Azərbaycan Gimnastika Federasiyası Bakıda "TeamGym" üzrə kurslar təşkil edib - FOTO

Azərbaycan Gimnastika Federasiyası Bakıda "TeamGym" üzrə kurslar təşkil edib - FOTOOktybarın 24-26-da Azərbaycan Gimnastika Federasiyası Bakıda yerli gimnast və məşqçilər üçün "TeamGym" üzrə kurslar keçirib.

Sonxeber.az milli.az-a istinadən bildirir ki, kursları İslandiyadan dəvət olunmuş mütəxəssislər - İris Svavarsdottir, İris Mist Maqnusdottir və Helqa Svana Olafsdottir aparıb.

Azərbaycan Gimnastika Federasiyasının nümayəndəsi İnara İsrafilbəyova bildirib ki, kurslar ölkəmizdə "TeamGym" komanda gimnastika növünün inkişaf etdirilməsi məqsədi ilə keçirilir:

"TeamGym" Azərbaycanda yeni növdür, biz bununla ilyarımdır ki, məşğul oluruq. Ötən il Azərbaycan komandası Portuqaliyada keçirilmiş 12-ci Avropa çempionatında ilk dəfə iştirak edib. Kurslarda 40 nəfər - gimnastlar, məşqçilər və xoreoqraflar iştirak edir. Kurslarda bu növün qaydaları izah olunur və "TeamGym"lə bilavasitə məşğul olan idmançılar təlim keçir. Biz bu növü inkişaf etdirməklə 2020-ci ildə Danimarkada keçiriləcək Avropa çempionatında iştirak etməyi planlaşdırırıq".

Azərbaycan Gimnastika Federasiyasının nümayəndəsi Akif Kərimlinin sözlərinə görə, kurslarda "TeamGym"lə bütün məsələlər müzakirə olunur:

"Kurs məşqçilik və hakimlik fəaliyyətlərinə həsr olunub. "TeamGym" gimnastikanın bütün növlərindən elementlərin birləşdiyi mürəkkəb və baxımlı idman növüdür. Təkcə sərbəst hərəkətlərdə bədii gimnastika, aerobika, idman gimanstikasından elementlər mövcuddur ki, bu da "TeamGym"i idmançılar üçün mürəkkəb və tamaşaçılar üçün maraqlı edir".

İdman   Baxılıb: 274   Tarix: 26 oktyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR