Deputat Musa Quliyev: "Kəndlərdə mal-qaranı otarmaq, torpaq əkmək üçün oğlan uşaqlarına ehtiyac var idi..."

Xəbər verdiyimiz kimi ,Azərbaycan xalqının spesifik xüsusiyyəti ailədə uşaqların sayında belə təsir mövqeyini göstərməkdədir. Bəllidir ki, uşaqlar arasında cins fərqi qoymaq gələcəkdə demoqrafik problem yarada bilər. Rəsmilərin verdiyi məlumatda əksini tapan bu məsələ, yəni oğlan və qızların saylarında olan gözəçarpan say fərqi gələcəkdə qadın çatışmazlığı kimi problem yarada bilər.

Millət vəkili Musa Quliyev isə məsələyə maarifləndirmə ilə başlaya biləcəklərini qeyd edərək selektiv abortu qadağan edən qanun və insanlardan söz açıb:

"Mən on beş ildir bu barədə danışıram. Burada din xadimləri də öz sözünü deməlidir. Qız Allahın verdiyi paydır. Bu barədə Məhəmməd peyğəmbərin çox gözəl kəlamı var: "Övladlarınız arasında fərq qoymayın, əgər fərq qoyacaqsınızsa qızlara üstünlük verin".
Bu il yəqin reproduktiv sağlamlığın qorunması haqqında qanun qəbul edəcəyik. Burada selektiv abortla bağlı konkret qadağalar var və 12-ci həftədən sonra abort edilməsinə də ancaq konsilium qərar verəcəkdir. Sosial göstəriciyə görə, abortu ancaq ailənin müraciəti əsasında həkim təkbaşına edirdi, qərar verirdi. Bu tək Azərbaycanın problemi deyil, bir çox Şərq ölkələrinin vətəndaşları az uşaq istəyirlər. Yəni, ailədə çox vaxt iki uşaq istəyirlər. O da birinci uşaq qız olanda çox vaxt abort etmirlər, ancaq ikinci qız olanda artıq aborta üz tuturlar. Mən düşünürəm ki, maarifləndirmə işi ilə bərabər həmçinin inzibati tədbirlər də öz yerində görülməlidir.
Musa Quliyevin sözlərinə görə, Qanunun qadağası vətəndaşa deyil, konret vəzifəli şəxsə yönəlikdir. Yəni ginekoloq həkimə və həmin xəstəxananın baş həkiminə yönəlikdir.
"Vətəndaşa qanun nəzərdə tutmayacaq sən niyə aborta gedirsən? Sualını versək, vətəndaş deyəcək ki, mən övlad istəmirəm. Amma selektiv abortu qadağan etmək ancaq həkimə yönəlikdir".
Deputat qeyd edib ki, bunu etməsək, biz qadın və qızları diskriminasiya etmiş oluruq və həm də ki, demoqrafiq problem ortaya çıxa bilər :
"Mən Milli Məclisdə bu məsələni qaldırmışam. Həmişə deyirəm ki, 20 ildən sonra biz xarici millətlərdən gəlin gətirəsi olacağıq. Bu maarifləndirmə işi ilərlə getməlidir. Əvvələr niyə çox uşaq istəyərdilər və çoxusu da istiyərdilər oğlan olsun? Çünki, ailəyə əsas təsərrüfat lazım idi. Ona görə də qadınlardan çox kişilərə ehtiyac var idi. Mal-qaranı otarmaq, kənd yerlərində torpaq əkmək və soyadın əsas daşıyıcısı kişi oldğduğuna görə nəslin davamçısı da elə kişi xətti ilə getməli idi. Qərbə, dünya dəyərlərinə inteqrasiya edirik və düşünürəm ki, bunlar yavaş- yavaş aradan çıxacaq".

Şəlalə Babayeva

Telegramda izləyin

instagramda izləyin