"Xalq artisti olmasam da, əsas odur ki, məni xalq sevir" — Sənubər İsgəndərlidən doğum günü AÇIQLAMASI

"Xalq artisti olmasam da, əsas odur ki, məni xalq sevir" — Sənubər İsgəndərlidən doğum günü AÇIQLAMASIBu gün tanınmış aktrisa, əməkdar artist Sənubər İsgəndərlinin doğum günüdür.
Aktrisa özəl günündə "Ölkə.Az"-ın əməkdaşının suallarını cavablandırıb.

O, ilk təbrikini tanımadığı bir insandan aldığını bildirib:

"Ad günümdə ilk təbriki tanımadığım bir insandan almışam. Sosial şəbəkədə bir izləyicim məni 2 gün bundan əvvəl təbrik edib, mənə xoş arzularını yazmışdı. Ümumiyyətlə, məni təbrik edən tanıdığım, tanımadığım hər bir insana təşəkkürümü bildirirəm".

Əməkdar artist hər zaman ad günlərində Allaha təşəkkür etdiyini də açıqlayıb.

"Hər ad günümdə şükr edirəm ki, Allah mənə bu yaşa çatmağa nəsib etdi. Bu ilə qədər sağlam bir ömür yaşadım. Ona görə, hər zaman tanrıma təşəkkür edirəm".

Əməkdaşımızın "Təbrikini gözlədiyiniz, ancaq sizi yada salmayan insan varmı?",- sualına o, hər zaman diqqət mərkəzində olduğunu və heç bir zaman unudulmadığını söyləyib.
"İnanın ki, yoxdur. Çünki gözlədiyim insanlar hər il məni təbrik edib, xoş sözlər yazırlar. Cismən də, ruhən də hər zaman yanımdadırlar".

S. İsgəndərli yaradıcılıq yeniliklərindən də söz açmağı unutmayıb.

" Bu yaxınlarda dahi yazıçımız Cəlil Məmmədquluzadənin "Dəli yığıncağı" tamaşasını təhvil verdik. Gələn həftə Akademik Milli Dram Teatrının 100 illiyi yubileyi ilə bağlı böyük bir tədbir olacaq. Hazırda o yubileyə hazırlaşırıq. Bir də keçən il Cəfər Axunzadənin "Qış nağılı" filminə çəkilmişəm, bu yaxınlarda premyarası gözlənilir".

O, Xalq artisti fəxri adına layiq görülməməsiylə bağlı sualı isə belə cavablandırıb:

"Yəqin ki, vaxtı çatanda verərlər.(gülür) Sözün açığı, mən bu məsələnin dərinliyinə getmirəm. Əsas odur ki, məni xalq sevir, insanlar sevir. Hər yerdə hörmət, dəyər görürəm, hiss edirəm. Bundan böyük ad var bu dünyada?"

Mədəniyyət   Baxılıb: 656   Tarix: 25 oktyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR