Nigeriyalılar "O olmasın, bu olsun"da rol aldı - Video

Sosial şəbəkələrdə əcnəbi vətəndaşların "O olmasın, bu olsun" operettasının üçüncü məclisi olan hamam səhnəsini canlandırdığı video yayılıb.

"Qafqazinfo"nun məlumatına görə, video bu günlərdə Azərbaycan Dövlət Akademik Opera və Balet Teatrının səhnəsində Bakı Ali Neft Məktəbinin tələbələrinin ifasında dahi bəstəkar Üzeyir Hacıbəylinin "O olmasın, bu olsun" operettasının nümayişi zamanı lentə alınıb. Məşədi İbadın məşhur bəy hamamı səhnəsində rəqs edənlər Bakı Ali Neft Məktəbinin Nigeriyadan olan əcnəbi tələbələridir.

Musiqili komediyanın bədii rəhbəri Bakı Ali Neft Məktəbinin müəllimi, sənətşünaslıq üzrə fəlsəfə doktoru Kəmalə Mehdiyevanın sözlərinə görə, əcnəbi tələbələr tamaşaya çox məsuliyyət və həvəslə hazırlaşıblar.

Kütləvi səhnələrdə və rəqslərdə Ajua Chukwumelam Adedayo, Ezuma Ezinne Jessica, Ayajan Beisenbayeva, Inyama Somtochukwu Chidinma, Samuel Dum Ale Birigbo, Ekanem Umoh Friday iştirak ediblər.

Telegramda izləyin

instagramda izləyin