"Bu insanların bəsirət gözü açıq ola bilməz"-Hacı Surxaydan ŞOK AÇIQLAMA
Bu gün cəmiyyətdə bəzi insanlar Allah ilə müəyyən bağlantısının olduğunu, hətta ölümünün nə vaxt olacağının qabaqcadan ona əyan olduğunu iddia edirlər. Belə hadisələrdən biri də məhz bir müddət əvvəl canlı efirdə vokalist Ülvi Qılıncın açıaqlmasında yayıldı. Maraqlıdır, insanın ölümünü görməsi nə dərəcədə doğrudur? Ümumilikdə desək, ruhun dünya ilə bağlantısı nə qədərdir?
Bununla bağlı Sonxeber. az-a danışan İçərişəhər "Cümə" məscidinin axundu, azərbaycanlı ilahiyyatçı-din xadimi, ilahiyyat elmləri doktoru Hacı Surxay Məmmədli açıqlamasına müqəddəs kitabımız Qurani- Kərimdən sitat gətirməklə başladı:
"Ruh barəsində Müqəddəs Kitabımızda iki ayə var. Birinci ayədə Allah Təala buyurur ki, "səndən ruh barəsində soruşulsa de ki, ruh mənim yanımdadır". Yəni bütün ruhlar Allah yanındadır. İkici ayədə isə Allahu- Təala buyurur ki, "Mən insanı öz ruhumdan hördüm". Yəni insanın ruhunda ilahiləşmə var. Bəzi insanlar zaman- zaman iddia edir ki, mən Allahla danışıram, mənim artıq bəsirət gözüm açılıb, və yaxud da mən ölümümün vaxtını bilirəm. Qeyd edim ki, kimin nə vaxt, harda necə öləcəyi bəlli deyil. Allah Qurani- Kərimdə bir neçə şeyləri qapalı, məhz Allahın yanında olduğunu qeyd edir. Onlardan biri ruzidir. Ruzinin nə vaxt veriləcəyi mücərrəddir. Bunu nəsil- köklə, var- dövlətlə hesablamaq olmaz. Bir də baxırsınız ki, varlı bir kişinin uşağı müflis olub. Yaxud da əksinə. Bu Allahın öz yazısıdır. Ölümün də harda necə olacağı Allah yanında qapalıdır. Peyğəmbərlərimizin çoxuna da bu gizli və qapalı qalıb".
Hacı Surxay Məmmədli qeyd edib ki, insanın bir zahiri görməsi- metofizik aləmi, bir də qeyri- metofizik aləmi var. Yəni şüur və şüuraltı. Bəsirət adlanan göz də məhz hadisələri təxmin etmək üçün rol oynayır. Amma, bunun açılması üçün insan namaz qılsın, dünyada heç vaxt yalan danışmasın, qəlbindən günah keçməsin, Qurani- Kərimin bütün buyurduqlarına riayət etsin:
"Bəli, tarixən bəsirət əhli olub. Ərdəbildə yaşayan azərbaycanlı Müqəddəs Ərdəbilini, Ayətullah Behçadı nümunə göstərmək olar. Onların öləndən sonra bəsirət əhli olduğu və 12- ci İmam Zamanla rabitəsi olduğu qeyd olunur. Birmənalı olaraq bunu qeyd edirəm. Belə şəxslərə Allahın dostları deyirlər. Allah dostları gizlin olur. Onlar bəzən cəmiyyətin içində köhnə paltar ilə də, yaxşı paltar da geyinib görünə bilərlər. Bunu heç vaxt kimsə bilə bilməz".
Hacı Surxay Məmmədli həmçinin bildirib ki, bir insan bədənini günahla, gözünü zina ilə, qulağını haram sözlərlə doldurursa o insanın bəsirəti açıq ola bilməz. Azərbaycanlı alim bir müddət əvvəl canlı efirdə vokalist Ülvi Qılıncın öz ölümünü bilməsi ilə bağlı iddialara da cavab verib:
"Hər bir insan özünə cavabdehlik daşıyır. Bu onun öz qapalı həyatıdır. Kiminsə gözünə nəsə görünə bilirsə, onun haqqında mən nəsə deyə bilmərəm. Bu psixoloqların işidir. O görüntülər bəzən psixoloji pozuntulardan əmələ gələ bilər. Ola bilər şizofrenik əlamətlər olsun. Amma, söhbət ilahi dəyərlərdən gedirsə, ilahi dəyərlərlə rabitədə olan insan iman əhli olmalıdır. Subyekrt olaraq özümdən danışa bilərəm. Mənim aləmimdə mənim bəsirətimin açıması üçün bəlkə də bir əsr lazımdır. Çünki, gərək Allahın buyurduğu bütün əməlləri icra edim".
Şəlalə Babayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş