"Müxalifətin əli hər yerdən üzüldüyü üçün Şəhidlərin ruhu ilə oynayır"- Millət vəkili

"Müxalifətin əli hər yerdən üzüldüyü üçün Şəhidlərin ruhu ilə oynayır"- Millət vəkiliXəbər verdiyimiz kimi hərbçimiz, Babək Vəli oğlu Aslanov noyabrın 6-dan 7-nə keçən gecə erməni hərbçilərinin açdığı atəş nəticəsində Qazax rayonunda şəhid olub. Bəzi "siyasi müxalifət" bundan da öz maraqları üçün istifadə edirlər. Hərbçimizin 18 yaşı olduğunu, ön cəbhədə şəhid olmasını yazırlar. Guya Babək evin tək oğlu imiş. Guya evin tək oğlunu bir başa ölümə göndəriblər. Bu yanlış məlumatları da əllərində olan sosial media resurslarında tirajlayırlar. Şəhidimiz Vüsalın bacısı oğlu isə məsələyə etirazını bildirib və həqiqətləri üzə çıxarıb. O, Əli Kərimlinin səhifəsində yazır ki, yanlış məlumat verirsiz: "Dayım evin tək övladı deyil, 4 qardaşı, bir bacısı var. Üstəlik də 18 yox, 25 yaşı var və müddətdən artıq hərbi qulluqçudur".

Bununla bağlı Sonxeber.az-a danışan deputat Kamilə Əliyeva bildirib ki, təəssüf ki, radikal müxalifət, Əli Kərimli Azərbaycan hər hansı bir uğura imza atan zaman müxtəlif təxribatlara əl atırlar: "Onların hər şeydən əlləri üzülüb. Məhz buna görə də şəhidlərimizin ruhu ilə oynamağa başlayıblar. Bu artıq dözülməzdir. Bilmirəm, onlar buna nə zaman son qoyacaqlar. Anlayırlarmı şəhidimizə, ailə üzvlərinə, dövlətə qarşı bu cür təxribatçı addımlarla yanaşmaqla hörmətsizlik edirlər. Əslində onların bu hərəkəti bizi təəccübləndirmədi. Çünki o cür düşüncəyə, tərbiyyəyə malik insanlardan hər bir addım gözləmək mümkündür. Amma onların bir qram ağılı olsaydı ,şəhidlərin ruhu ilə bu formada oynayıb, təxribata əl atmazdılar. Artıq onlara deyiləsi bir söz qalmayıb. Xalq artıq öyrəncəlidir ki, onlar hər dəfə öz təxribatları, yalan və böhtanları ilə dövlətçiliyimizə və insanlarımıza şər atırlar. Onlar oğruya da qarayaxmaya çalışırlar. Onların şəhidin ruhuna toxunmaqları artıq son hədd idi. Onların əllərini hər şeydən üzəndən sonra bilmirlər ki, artıq nə ilə təxribat törətsinlər. Onsuz da onlar özlərini bu vaxta kimi ifşa etmişdilər. Bu hərəkətləri ilə xalq tərəfindən özlərinə qarşı olan nifrəti daha da artırdılar".

Aysel Yusifqızı

Sosial   Baxılıb: 716   Tarix: 08 noyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR