"İran növbəti sərt sanksiyalarla üz-üzə qala bilər"- Politoloq rəyi

Xəbər verdiyimiz kimi İran uranı zənginləşdirəcəyi ilə bağlı qərar qəbul edib. ABŞ prezidenti Donald Tramp bəyan edib ki, İranın uranı zənginləşdirməsi barədə qərarı çox pis addımdır. İranın uranı zənginləşdirməsi qərarı ABŞ və İran münasibətlərinə necə təsir edəcək?

Bununla bağlı Sonxeber.az-a danışan Atlas" Araşdırmalar Mərkəzinin rəhbəri Elxan Şahinoğlu bildirib ki, İranın uranı zənginləşdirməsi qərarı vəziyyəti bir qədər də gərginləşdirə bilər:"Çünki bir ara bu mövzu arxa plana keçmişdi. Bununla belə, Donald Tramp İrana qarşı növbəti sanksiyalarını elan etmişdi. Amma İranın uranı zənginləşdirmək qərarı bu mövzunu yenidən gündəmə gətirdi. ABŞ növbəti dəfə İrana qarşı daha sərt sanksiyalar tədbiq etməyə başlayacaq. Hamını maraqlandıran sual İranın bu qərarı niyə verməsidir. İran görür ki, ABŞ vaxtı ilə imzaladığı sazişdən çıxdı. İranlı rəsmilərin dili ilə desək, vədinə xilaf oldu. Ona görə də İran düşünür ki, onu heç nə saxlamır. Uranı zəngləşdirməkdə tam sərbəstdir. Avropa da İrana verdiyi vədə xilaf çıxdı. Çünki Avropa İranı ABŞ-ın sanksiyalarından qoruyacağını söz vermişdi. Avropa şirkətləri əməkdaşlığı davam etdirəcəkdir. Lakin onlar özləri də İran bazarını sürətlə tərk edirlər. İran prezidenti son çıxışında bildirdi ki, yeni neft yataqları tapıblar. Bu da o deməkdir ki, növbəti sanksiyalar İrana təsir etməyəcək. Məhz buna görə İran öz bildiyi yollla davam edəcək".

Aysel Yusifqızı

Aysel Yusifqızı

Telegramda izləyin

instagramda izləyin