Xalq artisti illərdir erməni mahnısı oxuyurmuş: "Flora Kərimov bu mahnını çox sevir"

Xalq artisti Səməd Səmədovun "Hər yaşın öz gözəlliyi var" adlı mahnısının musiqisi erməni bəstəkara məxsusdur. Sonxeber.az-ın araşdırmasına əsasən, Səmədov tərəfindən 2000-ci illərdə ifa edilən "Hər yaşın öz gözəlliyi var" mahnısı erməni bəstəkar Garo Mafyan tərəfindən bəstələnib. Sözləri Fikret Şeneşə aid olan mahnını ilk dəfə 1990-cı illərdə türkiyəli məhşur müğənni Ajda Pekan ifa edib.
Mövzu ilə əlaqədar Sonxeber.az-a açıqlama verən xalq artisti Səməd Səmədov bildirib ki, mahnının bəstəkarının erməni olduğundan xəbərsizdir:
"İllərdir bu mahnını oxuyuram. Çox gözəl mahnıdır. "Hər yaşın öz gözəlliyi var" adlı mahnını rəhmətlik İlhamə xanım da, dəyərlimiz Flora xanım da çox bəyənirdi. Dəfələrlə bu mahnıya görə mənə təşəkkür də ediblər. Lakin mən bu vaxta qədər mahnının bəstəkarının erməni olduğunu bilmirdim. O vaxt biz mahnını götürüb, yenidən aranjeman edib oxuyurduq. Erməni, gürcü yaxud da rus mahnısı olduğuna heç fikir də vermirdik. İndi bildim və daha bu mahnını ifa etməyəcəm".

https://www.youtube.com/watch?v=cDcsPf-izhw
https://www.youtube.com/watch?v=TmiRnLywji4
https://www.youtube.com/watch?v=9tV-fM78j48

Lamiyə Məmmədova

Telegramda izləyin

instagramda izləyin