Əli Kərimli bu dəfə hininə birdəfəlik qayıtdı - aksiya söhbəti bağlandı

Aksiya təxirə salındı, yoxsa ləğv edildi?
Milli Şura noyabrın 2-nə təyin etdiyi razılaşdırılmamış və qanunsuz aksiyanı (mitinqi) təxirə saldı. Bununla həm də radikal müxalifətin azsaylı tərəfdarı ilə növbəti anlaşılmaz və dağınıq etiraz dalğası başa çatdı. Düzdür, radikallar bunu "mitinq təxirə salındı" kimi təqdim etdilər. Lakin görünən odur ki, aksiya təxirə salınmayıb. Sadəcə ləğv olunub. Axı "təxirə salmaq" deyərkən bir tədbirin başqa bir tarixə keçirilməsi nəzərdə tutulur. İndiki halda başqa tarixdən söhbət getmir, aksiya sadəcə ləğv olundu. Beləliklə, Əli Kərimli döndü! Lakin meydana yox, öz hininə!
Milli Şuranın iclas şousu
Bəs nə baş verdi ki, Əli Kərimli öz hininə qayıtdı? Bəli-bəli, məhz Əli Kərimli. Çünki aksiyanın təşkilatçısı Milli Şura və Şuranın funksionerləri (funksioner sözü bəlkə də çox səs-küylü səslənir, əslində onlar əbədi bataqlıqda olan daimi müxalifətçilər, eyni simalardır) olsa da, Milli Şuranın sədri Cəmil Həsənli olsa da, yekun qərarı Əli Kərimlinin verdiyini hər kəs bilir. Hətta qanunsuz aksiyanın ləğvi üçün bir komediya da quraşdırdılar. Əvvəlcə Cəmil Həsənli Vaşinqtondan bir facebook statusu yazaraq 2 noyabr aksiyasının təxirə salınması üçün Milli Şuranın Koordinasiya Şurası və AXCP-nin təcili müzakirə aparmalı olduğunu bildirdi. Guya hakimiyyət mitinqdə təxribat edəcəkmiş... Ardınca Milli Şuranın digər üzvü Gültəkin Hacıbəyli "Meydan" TV-yə açıqlama verərək Cəmil Həsənlinin təklifini "müzakirə etdiklərini" (müzakirə edəcəklərini yox ha, məhz müraciət etdiklərini!) bildirdi: "Bu qərarı isə günün sonunda AXCP sədri Əli Kərimli detalları ilə açıqlayacaq".
Göründüyü kimi, Hacıbəylinin eyni vaxtda verdiyi açıqlamasında bir cümlə digərini inkar edir. Gah "müzakirə etdiklərini", gah da qərarı günün sonunda Əli Kərimlinin açıqlayacağını deyirdi. Axı müzakirə etmisinizsə bir qərar olmalıdır, varsa o qərarı niyə açıqlamırsan? Əgər yoxdursa Əli Kərimli "günün sonunda" nəyin qərarını açıqlayacaq?
Əlbəttə, bütün bunlar Kərimlini qurduğu bir şou idi: iclas şousu. Hər kəs bilir ki, aksiyanın ləğv olunmasını Kərimli özü istədi! Sadəcə bunu açıqlamağa cəsarəti çatmadı. Bu açıqlama üçün mütləq kiminsə "təklif"i və "aksiyada təxribat olacaq" əsaslandırması lazım idi. Çünki Əli Kərimlinin despot xasiyyətini hər kəs bilir. Cəmil Həsənli kimdir ki, hansısa təklif versin, bunu hətta ictimailəşdirsin də...
Deməli, baş verənlər Kərimlinin guya Cəmil Həsənlinin təklifi ilə 2 noyabr aksiyasını ləğv etməsini birmənalı şəkildə istisna edir. Bu, Kərimlinin qərarı idi!
Bəs azsaylı radikalların lideri Kərimlini belə qərar qəbul etməyə nə vadar etdi?
Özünün izahatına görə səbəb "gözlənilən təxribat"dır. Ay Kərimli, axı sən özünü "lider", "ana müxalifət partiyasının sədri" (yeri gəlmişkən, dünən axşam saatlarında Vaşiqntonda üç-beş nəfərin iştirakı ilə keçirilən mətbuat konfransında Cəmil Həsənli Kərimlini məhz belə də adlandırdı: "ana müxalifət partiyasının lideri". Buna digər partiya və təşkilatların sədrlərinin, xüsusilə də İsa Qəmbər və Arif Hacılının münasibəti maraqlı olardı. Axı onlar da bu ada iddialıdır) adlandırırsan. Lider isə özünün uydurduğu təxribatdan, həbsdən və ümumiyyətlə heç nədən qorxmamalıdır. Deməli, səndə liderlik xüsusiyyəti yoxdur! Olsaydı, aksiya elan edib sonra "təxirə saldıq" deməzdin. Axı ətrafındakı beş-on nəfər necə əmin olmaq ola bilər ki, sən bir ay sonra da aksiya təyin edib onu təxirə salmayacaqsan?!
Radikalların liderinin aksiyanı ləğv etməsinin səbəbini yalnız ehtimal etmək olar: qorxaqlıq!
Çox lovğalandın Kərimli, bəs nə oldu?
Bəlkə də sifariş almışdı, nə bilmək olar?! Axı o, dünən Qənimət Zahidin "Azərbaycan saatı" verilişində çox pərt görünürdü. Müdiri tərəfindən danlanmış işçiyə, öz dostlarına "atamla dağı partlatmağa gedəcəyəm" deyib sonra yoldaşları tərəfindən "arzun baş tutmadı İsmayıl" ələ salınan "Ögey ana" filminin İsmayılına bənzəyirdi. O, sanki "ata, məni də apar!" deyib ağlayırdı. Ata (oxu: Qərb) isə onu vecinə almırdı...
Xalq Kərimlini belə tanıyır: satqın və qorxaq radikal!
Əlbəttə, hətta Kərimli 2 noyabra təyin etdiyi qanunsuz aksiyanı təxirə salmasaydı da qeyri-adi hadisə baş verməyəcəkdi. 19 oktyabrda baş tutmayan qanunsuz aksiya zamanı da xalq onun arxasınca gəlməmişdi. Həmin gün şəhərin mərkəzində onun bir neçə yüz tərəfdarı var idi. Xalq həmin gün Kərimilinin çağırışını dəstəkləmədi, küçələrə çıxmadı, Kərimlinin barrikada sevdasına "yox" dedi. Ona görə ki, Azərbaycan xalqı digər ölkələrdəki kimi qarışıqlıq istəmir. Ona görə ki, xalq Kərimlini yalançı və lideri Elçibəyi satan birisi kimi tanıyır.

Telegramda izləyin

instagramda izləyin