Vahid Türk Ordusu planı nə zaman reallaşa bilər? – Politoloqdan açıqlama

Vahid Türk Ordusu planı nə zaman reallaşa bilər? – Politoloqdan açıqlamaBu gün dünyada türk millətinə qarşı olan qısqanclıq və təhdidlər artıq gizlədilməsi mümkün olmayan bir faktdır.

Hər kəs üçün aydındır ki, nəinki dünya gücləri, demək olar ki, dünyanın əksər dövlətlərində türklərə qarşı yürüdülən siyasətdə böyük güclərin yanında yer alma siyasəti yürüdülür. Bu siyasət gizli və aşkar şəkildə özünü biruzə verməkdədir.

Qərb dünyası fərqli coğrafiyalarda öz siyasətini həyata keçirmək üçün münaqişə ocaqları yaradır.

Xüsusilə Türkiyə və Azərbaycanda Qərb dünyası öz siyasətlərini həyata keçirmək üçün erməni kartından istifadə edir.

Türkiyə lideri Rəcəb Tayyib Ərdoğan da siyasi tribunalarda verdiyi açıqlamlarda Qərb dünyasının erməni terroruna göz yumduğunu açıqlayır.

Mövzu ilə bağlı Sonxeber.az-a açıqlama verən Elxan Şahinoğlu bildirdi ki, məsələyə Qərb dünyası ikili standartlarla yanaşır. Bizim məsələmizdə də 3 həmsədr var. Həmsədrlər Qarabağ münaqişəsində tərəfsizliyi qorumaqdan, onların parlamentləri, müxtəlif siyasi mərkəzləri erməni separatçıları ilə əməkdaşlıq etməkdən əl çəkmirlər.

"Türkiyəyə qarşı da eyni siyasəti həyata keçirirlər. Türkiyənin siyasətini bəyənmədikdə erməni kartını ortaya atırlar. Qondarma "erməni soyqırımı" qətnaməsini qəbul edirlər. Ona görə də, Türkiyə lideri Ərdoğan çıxışında bu cür təzyiqlərin onlara təsir etmədiyini, onların öz yolu ilə getdiyini bildirdi. Eynilə də Azərbaycan da bu cür təzyiqlərə qarşı mübarizədə öz yolu ilə getməlidir. Heç kimə ümid etmək lazım deyil".

Bəzi siyasətçilərin Vahid Türk Ordusunun yaradılması fikrinə də münasibət bildirən politoloq qeyd etdi ki, bu çox idealist fikirdir.
"Biz hələ Vahid İqtisadi Məkan yarada bilməmişik. Qeyd edim ki, türkdilli dövlətlərin bir qismi Ermənistanla da sıx əməkdaşlıq edir. Belə şəraitdə yaxın gələcəkdə bu planın baş tutmasına inanmıram".

Məleykə

Siyasət   Baxılıb: 837   Tarix: 06 noyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR