Psixoloqlar imtahan verəcək- Ekspertdən açıqlama

Orta məktəbdə çalışan pedaqoqların biliklərinin yoxlanılmasında atılan müsbət addımlardan biri də diaqnostik qiymətləndirmədir. Orta məktəbdə çalışan müəllimlərin sonuncu attestasiyasının 1994-cü ildə keçirildiyini nəzərə alsaq, uzun müddət ərzində bu istiqamətdə heç bir iş görülmədiyinin şahidi olarıq. Yalnız 2014-cü ildə Bakı şəhərində başlanan diaqnostik qiymətləndirmə mərhələli şəkildə ölkənin digər şəhər və rayonlarını əhatə edib. 2017-ci ildə daxil olmaqla ümumilikdə 140 minə yaxın müəllimin bilik və bacarıq səviyyəsi qiymətləndirilib. İndi növbə orta məktəblərdə çalışan digər personallara da çatır. Belə ki, Təhsil naziri Ceyhun Bayramovun əmri ilə 2019-cu ilin sonuna qədər dövlət ümumi təhsil müəssisələrində çalışan psixoloqların da bilik və bacarıqlarının yoxlanılması məqsədi ilə diaqnostik qiymətləndirmə imtahanı keçiriləcək. Təhsil nazirliyi tərifdən 2014- cü ildən başlayaraq keçrilən MİQ və DQ imtahan nəticələri pedaqoji mühitdə mənəvi, stimulverici məsələləri nizamlayan əsas göstərici oldu.

Mövzu ilə əlaqədar olaraq Sonxeber.az-a açıqlama verən Kamran Əsədov bildirib ki, bu addımın atılması ilə məktəb psixoloqlarının fərdi bilik və bacarıqlarını öyrənmək mümkün olacaq:
"Yəni savadlı psixoloqlar sırasından daha savadlıları seçilə biləcək. Əslində orta məktəblərdə psixoloq ştatı Əmək və Əhalinin Sosial Müdafiəsi Nazirliyi Kollegiyasının 20 dekabr 2017-ci il tarixli qərarı ilə təsdiq edilib. Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçasınına görə ləğv olunaraq "Sosial pedaqoq" ilə əvəz olunub. Lakin bizdə bu hələdə psixoloq ştatı olaraq mövcuddur".
Ekspert bildirib ki,orta məktəblərdə psixoloq vəzifəsində çalışanların heç də hamısı DQ-ya cəlb edilməli deyil:
" Müvafiq ixtisas üzrə ali təhsil və yaxud ali təhsil və yenidənhazırlanma qurumlarında ixtisası üzrə əlavə təhsil alaraq psixoloq diploma olan şəxslər DQ-ya buraxılsın. Test tapşırıqları "Təhsil haqqında", "Sağlamlıq imkanları məhdud şəxslərin təhsili (xüsusi təhsil) haqqında", "Uşaq hüquqları haqqında", "Sosial xidmət haqqında", "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında" Azərbaycan Respublikasının qanunlarından; əmək və ailə qanunvericiliyini, Birləşmiş Millətlər Təşkilatının Uşaq hüquqları haqqında Konvensiyasından; ümumi və sosial pedaqogikadan, yaş və uşaq psixologiyasından; sosial gigiyenanın əsaslarından; sosial-pedaqoji və diaqnostik metodikalarından; sanitar-gigiyena və yanğından mühafizə norma və qaydalarından salınsın. İmtahan proqramı və ədəbiyyat siyahısı DQ dan azı 2 ay əvvəl elan olunsa, daha yaxşı olar. Bundan əlavə, imtahanlar komputerlə yox, kağız daşıyıcı ilə həyata keçirilməsi arzu olunandır. Təklif edirəm ki, testlər təkcə qapalı (cavabları variantlarla qeyd olunan) olmasın, eyni zamanda açıq tipli test tapşırıqlarından da istifadə olunsun ki, savadlı, bilikli və hazırlıqlı namizədlər uğur qazansın. Eyni zamanda hansısa bir narazılığa da operativ cavab vermək üçün qərərgah olmalıdır və həmin gün ixtisas üzrə test müəllifləri orda əyləşməlidir".

Lamiyə Məmmədova

Telegramda izləyin

instagramda izləyin