"O, uşaqdır, bir böyük kimi onu bağışlayıram"- Hafiz Hacıyev Bəxtiyar Hacıyevdən DANIŞDI

İctimai televiziyada yayımlanan "3 D" verlişinin qonağı ictimai fəal Bəxtiyar Hacıyev olub. Aparıcı Dadaş Dadaşlinskinin "Müasir Müsavat Partiyasının sədri və əminiz Hafiz Hacıyevi efirə çağırdıq, narazı qaldınız" sualına Bəxtiyar Hacıyev "o, mənim əmim deyil" cavabını verib. Bundan əlavə Bəxtiyar bildirib ki, Hafiz Hacıyev sadəcə onun uzaq qohumdur: "Verilişin vaxtı azdır. Siz onu xırda insanlara sərf etməyin. Daha faydalı insanlardan danışaq. Onunla heç bir münasibətim yoxdur. Ona imkan yarandı ki, məni təhqir etsin, küçə müxalifətinə qoşulmuş kimi təqdim etsin. Bu da Varşavadakı tədbirdən sonra başlanmış planın bir hissəsi kimi gəldi. Ola bilər ki, yanılıram".

Bununla bağlı Sonxeber.az-a danışan Müsavat Partiyasının sədri Hafiz Hacıyev bildirib ki, Mən o verilişə baxmamışam: "Görünür Bəxtiyar Hacıyev bəzi şeylərin dərinliyinin fərqində deyil. Zamanı çatanda böyüyünə qarşı elə bir ifadələrin işlətməyin yanlış olduğunu anlayacaq. O, uşaqdır. Bir böyük kimi mən onu bağışlayıram. Nə deyirsə qoyun desin. Bəxtiyar Hacıyev bir zamanlar küçə müxalifətinə qoşulmuşdu. Amma bu gün hansı işlə məşğul olduğunu deyə bilmərəm. Mən çox şeyi bilirəm. Sadəcə danışmaq istəmirəm. O, uşaqdır. Gərək belə səhvlərə yol verməsin. Mənim haqqımda həqiqətən elə sözlər işlədibsə, düzgün etməyib".

Aysel Yusifqızı

Telegramda izləyin

instagramda izləyin