Bakıda avtomobil qaçıran keçmiş məhkum saxlanılıb

Bakıda avtomobil qaçıran keçmiş məhkum saxlanılıbBakıda keçmiş məhkum taksi sürücüsünü bıçaqla hədələyərək avtomobilini qaçırıb.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, DİN-in "102" Zəng Mərkəzinə quldurluq hadisəsi barədə məlumat daxil olub.

Müraciətlə əlaqədar Nəsimi Rayon Polis İdarəsinin 19-cu Polis Şöbəsinin əməkdaşları tərəfindən aparılan araşdırmalarla müəyyən edilib ki, noyabrın 6-da saat 1 radələrində 20 Yanvar küçəsində Abşeron rayon sakini E.Cəfərovun idarə etdiyi "Daewoo Gentra" markalı avtomobilə sərnişin qismində oturan şəxs Cavadxan küçəsinə gedəcəyini bildirib.

O, həmin ərazidə sürücünü bıçaqla hədələyərək avtomobildən düşüb və qeyd edilən nəqliyyat vasitəsində hadisə yerini tərk edib.

19-cu Polis Şöbəsi və Əlahiddə Çevik Polis Alayı əməkdaşlarının birgə keçirdikləri əməliyyat-axtarış tədbirləri nəticəsində bu cinayəti törətməkdə şübhəli bilinən Bakı şəhər sakini, əvvəllər Cinayət Məcəlləsinin müxtəlif maddələri ilə dəfələrlə məhkum olunmuş C.Zeynalov qısa müddətdə müəyyən edilərək avtomobillə birgə saxlanılıb.

Kriminal   Baxılıb: 184   Tarix: 07 noyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR