"Ermənistanın təxribatları Bakının aqressiv müharibə tərəfdarı obrazını yaratmağa xidmət edir"-RƏY

Son zamanlar diplomatik cəbhədə uduzan Paşinyan hakimiyyətinin əlində yeganə vasitə Azərbaycanı aqressiv müharibə tərəfdarı kimi göstərmək, eyni zamanda Bakını hərbi əməliyyatlara cəlb etməklə beynəlxalq səviyyədə İrəvana dəstək qazandırmaqdır. Siyası şərhçilər qeyd edir ki, Paşinyanın son aylarda açıq-aşkar provokativ, müharibəyə səbəb ola biləcək açıqlamalarının alt məqsədi budur. İndi isə Paşinyan hakimiyyəti Azərbaycanın seçkilərə getdiyi bir vaxtda müharibə ehtimalının azaldığını düşündüyü üçün provokativ cəhdlərini daha da gücləndirir.

Bildirilir ki, Xarici işlər naziri Elmar Məmmədyarov Nazirlər Şurasının son toplantısından öncə Ermənistan və Azərbaycandan olan jurnalistlərin qarşılıqlı səfərləri kimi, humanitar sahədə müəyyən tədbirlərin razılaşdırılıb, həyata keçirdiklərini deyib. Ancaq nazir bildirib ki, siyasi proses durğunluq vəziyyətində qalarsa, bu cür addımlar heç bir nəticə verə bilməz: "Onlar əsaslı danışıqlar prosesini əvəz edə bilməzlər". Sonuncu Bratislava görüşü haqda məlumatlardan da belə məlum olur ki, Ermənistan hakimiyyəti qəsdən prosesləri pozmağa, danışıqların konkret mövzu üzərində aparılmasını istəmir və bütün cəhdlərini də buna yönəldib. Paşinyan hökumətinin hətta ən amansız müharibədə tətbiq olunan girovların dəyişdirilməsindən imtina etməsi qeyri-humanizmdən daha çox gərginliyi artırmaq, Azərbaycanı sülh prosesindən imtina etməyə vadar etmək və bununla da Bakının aqressiv müharibə tərəfdarı obrazını yaratmağa xidmət edir.

Bununla bağlı Sonxeber.az-a danışan politoloq Elşən Manafov bildirib ki, Ermənistanın müstəqil dövlət təsiri bağışlamaması Ermənistanın baş nazirinin Lavrovun İrəvana olan iki rəsmi səfərindən sonra verdiyi açıqlamalar bir daha görünür:
"Ermənistanın siyasətinə xarici faktorlar, o cümlədən, daxili siyasi, iqtisadi- sosial reallıqları kifayət qədər ciddi təsir göstərir. Xarici faktorlar dedikdə ilk növbədə Ermənistanın Rusiyadan asılılığını nəzərdə tutmaq olar. Paşinyanın komadası məşhur filantrop və milyarder Sorosun maliyyə dəstəyi nəticəsində hakimiyyətə gəlmiş bir iqtidardır. Ermənistan Rusiyadan həm iqtisadi, həm siyasi, həm enerji faktorları baxımından asılı bir tərəfdir. Bunun nəzərə alsaq, təbiidir ki, Ermənistanın Rusiya ilə razılaşdırılmadan hansısa addım atacağını demək olmaz. Bu, Paşinyan iqtidarına baha başa gələ bilər".

Elşən Manafov həmçinin Ermənistan tərəfinin təxribat aparmasının Azərbaycanda keçirilən seçkilərə mənfi tərsir etməyəcəyini də açıqlayıb. O müxalif qüvvvələrin seçki kompaniyasında düşmən tərəfə işlədiklərini və nəticəsiz qalacağını vurğulayıb:
"Düşünürəm ki, bu addımın Azərbaycanda keçiriləcək seçkilərə heç bir ciddi təsiri ola bilməz. Bu beynəlxalq birlik, Avropa İnstitutları tərəfindən Azərbayacana bununla bağlı müəyyən sanksyalar tətbiqinə və sonda Azərbaycanda keçirilmiş bələdiyyə və parlament seçkilərinin kimliyinin ATƏT- in ən azı İnsan hüquqları bürosu tərəfindən şübhə altına salınmasına hesablanıb. ATƏT-ə gəldikdə isə dəfələrlə Azərbaycan haqqında qeyri- obyektiv mövqe səgiləməsinə şahid olmuşuq. Azərbaycanın seçkilərlə bağlı legitimliyinə şübhə keçirməyə səy göstərmək çox təəssüf ki, Azərbaycanın yalnız daxilində olan qüvvələr tərəfindən ola bilər. Müxalifətin mövqeyini nəzərdə tuturam. Seçki komissiyaların yenidən formalaşdırılması və seçkilərin legitimıiyinə təsir göstərə biləcək faktorlar sırasında azacıq da olsa müxalifətin rolu vardır. Onların mövqeyi düşmən tərəfinin dəyirmanına su tökmək kimi dəyərləndirilir".

Şəlalə Babayeva

Telegramda izləyin

instagramda izləyin