Bakıda QRƏİBƏ APARAT PEYDA OLDU - Hər kəsə PUL PAYLAYIR (FOTO)

Bakıda QRƏİBƏ APARAT PEYDA OLDU - Hər kəsə PUL PAYLAYIR (FOTO)Bakıda son günlər bir neçə yerdə insanlara "pulsuz pul" paylayan aparatlar quraşdırılıb. Belə ki, Nizami rayonu ərazisində bir neçə yerdə quraşdırılan bu aparatlardan istənilən adam şəxsiyyət vəsiqəsini, barmaq izini quraşdırılan aparata daxil etməklə, 20 manat məbləğində borc pul ala bilər. Cihaz pul çıxarılan tərəfi çölə olmaqla, iri supermarketlərin içərisində quraşdırılıb. Üzərində "Azpulmat" sözləri yazılan aparat kənardan bankomata bənzəsə də, funksiyası yuxarıda da qeyd etdiyimiz kimi borc pul verməkdir.

Sonxeber.az xəbər verir ki, "Yeni Müsavat"ın əməkdaşı aparatlardan birinin quraşdırıldığı ərazidə müşahidə aparıb. Məlum oldu ki, aparatdan borc istəməyə gələn insanların çoxu işsizlərdir. Onların bir neçəsi ilə söhbət etdiyimiz zaman bildirdilər ki, aparatdan çox razıdırlar. Çünki qohumlarından, tanışlarından ala bilmədikləri borcu, bu dəmir parçası onlara 30 saniyə içərisində verir. Bəs nəyin qarşılığında?

Bu sualın cavabına keçməzdən öncə yenə də aparatdan borc almağa gələnlərin fikirlərinə nəzər salaq. Belə ki, söhbət etdiyimiz şəxslərdən biri bildirdi ki, aparatdan 20 manat borc almağa gəlib. Ancaq bu borcu qaytarmaq fikrində deyil. Söylədi ki, bu gün camaatın banklara nə qədər borcu var və onlarla müqayisədə 20 manat nədir ki...

Borc alan şəxslərin əksəriyyəti ali təhsili olmayan insanlar idi. Onlar hesab edirdilər ki, bu pulu onlara Mərkəzi Bank verir. Bir-biriləri ilə söhbətləri əsasında hələ belə cümlələr də işlədirdilər: "Allah Milli Bankın (Mərkəzi Bank) yiyəsinə kömək olsun. İndiki zamanda qardaşın-qardaşa etmədiyi yaxşılığı bizə edir. Gürcüstanda bu aparatlardan çox görmüşük. Ancaq Azərbaycanda yox idi. 20 manat verir, 5 günün içərisində 21 manat qaytarmalısan. Qaytarandan sonra 40 manat götürmək olur. Bu aparatın hesabına evimizə çörək aparırıq. Nəyi pisdir ki? Belə getsə, aparatı insanlar əziz adamları qədər çox istəyəcəklər..." Bu, aparatı Mərkəzi Bankın bankomatı zənn edən sadə vətəndaşların fikirləri idi.

Bəs həqiqətdə necədir?

Əvvəla, qeyd edək ki, aparatlar 10 gündən çoxdur ki, Bakı ərazisində quraşdırılıb. Lakin bu barədə sosial şəbəkələrdə, mətbuatda geniş məlumat yoxdur. Araşdırmamız nəticəsində bir neçə iqtisadi ekspertlə də əlaqə saxladıq. Onlar da bu cür aparatın mövcudluğundan bixəbər olduqlarını bildirdilər. Borc pul almağa gələnlər isə söylədilər ki, bu barədə məlumatı dost-tanışlarından alıblar. Dost-tanışlar hesabına bu gün aparatların qarşısında uzun növbələr əskik olmur. Aparatlarla bağlı "azpul.az" saytında bəzi informasiyalar yerləşdirilib. Sayt bu aparatı quraşdıran şirkətə aiddir və tam işlək vəziyyətdə deyil. Lakin oradan bəzi məlumatları əldə etmək mümkündür. Saytda müştərilərin əlaqə saxlaması üçün nömrə də qoyulub. Həmin nömrə ilə əlaqə saxlayıb, bu aparatların hansı banka aid olduğunu öyrənməyə çalışdıq. Bildirildi ki, aparatlar heç bir banka aid deyil: "Bu, sadəcə olaraq, lombarddır və heç bir banka aid deyil"-deyə, bildirildi.

Aparatların işləmə prinsipinə gəlincə, daha detallı qeyd edək ki, borc almaq istəyən şəxs şəxsiyyət vəsiqəsinin hər iki üzünü terminala tanıdır. "Azpul.az" saytında yazılanlara görə aparatda heç bir insan amili yoxdur: "O, sizin icazəniz olmadan sənədlərinizin surətlərinə əsasən adınıza borc rəsmiləşdirmir. Sizin bütün şəxsi məlumatlarınız isə şirkətin qorunan serverlərində saxlanır və etibarlı şifrələmə alqoritmləri ilə qorunur"-deyə, saytda bildirilir.

Şəxsiyyət vəsiqəsindən başqa borc alanın aparat tərəfindən barmaq izi götürülür, fotosu çəkilir. Minimum 5, maksimum isə 21 gün müddətinə borc pul verilir. 5 gün ərzində 20 manat və üstə gəl də 1 manat əlavə faizini qaytaran şəxs, bu dəfə 40 manat məbləğində borc ala bilir. Beləcə bu məbləğ 1000 manata qədər qalxır. Borcu götürən zaman bütün məlumatları daxil etdikdən sonra bir də mobil nömrənizi də yazırsınız. Nömrəyə xüsusi şifrə göndərilir və bundan sonra şifrəni yazıb, pulu çəkmək olur. Eyni nömrə, şəxsiyyət vəsiqəsi ilə borcu qaytarmadan növbətisini almaq mümkün deyil.

Ekspertlər bildirirlər ki, əslində bu sistem olduqca təhlükəlidir. Çünki əməliyyatın kim tərəfindən aparılması, hansı serverdə saxlanılması məlum deyil. Ona görə də insanların şəxsi məlumatları kimlərinsə əlinə keçir. Ekspertlər hesab edirlər ki, bu, insanlar üçün əlavə problemlərə yol aça bilər. Bundan əlavə, söhbət etdiyimiz şəxslərin əksəriyyəti borcu qaytarmaq fikrində deyildilər. Növbədə dayanan şəxslərin çoxu işsiz olduqlarını bildirirdilər. Bu isə onu deməyə əsas verir ki, proses ölkədə borclu vətəndaşların sayını bir qədər də artıra bilər.

Əldə etdiyimiz məlumata görə, məsələ ilə bağlı müvafiq qurumlar araşdırmaya başlayıblar və yaxın zamanlarda həmin qurumlar tərəfindən ictimaiyyətə açıqlama veriləcək.


Sonxeber.az Telegramda izləyin
Sosial   Baxılıb: 4353   Tarix: 22 noyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Anadan QANDONDURAN ƏMƏL: 6 yaşlı qızını...

Dağıstan Respublikasının Çontaul kənd sakini olan qadın qızını çayda boğaraq öldürdüyünə görə məhkəmə qarşısına çıxacaq.. . Sonxeber.az Sonxeber.az-a istinadən xəbər verir ki, Bu barədə Rusiya Federasiyasının respublika üzrə İstintaq Komitəsinin məlumatında deyilir.. . İstintaqın məlumatına görə, müttəhi

22 noyabr 2019

Keçmiş prezidentin oğlunu öldürən qatildən etiraf: "Buna görə..." – Tarixi qisas

Dünən Almaniyanın keçmiş prezidenti Riçard Vayzekkerin oğlunu bıçaqlayaraq öldürən qatil cinayətin səbəbini açıqlayıb.. . Sonxeber.az teleqraf.com-a istinadən xəbər verir ki, o bu qərarını Vayzekker ailəsinin Vyetnam müharibəsində istifadə olunan kimyəvi "Agent oranc" ("Agent orange"

22 noyabr 2019

Bütün xərçəng növlərini müalicə edən VİRUS TAPILDI

Xərçəngin müalicəsi ümumilikdə sistematik olaraq irəliləyir. Həkimlər tez-tez kimyaterapiya və cərrahiyyə kimi üsullara müraciət edirlər. Alimlər xərçəng xəstəliyi ilə bağlı illərdir araşdırma aparır. Ancaq xərçəngin tamamilə aradan qaldırıldığını sübut edən bir araşdırma yoxdur. Xərçəngin inkişafın

22 noyabr 2019

"Ayşe Hatun"un yataq pozu gündəm oldu - FOTO

Kuruluş Osman" serialında "Ayşe Hatun" obrazını canlandıran Açelya Özcan İnstaqram fotoları ilə gündəım olub.. . Sonxeber.az axşam.az-a istinadən bildirir ki, şəkillərini sosial şəbəkədə izləyiciləri ilə bölüşən sənətçi yataq pozu ilə adından söz etdirib.. . Qeyd edək ki, A.Özcan dah

22 noyabr 2019

19 yaşlı tələbənin qonaq otağından başlayan 3,2 mlrd. dollarlıq biznesi

"Canva" onlayn dizayner xidməti hal-hazırda 3,2 mlrd. dollar qiymətləndirilir, hər ay onun 190 ölkədən 20 mln. istifadəçisi olur. Bu startapı 2006-cı ildə 19 yaşlı tələbə Melani Perkins yaradıb.O, artıq "Canva"nın baş direktorudur.. . Melani Perkins əvvəlcə sevgilisi Kliff Obrext-l

22 noyabr 2019

Tarix müəllimi intim həyatı haqda sosial şəbəkələrdə yazılar paylaşdı, məktəbdən qovuldu - FOTO

Sankt-Peterburq məktəbində dərs deyən tarix müəllimi Lyubov Andreyeva "Twitter"də intim həyatı və spirtli içkilər haqqında yazılar paylaşıb.. . Sonxeber.az Oxu.az-a istinadən xəbər verir ki, "Pivə hökmdarı" nikı ilə sosial şəbəkədə tanınan qadın hərəkətlərinə görə məktəbdən qovulduğun

22 noyabr 2019

Azərbaycanda ailəli qadın başqa kişi ilə sevgili olub - Efirdən ETİRAF

Azərbaycanda qadın evli ola-ola başqa kişi ilə sevgili olub. . . Sonxeber.az xəbər verir ki, bunu Xəzər televiziyasında yayımlanan və Xoşqədəm Hidayətqızının aparıcılıq etdiyi "Səni axtarıram" verilişində aparıcılıq etdiyi "Səni axtarıram" verilişinə gələn Aliyənin həyat yoldaşı Elnu

22 noyabr 2019

Şirniyyat sexində iyrənc mənzərə - FOTO

Sabunçu rayonunda yararsız şirniyyat istehsal edən sex aşkar edilib.. . Qida Təhlükəsizliyi Agentliyinin (AQTA) əməkdaşları Bakı şəhəri, Bakıxanov qəsəbəsi, Şəfəq küçəsi 8 ünvanında fəaliyyət göstərən "Balu" şirniyyat sexinə reyd keçirib.. . Müəyyən olunub ki, fiziki şəxs Nağıyev Seymur Həsə

22 noyabr 2019

Qaladakı qəzada ölənlər dəfn edildi, qonaq gedirlərmiş... - Fotolar+Video

Noyabrın 17-də Xəzər rayonunda baş verən dəhşətli qəzada ölən 4 nəfər Şamaxının Qızmeydan kəndində torpağa tapşırılıb.. . Sonxeber.az qafqazinfo-ya istinadən xəbər verir ki, Qala qəsəbəsi ərazisində Bakı şəhər sakinləri - Hidayət Hümbətov və Vüqar Dadaşovun idarə etdikləri "VAZ-2105" və "BMW"

22 noyabr 2019