Dünyanın ilk canlı "svetoforu" – Xalid Musayev

Dünyanın ilk canlı "svetoforu" – Xalid MusayevSuraxanı rayonunun Əmircan qəsəbəsində onu hər kəs tanıyır. "Canlı svetofor" olaraq adlandırılan Xalid Musayevi nəinki Azərbaycan televiziyaları, hətta Türkiyə və Rusiya televiziyaları da çəkib.

3-cü qrup əmək veteranı olan Xalid bəy uzun illərdir, azyaşlı uşaqlara ərazidə yerləşən maşın yolundan keçməkdə kömək edir.
Xalid bəyin dediyinə görə, vaxtilə Qərbi Azərbaycandan buraya köçüblər. Maşın yağı sataraq ailəsini dolandırıb. Bir gün iş başında olarkən iki azyaşlı uşağın ağladığını görüb. Uşaqdan səbəbini soruşub və uşaq yolu keçə bilmədiyini bildirib. O gündən bəri Xalid bəy uşaqlara yolu keçməkdə köməklik edib.
Ona "canlı svetafor" adını da yolu keçməkdə köməklik etdiyi Aytən adlı 3-cü sinif şagirdi verib.
"Bir gün oturmuşdum, azyaşlı bir qız "canlı svetafor" mənə yolu keçməkdə kömək et"- dedi və mən o gündən sonra bu adı götürdüm. İndi çox istəyərdim ki, o uşağı tapım" – deyə Xalid bəy bildirib.

Ona bu işi inkişaf etdirməkdə Rayon İcra Hakimiyyəti və Yol Polis İdarəsinin də köməklik etdiyini söyləyən Xalid bəy əvvəllər sürücülərin ona söyüş söydüklərini, hətta bir dəfə bir sürücünün onu vurduğunu da bildirdi.

"Hər gün səhər saat 7.00-dan axşam saat 21.00-dək mən uşaqları yoldan keçirməklə məşğulam. Bir gün yoldan keçirdiyim uşaqların adını dəftərçəmə qeyd elədim. Saat 7.00-dan 21.00-dək 123 uşaq siyahıya düşdü".
"Canlı svetafor" bildirib ki, o, artıq özünə ayrıca otaq ayırıb, İcra Hakimiyyətinin yardımı ilə ona partalar da verilib. Hər həftəsonu azyaşlı uşaqlara yol hərəkəti ilə bağlı qaydaları öyrədir. Ona bunun üçün kitablar da verilib və hər şey təmənnasız olaraq həyata keçirilir.

Xalid bəy qeyd etdi ki, 97-ci illərdən başladığı bu işi tək davam etdirmir. Artıq ona bir xanım da yardım edir.
"Bu xanımın uşağı yol qəzası nəticəsində yaralanıb və o, könüllü şəkildə mənə yardım edir".
Ən böyük arzusunun gördüyü işlə bağlı muzey yaratmaq olduğunu bildirən Xalid bəy bir gün bu arzusuna da çatacağını qeyd etdi.
Dünyanın ilk canlı "svetoforu" – Xalid MusayevDünyanın ilk canlı "svetoforu" – Xalid MusayevDünyanın ilk canlı "svetoforu" – Xalid MusayevDünyanın ilk canlı "svetoforu" – Xalid Musayev

Maraqlı   Baxılıb: 606   Tarix: 29 oktyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR