Ötən gün vəfat edən 1-ci sinif şagirdinin atası: "Biz Allahdan gəlmişik, Allaha da gedəcəyik".

Atv telekanalında "Bizimləsən" layihəsində ötən gün Gəncədə 1-ci sinif şagirdinin ölüm səbəbi haqqında danışılıb.

Sonxeber.az xəbər verir ki, ötən gün Gəncədə 1- ci sinif şagirdinin ölüm xəbərinin gündəmi zəbt etməsi hər kəsi narahat edib. Bu səbəbdən şagirdinin atası ölüm təfərrüatlarını canlı bağlantı ilə verilişin aparıcı Zaur Baxşəliyevlə bölüşüb.

Ata canlı bağlantı vasitəsi ilə bütün məqamlara aydınlıq gətirib. O, yazılanların döğru olmadığını deyərək övladının epilepsiyadan dünyasını dəyişmədiyini açıaqlayıb. Ata həmçinin vurğulayıb ki, övladının səhhətində indiyədək heç bir problemin olmayıb:

"Hadisə zamanı vaxt müəlliməsi yanında olub. Müəlliməsinin dediyinə görə uşaq durduğu yerdə yıxılıb. Bundan sonra onu ordan xəstəxanaya aparıblar. Həkimlər də ilkin tibbi diaqnoz kimi heç bir səbəb gətirə bilmədilər. Cənazənin yarılıb ekspertiza aparılmasına icazə vermədim. Düşünürəm, biz Allahdan gəlmişik Allaha da gedəcəyik".

Məlumat üçün bildirək ki, M.Ş. Vazeh adına 16 saylı tam orta məktəbin 1- ci sinif şagirdinin qəfl halı pisləşib və xəstəxanaya aparılarkən yolda dünyasını dəyişib. Onun epilepsiyadan əziyyət çəkdiyi bildirilirdi.

Şəlalə Babayeva

Telegramda izləyin

instagramda izləyin