"Rusiyadakı iş adamlarımızın çoxunu elə özümüzünkülər öldürür"-Hafiz Hacıyevdən QALMAQALLI AÇIQLAMA

"Rusiyadakı iş adamlarımızın çoxunu elə özümüzünkülər öldürür"-Hafiz Hacıyevdən QALMAQALLI AÇIQLAMAXəbər verdiyimiz kimi, son bir həftə ərzində 2 azərbaycanlı iş adamı Rusiyada qətlə yetirilib. Son dövrlər xarici ölkələrdə yaşayan azərbaycanılıların öldürülməsi halları çoxalıb.

Bununla bağlı Sonxeber.az-a danışan Müasir Müsavat Partiyasının sədri Hafiz Hacıyev bildirib ki, xarici dövlətlərə gedən və Rusiya küçələrinə səpələnən insanlarımız öz doğma torpaqlarımıza geri qayıtmalıdırlar: "Bilirsiniz ki, Rusiyada krimnal hadisələr çoxalıb. Bizdə olan məlumata görə, oradakı azərbaycanlı iş adamları özümüzünkülər tərəfindən qətlə yetirilirlər. Təəssüf ki, münaqişələr və pula görə azərbaycanlıların özümüzünkilər tərəfindən öldürülmə halları çoxalıb. Biz bu cür hadisələrin baş verməsini istəməzdik. İstərdik ki, azərbaycanlı iş adamları gəlib öz doğma vətənlərində bizneslərini qursunlar. Son vaxtlar ölkə rəhbərliyi tərəfindən sahibkarlığın inkişafına və korrupsiya qarşı çox mühüm addımlar atılmaqdadır. Ən önəmlisi isə ölkəmizdə iş adamlarına olan münasibət dəyişib. Xarici dövlətlərdə insanlarımızın öldürülməsi hamımızı üzür. Bir milyondan artıq vətəndaşımız Rusiyadadır. Öldürülən azərbaycanlıların bir çoxu hansı səbəbdən qətlə yetirildiyi çox zaman bilinmir. Amma bizim apardığımız araşdırmalara görə onların bir çoxu azərbaycanlıların xəyanəti ucbatından öldürülür. İstərdim ki, Rusiyada və digər ölkələrdə olan iş adamları gəlib öz doğma vətənlərində sərmayə qoysunlar. Bununla da 5-10 azərbaycanlıya çörək vermiş olarlar".

Aysel Yusifqızı

Sosial   Baxılıb: 3243   Tarix: 19 oktyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR