Bədbəxt hadisə: 2 yaşlı uşaq TƏNDİRDƏ YANDI - FOTO

Bədbəxt hadisə: 2 yaşlı uşaq TƏNDİRDƏ YANDI - FOTO"Təndiri düz yerdə və köhnə tipli olduğu üçün görməyib, yıxılıb"

Türkiyənin Iğdır şəhərində bədbəxt hadisə baş verib.

Sonxeber.az aznews.az-a istinadən xəbər verir ki, şəhərin Qaraquyu kəndində yaşayan Çakmaz ailəsinin kiçik qızı oyun oynayarkən anasının çörək bişirmək üçün yandırdığı təndirə düşüb.

Ana qızının çığırtılarını eşidən kimi özünü çatdırıb və onu təndirdən çıxararaq soyuq suyun altına tutub.

Hadisə yerinə çağırılan təcili yardım vasitəsilə Iğdır dövlət xəstəxanasına aparılan2 yaşlı Fatma oradan Ərzurum Təlim və Araşdırma xəstəxanasına göndərilib.

Müayinə zamanı Fatmanın sinə, bud və ayaq bölgələrində 2-ci və 3-cü dərəcəli yanıqlar olduğu müəyyən edilib.

5 gündür Yanıq Mərkəzinin Reanimasiya şöbəsində müalicə alan uşağın ayaq barmaqlarını itirmək ehtimalı var.

İnşaatda fəhlə kimi işləyən və hazırda işsiz olan ata maddi vəziyyətlərinin yaxşı olmadığını bildirib:

"Fatmanın anası çörək bişirmək üçün içəridən xəmiri gətirməyə gedib. Uşaq da təndiri düz yerdə və köhnə tipli olduğu üçün görməyib, yıxılıb. İndi ayağında və budunda dərin yanıqlar var. Bura gətirəndə həkimlər əməliyyat etdi. Yavaş-yavaş sağalcaq, sadəcə bir az səbrli olmalıyıq.

Uşağın yaxşı qidalanmağını istədilər. İndi həkimlər barmaq uclarında hər hansı problem ola biləcəyini deyir. Dövlətimiz, həkimlərimiz həmişə yanımızdadır. Maddi vəziyyətimiz bir az pisdir. İnşaatlarda fəhləlik edirəm".
Bədbəxt hadisə: 2 yaşlı uşaq TƏNDİRDƏ YANDI - FOTO

Hadisə   Baxılıb: 1452   Tarix: 08 noyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR