Qış gəlmədən qaz niyə yoxa çıxıb? – RƏSMİ AÇIQLAMA

Qış gəlmədən qaz niyə yoxa çıxıb? – RƏSMİ AÇIQLAMAHavalar soyumağa başlayanda qazın istehlakı artdığı üçün yaşayış yerlərində qazın təzyiqi aşağı düşür. Qış gəlməmiş Bakının bəzi rayonlarında qazın təzyiqi ilə bağlı ciddi problemlər yaranıb.

Xüsusilə Kürdəxanı rayonunda yaşayan sakinlər qazın təzyiqindən narazılıq edirlər.

Sonxeber.az-ın xəbərinə görə, şikayətçilər bildirir ki, qazın təzyiqinin aşağı olmasına səbəb təkcə istifadənin artması deyil, həmçinin qaza əlavə müdaxilələrin edilməsidir.

Şikayətçilərin dediyinə görə, qazın təzyiqi yalnız gecə 12-dən sonra normallaşmağa başlayır.

Məsələ ilə əlaqədar "Azəriqaz" İB İctimaiyyətlə Əlaqələr Şöbəsinin rəhbəri Ceyhun Səfərov bildirdi ki, noyabrın 4-də bizə bu barədə şikayət daxil olub və tərəfimizdən problem həllini tapıb.

Qanunsuz qoşulmalarla bağlı problemə gəlincə isə qurumun rəsmisi bildirdi ki, bu problem yalnız Kürdəxanıda deyil, eyni zamanda Maştağa qəsəbəsində də var.

"Elə görüntülər var ki, biz onları çəkib maddi sübut kimi saxlayırıq. Məhkəmə proseslərində bizə lazım olur. Qaz xətti çəkiləndə məsələn, 200 abonent üçün nəzərdə tutulur. Ona uyğun da təzyiq vurulur. Çox zaman narazılıq da olur ki, niyə qazın təzyiqi aşağı düşüb. Amma normal qazdan istifadə edən bilmir ki, ona kəmərin qazı gəlib çatana qədər yolda kəmərin başına nə oyunlar gəlir. Çox zaman onu rezin borularla yerin altın qoşub, üzərini asfaltlayırlar Heç vizual olaraq baxanada bilmək olmaz ki, orada qanunsuz qoşulma olub. Bəzi hallarda da, kəmərin qoyulduğu dirəklərin içərisindən yerin altına rezin boru ilə hərəkət edilərək dirəyin boruya oturduğu yerdən qoşulma aparılır. Bu qoşulma aparılarkən o qədər kor-koranə olur ki, hətta orada sızma da olur. Bu da qaz itkisi deməkdir. Biz bunu aşkarlayıb Bakı şəhərinin Regional Qazın Satışı Departamenti, Bakı Regional Qaz İstismar Departamenti və digər qurumlarımız ərazilərə baxış keçirir".

Qanunsuz qoşulmaların hələ də davam etdiyini bildirən mütəxəssis bu məsələdə vətəndaşların köməyinə ehtiyacları olduğunu da qeyd etdi.

"Bir tərəfdən bu qoşulmaları ayırırlar, digər tərəfdən qaza yenidən əlavə müdaxilə edilir. Bu barədə isə yerli vətəndaşların köməyinə ehtiyacımız var. Qaynar xəttimiz olan 104, 185 saylı xəttə müraciət etsinlər. Bu xəttə kifayət qədər şikayət daxil olur, biz də qəbul edirik. Qoşulmalar təkrarlandığı üçün məhkəmə proseslərində iştirak edirik. Bir də görürsən 150 nəfər üçün nəzərdə tutulmuş kəmərin üzərində on dənə kənardan qoşulmalar olur. Xüsusilədə gözdən uzaq yerlərdə bu işlər görülür".

Məleykə

Sosial   Baxılıb: 641   Tarix: 08 noyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR