"Lavrov özünü Rusiyanın yox, Ermənistanın XİN rəhbəri kimi aparır"- Politoloq rəyi

Rusiya xarici işlər naziri Segey Lavrovun Ermənistana səfəri əsasən bu ölkənin Qərbə inteqarsiya siyasətinin qarşısını almaq və Paşinyanı Kremlin kursuna sadiq olmaqla bağlı təlimatlandırmaqdır.

Bunu Sonxeber.az açıqlamasında Cənubi Qafqaz Təhlükəsizlik və Sülh İnstitutunun sədri, politoloq Məhəmməd Əsədullazadə bildirib.

O, vurğulayıb ki, səfərin eyni zamanda məqsədlərindən biri də Paşinyanın bu kursdan ayırlacağı təqdirdə cəzalandırılacağını ümumi olaraq çatdırmaq idi:"Təbii ki, Rusiyada bunun qarşısında Qarabağ münaqişəsinin həllində Ermənistana dəstəyini daha da artırmış olacaq. Sergey Lavrovun birbaşa Qarabağ münaqişəsinin həllinə mane olduğu bir daha Yerevanda verdiyi müsahibədə aydın oldu. Lavrov münaqişənin həllində Dağlıq Qarabağ əhalisinin razılığını önə çəkir və referendumu qabartmaqla münaqişənin həllini daha da ləngidir. Göründüyü, kimi Lavrovun bu açıqlması birbaşa Ermənistanın mövqeyini əks etdirir və sanki Ermənistanın xarici işlər naziri kimi danışır. Bundan əlavə, separtçıların təmsilçisi kimi açıqlama verir. Vasitəçi bir dövlətin XİN rəhbərinin bu açıqlmasına dərhal rəsmi etiraz edilməlidir. Çünki açıq şəkildə Lavrov Qarabağ münaqişəsinin həllinə zərbə vurur. Nikol Paşinyanın eyni avantürasını bölüşür. Hesab edirəm ki, Azərbvaycan XİN rəhbəri Lavrovla Qarabağ mümaqişəsinin həllini müzakirə etməməlidir. Bu adam birbaşa Qarabağın Azərbaycanın tərkibində olmamasını açıq şəkildə qeyd edir. Belə bir şəxslə eyni masanı bölüşmək olmaz. Onun qondarma soyqırım abidəsini ziyarət etməsinə gəldikdə isə, o, bir ermənidir və onun abidəyə gəlişi sıradan bir hadisədir".

Aysel Yusifqızı

Telegramda izləyin

instagramda izləyin