"Paşinyan tarixdən xəbərsiz, bisavad siyasətçi olduğunu bir daha sübut etdi"-Politoloq

"Paşinyan tarixdən xəbərsiz, bisavad siyasətçi olduğunu bir daha sübut etdi"-Politoloq"Azərbaycan əslində Paşinyanın çoxdan bildiyimiz tarixi savadsızlığını üzə çıxara bildi, amma ümid edirdi ki, bu xaricə məlum olmayacaq".
Bu fikirlər erməni mediasında öz əksini tapıb. Həmçinin bildirilir ki, Ermənistanın zham.am saytında yayımlanan "Niyə Əliyev özünə Paşinyanı lağa qoymağa rəva bilir?" başlıqlı məqalə dərc olunub. Məqalədə Azərbaycan Prezidentinin Njdeni Molotov və Soljenitsınla müqayisə edən Paşinyanın tarixi faktlardan tamamilə anlayışının olmadığını göstərməsi ilə bağlı fikirləri yer alıb. Xatırladaq ki, Prezident İlham Əliyev oktyabrın 11-də Türkmənistanın paytaxtı Aşqabadda MDB Dövlət Başçıları Şurasının iclasında Azərbaycan xalqının İkinci Dünya Müharibəsində iştirakından söz açıb. Azərbaycan dövlət başçısı daha sonra Ermənistanda nasistlərin davamçısı Qaregin Njdenin qəhrəmanlaşdırılmasını pisləyib. Ölkə başçısı qeyd edib ki, MDB liderləri dəfələrlə nasistlərin qəhrəmanlaşdırılmasına qarşı çıxıblar. Bu fikirləri Nikol Paşinyanın üzünə deyən İ. Əliyev belə bir beynəlxalq toplantıda erməni baş nazirini diskussiyaya sürükləyə bilib və faktiki olaraq Ermənistan baş nazirinin dərin savadsızlığını üzə çıxarıb.

Bununla bağlı Sonxeber.az-a danışan politoloq Qabil Hüseynli qeyd edib ki, Paşinyanın iştirak etdiyi MDB dövlət Başçılarının Şurasının iclasında Paşinyan adıçəkilən mövzuda yəni ki, Nijdenin qəhrəmanlıqlarından danışaraq, ona bəraət qazandırmağa çalışıb. Azərbaycan Respublikasnın Prezidenti bu məsələ ətrafında kifayət qədər hazırlıqlı imiş:

"O erməni əsilli Nijdenin tam avtobioqrafiyasını, Hitlerlə danışıqlarını, erməni legionunu yaratmasını və Sovet İttifaqına qarşı döyüşməsini faktlarla Şura iclasında iştirak edənlərə açıb göstərib. Prezident Qaregin Nijdenin 2- ci dünya müharibəsi dövründə faşistlərlə çox sıx əməkdaşılıq etdiyini, ermənilərdən ibarət legioner dəstəsi yaradaraq faşistlərin tərəfində döyüşən dəstə üzvlərin olduğunu açıqlayıb".

Politoloq qeyd edib ki, son dövrlər Nijdenin Rusiyada heykəlinin qoyulması ilə bağlı ciddi kampaniya qaldırmışdı. Amma, sonralar həmin şəxsin faşistlərlə ciddi surətdə əməkdaşılıq etdiyi və Sovet İttifaqına, əsgərlərinə atış açdığı öyrənilib. Onun tarixdə bəlli olan legionerlərdən ibarət böyük erməni batalyonu yaratdığı fakltdır. Qabil Hüseynli həmçinin bildirib ki, Prezident adıçəkilən görüşdə məhz bu məsələyə də aydılıq gətirib. O, həmin şəxsə İrəvanda böyük heykəlin qoyulmasını və eyni zamanda Rusiyada xatirə lövhəsinin yaradılmasını faktiki olaraq Böyük Vətən müharibəsində döyüşən azərbaycanlı və rusların xatirəsinə hörmətsizlik hesab etdiyini açıqlayıb:

"Azərbyacan Respublikasının Prezidenti görüş iştirakçılarından tələb edib ki, faşist ideologiyalarınnın daşıyıcılarından birinin milli qəhrəman səviyyəsinə qaldırılması biabırçılıqdır. Prezident görüşdə İrəvandakı heykəlin sökülməsini, Armoveddə qoyulmuş xatirə lövhəsinin isə qaldırılmasını tələb edib"

Xatırladaq ki, oktyabr ayında olan görüşdə Prezident çıxışı ilə Yerevanda Qaregin Njdeyə abidə qoyulmasını nasistlərlə əməkdaşlıq etmiş şəxslərin təbliği kimi dəyərləndirib. Erməni faşizminin isə nasizmdən daha qəddar olduğunu və belə şəxslərin qəhrmanlaşdırılmasının yolverməzlilyini açıqlayıb. Bu İlham Əliyevin Ermənistanın Baş naziri Nikol Paşinyana tərs bir şilləsi kimi qiymətləndirilir.

Şəlalə Babayeva

Sosial   Baxılıb: 466   Tarix: 03 dekabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR