"Toydan ötrü on dəfə şadlıq evinə baxırlar, amma yasa molla seçəndə düşünmürlər"-Hacı Əhliman

Son günlər hər kəsin gülüş obyektinə çevrilən məsələlərdən biri məhz gündəlik olaraq bəlkə də rastlaşdığımız "molla" videolarıdır. Bəli, o mollalar ki, xalq arasında savadsızlığına görə qınanır, lağa qoyulur. Xüsusən də qadın mollaların yas məclislərində dodaqaltı sətirlərdə nə dedikləri naməlum məsələ olaraq qalır.
Bununla bağlı Sonxeber.z-a danışan Hacı Əhliman Rüstəmov yas məclislərində molla kimi tanıdığımız bəzi din xanidmlərinin vaxtı ilə dini savadı olan ruhanilərdən savad aldıqlarını deyib. O, dini təbliğ etmək üçün insanın dini savadı, islam əxlaqından məlumatı və o dini savada əsaslanıb Qurandan xəbəri olmasını vacib hesab edib:
"Keçmişdə dini ayinləri icra etmək üçün adətən kim istəsə gəlirdi din xadiminin yanına, ondan öyrənirdi. Məsələn, bura dünyasınıı dəyişmiş adamın namazın qılmaq, onun məclisində söhbət etmək, dində kəbin kəsmək və digərləri aiddir. Gənclər gəlib bu kimi şeyləri ruhanilərdən öyrənirdilər. Onun istedadını görəndən sonra onlara molla kimi fəaliyyyət göstərməyə icazə verilərdi. İndi universitet var, oxuyub diplom alırlar".
Hacı Əhliman qeyd edib ki, ümumi baxanda savadlı din xadimləri Azərbaycanda çoxdur. Amma bunlara baxmayaraq deyilə bilməz ki, məclisə gedənlərin istər kişi, istər qadın olsun hamısı savadlıdır:
"Bu gün bizim Azərbaycanda o şərait yaranıb ki, hər kəs sənəd ala bilər, universitet oxuya bilər. Amma 70 il sovet höküməti dövründə din xadimliyi etmək üçün nə universitet var idi, nə də sənəd verəni. Mən özüm də məsələn, İslam Universitetin bitirmişəm və mollarların birindən dərs almışam. Bu gün isə adıçəkilən sahədə attestasiya var. Savadı olmayan şəxslər belə Qafqaz Müsəlmanları İdarəsində atttestasiyadan keçib, sənəd alaraq fəaliyyət göstərə bilirlər. Əlbəttə hər bir iş sənədlə, rəsmiyyətlə olsa daha yaxşı olar".
Hacı Əhliman qeyd edib ki, bu gün nə qədər həqiqətdən qaçsaq da, savadsız mollalar çoxdur. O, həmçinin maaş verilən mollaların onların dolanaşacağını əhatə etmədiyindən də söhbət açıb:
"Bəşəriyyətdə vacib məsələ var, ölən şəxsin namazın qılmaq, kəfənə bükmək, qüsulunu vermək və dəfn etmək. Bu bütün müsəlmanlara vacibdir. Şəriətlə onun müqabilində pul almaq haramdır, olmaz. Amma, məsələn biri həyətində məclis verir, hansısa molla da bütün günü fatihə verir, yasin oxuyur, moizə verir. Bu onun vacib şəri vəzifəsi deyil və yas sahibi mollanın dolanışacağını verməlidir".
Hacı Əhliman həmçinin din xadimlərinin yalnış tanıdıldığından və beləcə onların nüfuzuna xələl gətirilməyindən də danışıb:
"Hansı televiziya idi, dəqiq yadımda deyil, təxminən 5, 6 il bundan qabaq gün ərzində orda anons verirdilər. Anonsda deyilirdi ki, Nardaranın axundunu narkotiklə tutublar. Deməli, tezdəndən axşamədək bu anons gedir. Xəbərin əsas hissəsinə çatanda isə Nardaran deyil, Naftalan olduğu üzə çıxır. Bundan sonra Naftalanın da axundu gəlir çıxır adi bir qəbirqazan. Bilirsiz, məsələyə ciddi yanaşmırıq. Gedib toydan ötrü on dəfə şadlıq evinə baxırlar, amma yasa molla seçəndə düşünmürlər".

Şəlalə Babayeva

Telegramda izləyin

instagramda izləyin