Politoloq: "Şimali KoreyaTrampı vaxtın azalması ilə təxribata çəkir"

"Şimali Koreya nüvə müzakirələrini qoruyub saxlamaq üçün Vaşinqtonun vaxtının azaldığını bəyan edib"

Bildirilir ki, Şimali Koreya XİN-nin ABŞ üzrə nümayəndəsi Ri Zae Sonq Vaşinqtonun vaxt qazanmaq üçün təkliflərini təkrarlayır, amma real təkliflər vermir. Xəbərdarlıq edilib ki, Pxenyan üçün faydası olmadığı təqdirdə Şimali Koreya müzakirələri dayandıracaq.

Bununla bağlı Sonxeber.az- a danışan politoloq Elxan Şahinoğlu bildirib ki, Trampın prezident seçiləndən sonra xarici siyasətdə əsas uğurlarından biri Şimali Koreya lideri ilə görüşü və nüvə təhlükəsizliyi sahəsində önəmli addımların atılması olub. Bəyanat Trampa qarşı təxribat xarakteri daşıya bilər:

"Həqiqətən də bu sahədə bir neçə görüş oldu və gərginlik azaldı. Çünki, buna qədər Şimali Koreya nüvə sınaqları keçirdiyinə görə gərginlik var idi. Bölgədə vəziyyət gərgin idi və hətta müharibənin başlayacağı haqqında fikirlər də gəzirdi.
ABŞ prezidenti Tramp görüş keçirərək bunun qarşısını aldı. Amma problem həll olunmadı. Düşünürəm ki, Şimali Koreya bir az da olsa Trampı vaxtın azalması ilə təxribata çəkir. Bununla da şantaj üsuluna əl atır. Bu prezident seçkilərində onu zəiflətmək məqsədi də daşıya bilər. Hesab edirəm ki, ABŞ prezidenti də əks həmlə edəcək və vəziyyət gərginləşməsininn qarşısnı almaq üçün Şimali Koreya ilə danışıqları bərpa edəcək".

Xatırladaq ki, ABŞ və Şimali Koreya arasında nüvə danışıqları 2018-də başlayıb. Hər iki ölkə rəhbərləri arasında iki dəfə görüş olub. Ancaq bu ilin fevralından etibarən müzakirələr dayanıb. Qeyd edilir ki, Trampın diplomatik uğuru kimi təqdim etdiyi Koreya ilə nüvə danışıqlarının dayanması seçkiqabağı ABŞ prezidentinin imicinə ciddi zərbə vura bilər. Eyni zamanda Şimali Koreyanın danışıqlardan çəkilməsi Uzaq Şərq regionunda gərginliyi daha da artıra bilər. Hazırda Vaşinqton Çinlə ciddi gərginlik yaşayır, həm ticarət anlaşmasının imzalanmaması, həm də Honq Konq etirazları Pekin-Vaşinqton münasibətlərinə mənfi təsir edir.

Şəlalə Babayeva

Telegramda izləyin

instagramda izləyin