"Zirvə görüşündə Dağlıq Qarabağ münaqişəsinin həlli ilə bağlı bəyanatlar oldu"-Millət vəkili

Xəbər verdiyimiz kimi Azərbaycanda Türkdilli Dövlətlərin Əməkdaşlıq Şurasının VII Zirvə Görüşü keçirilir. Tədbirlə əlaqədar bir çox türk dövlətinin rəhbəri Azərbaycana gəlib.

Məsələ ilə bağlı millət vəkili Cavid Osmanov Sonxeber.az-a açıqlama verib.

Deputat Cavid Osmanov söyləyib ki, Bakıda türk dili xalqların dövlət başçılarının zirvə görüşü keçirilir:
"Bilirsiniz ki, zirvə görüşündə Türkiyə prezidenti Rəcəb Tayyib Ərdoğan və Qazaxıstan Respublikasının birinci prezidenti, Nursultan Nazarbayev da iştirak edib. Təbii ki, bu görüşdə türk dili xalqların birgə fəaliyyət planı, təhlükəsizlik məsələləri müzakirə olunub. Bu cür mühüm bir görüşün Azərbaycanda keçirilməsi ölkəmizin uğurudur. Zirvə görüşündə ayrı-ayrı dövlətlərin, həmçinin Özbəkistanın prezidentinin Dağlıq Qarabağ münaqişəsinin Azərbaycanın ərazi bütövlüyü çərçivəsində tezliklə həll edilməsi ilə bağlı bəyanatları oldu. Bildirildi ki, bu məsələ tez bir zamanda həll edilməlidir. Onlar öz çıxışları ilə dünya ictimaiyyətinin fikirlərini bu istiqamətə yönəldiblər".

Aysel Yusifqızı

Telegramda izləyin

instagramda izləyin