Allahşükür Paşazadə: "Primakov mənə Azərbaycanda hakimiyyəti ələ keçirməyi təklif etmişdi"
Bütün Qafqazın Şeyxi Allahşükür Paşazadə "TASS" agentliyinin baş direktoru Mixail Qusmana müsahibə verib. Sonxeber.az-ın məlumatına əsasən, Paşazadə bir sıra maraqlı məqamlar barədə məlumat verib. Bu məqamlardan bəziləri ilə oxucularımızı tanış edirik.
"Təəssüf edirəm ki, bu gün müsəlmanlar öz fikirlərini BMT tribunasından səsləndirə bilmirlər. Mən çox istərdim ki, BMT tribunasından dini xadimlər də fikirlərini bildirsinlər. Siyasətçilər bunu edə bilmirlər", - deyə Allahşükür Paşazadə bildirib.
Mən 40 ildir bu postu tuturam. Bu illər ərzində bir çox dostum, tanışım olub. Onlarla dinindən və dilindən asılı olmayaraq əlaqə saxlayıram.
Bu gün Dağlıq Qarabağ problem, Suriya, Yəmən, İraq və müsəlman dünyasında baş verən hadisələr, Avropa ölkələrindəki antisemitizm və islamofobiya dinlərarası münaqişəyə səbəb ola bilər. Bu isə bizi narahat etməlidir. Buna görə də biz bura, Bakıya dünya dini təşkilatların liderlərini dəvət edirik.
Mən qəddarlığını, kreslo uğrunda mübarizəsini dini xadimlər vasitəsilə maskalayan siyasətçiləri nəzərdə tutmuram. Biz düzgün yolu göstərən, siyasi qüvvələri ruhani güclə birləşdirə bilən dini liderlərdən danışırıq. Biz dünyaya multukultiralizmin Azərbaycan modelini təklif etmək istəyirik. Bu planda dini liderlərin sammiti fikrimizcə yaxşı nümunədir. Ərəblərdə belə atalar sözü var: "Xalq dövlət başçısının mənsub olduğunu dinə aiddir".
İnam Allaha olan inamdır. Burada əsas rol dövlət başçısının və dövlətin dinə münasibətindən asılıdır. Təbii ki, bir çox dövlətlərdə bu barədə danışsalar da, heç nə etmirlər. Hansı dövlətə baxsaq, tolerantlıqdan, müstəqillikdən danışırlar. Danışırlar, amma əməl etmirlər. Amma bizdə belə deyil. Bizdə Şeyx yəhudi icmasına da gedir, onların tədbirlərində iştirak edir, başsağlığı verir. İnanın, mən dəfələrlə yəhudi icmasında olmuşam, çoxlu dostlarım var. Biz tez-tez xristian icması ilə də əlaqə saxlayırıq, mən onlara qonaq gedirəm, onlar bizə gəlir. Bunu başqa heç bir yerdə görə bilməzsən. Bir daha təkrar edirəm, burada böyük rol dövlətin, dövlət başçısının, vitse-prezidentin üzərinə düşür. Mən belə bir şərait yaratdıqları üçün onlara minnətdaram", - deyə Şeyx bildirib.
"Sovet illərinə qayıtsaq, Yanvar hadisələri baş verən dövrdə Sovet ordusu Azərbaycana girdi. O dövrdə Primakov və Qirengko Bakıda idi. Məni, İsmayıl Şıxlını, Həsən Həsənovu, Bəxtiyar Vabahzadəni və bir neçə nəfəri Mərkəzi Komitəyə çağırdılar. Primakovla tanış idim. O, şərqşünas idi. Bizim aramızda dostluq və xoş münasibət var idi. O, mənim həyatımı, hansı çətinliklərdən keçərək dinə gəldiyimi bilirdi. Mənə hər dəfə "Sən düz etdin" deyirdi.
Mən onun oğlunun dəfnində iştirak etmişdim. Münasibətlərimiz yaxın idi. O, mənə dedi ki, artıq Qorbaçovla danışıb və mənə hakimiyyəti ələ keçirməyi, rəhbərliyi qəbul etməyi təklif etdi və dedi ki, dünyəvi dəstək veriləcək. O vaxt 20 yanvar faciəsi olmamışdı. Hərbçilər hələ şəhərə daxil olmamışdlar. Bu, mənim üçün gözlənilməz idi. Mən düşünmədən ona cavab verdim: "Sən ki məni tanıyırsan, bilirsən ki, mən din xadimiyəm, dövlət adamı deyiləm. Sən mənə bu hakmiyyəti vermək istəyirsən. Sənin hakimiyyətin mənim üçün heç iki rükət namaz deyil. Mənim üçün inanc hakimiyyətdən üstündür. Məni tanıdığınız halda, bunu mənə təklif edirsiniz". Mən təklifi rədd etdim və dost kimi onu qınadım ki, mənə belə şeyi təklif etməməli idin", - deyə Paşazadə əlavə edib.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş