olunan Baş Nazirin bu sahədə çox böyük təcrübəsi var".

Xatırladaq ki, Prezident İlham Əliyevin sərəncamı ilə Əli Əsədov Baş Nazir təyin edilib.


Sonxeber.az Telegramda izləyin
Sosial   Baxılıb: 1207   Tarix: 08 oktyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

ŞAD XƏBƏR : Bu şəxslər avtobuslardan pulsuz istifadə edəcək

Yaxın zamanlarda hökumət tərəfindən zəruri addım atılacaq. . "Yaxın günlərdə şagirdləri və valideynləri sevindirmək mümkün olacaq".. . Sonxeber.az xəbər verir ki, bunu Milli Məclisin deputatı Fazil Mustafa şagirdlərin ictimai nəqliyyatdan pulsuz istifadə etməsi ilə bağlı valideynlərin qaldırdığ

8 oktyabr 2019

Novruz Məmmədovun istefasının SƏBƏBİ

Novruz Məmmədovun Baş nazir vəzifəsindən istefasının səbəbi açıqlanıb.. . Sonxeber.Az xəbər verir ki, bu barədə Rusiyanın RİA Novosti agentliyi məlumat yayıb.. . Xəbərə əsasən, agentliyin Azərbaycan hökumətindəki mənbələrdən əldə etdiyi məlumata görə, Novruz Məmmədov təqaüdə çıxması ilə əlaqədar bu addım

8 oktyabr 2019

SON DƏQİQƏ! Azərbaycanın yeni Baş naziri TƏYİN EDİLDİ

Azərbaycan Milli Məclisi bu gün keçirilən plenar iclasda Əli Əsədovun Baş Nazir vəzifəsinə təyin edilməsinə razılıq verib.. . Sonxeber.az xəbər verir ki, iclasda "Əsədov Əli Hidayət oğlunun Azərbaycan Respublikasının Baş Naziri vəzifəsinə təyin edilməsinə razılıq verilməsi haqqında" məsəl

8 oktyabr 2019

TƏCİLİ! Baş nazir Novruz Məmmədov Prezidentə MÜRACİƏT ETDİ

Novruz Məmmədov Azərbaycanın Baş Naziri vəzifəsindən azad edilməsi ilə bağlı Prezident İlham Əliyevə müraciət edib.. . Sonxeber.az xəbər verir ki, bu barədə parlamentin bu gün keçirilən plenar iclasında spiker Oqtay Əsədov məlumat verib.. . O, Baş Nazir postuna yeni namizəddən danışaraq bildirib ki

8 oktyabr 2019

DTX-nın strukturunda dəyişiklik edildi - FƏRMAN

Prezident İlham Əliyev "Azərbaycan Respublikası Dövlət Təhlükəsizliyi Xidmətinin fəaliyyətinin təmin edilməsi haqqında" Azərbaycan Respublikası Prezidentinin 2016-cı il 13 yanvar tarixli 724 nömrəli Fərmanında dəyişiklik edilməsi barədə Fərman imzalayıb.. . Sonxeber.az bildirir ki, fərman

8 oktyabr 2019

Azərbaycanda nikahda olmayan qadınlar nə qədər uşaq dünyaya gətiriblər?

Azərbaycanda rәsmi qeydә alınmamış nikahda olan qadınlar tərəfindən doğulan uşaqların sayında azalma müşahidə edilir.. . Oxu.Az-ın xəbərinə görə, 2015-ci ildə rәsmi qeydә alınmamış nikahda olan qadınlar tərəfindən 24 min 38 uşaq dünyaya gətirilib.. . 2016-cı ildə bu rəqəm isə artaraq 26 min 288 uşa

8 oktyabr 2019

FHN ölkədə yanğınların artması ilə bağlı məlumat yaydı

Fövqəladə Hallar Nazirliyinin (FHN) Dövlət Yanğın Nəzarəti Xidməti ölkə ərazisində yanğın hadisələrinin artması ilə bağlı məlumat yayıb.. . FHN-dən Sonxeber.az-a verilən məlumatda qeyd edilir ki, yanğınların təhlili göstərir ki, açıq sahələrdə, zibil yığılmış ərazilərdə, qamışlıq və kol-kosda baş vermi

8 oktyabr 2019

Müştərilərinə qarşı seksual hərəkətlər edən manyak bərbər tutuldu

Abşeron rayonunda Türkiyə vətəndaşı 2 yeniyetmə oğlana qarşı seksual xarakterli hərəkətlər edib.. . Sonxeber.az "report"a istinadən xəbər verir ki, hadisə rayonun Masazır qəsəbəsində baş verib.. . Belə ki, qəsəbə ərazisində bərbər işləyən Türkiyə vətəndaşı H.Derici salonda müştərisi 2006-c

8 oktyabr 2019

Prezident İlham Əliyev Əli Əsədovu Baş Nazir təyin edib

Prezident İlham Əliyev Əli Əsədovun Azərbaycan Respublikasının Baş Naziri təyin edilməsi haqqında sərəncam imzalayıb.. . Sonxeber.az AZƏRTAC-a istinadən bildirir ki, sərəncama əsasən, Əli Hidayət oğlu Əsədov Azərbaycan Respublikasının Baş Naziri təyin edilir.. . Bu Sərəncam imzalandığı gündən qüvvəy

8 oktyabr 2019

vipemlak.az