"Xalqının xeyirinə çalışan insanın arxasınca söyüş söyən müxalifət hansı həqiqətdən danışa bilər?"- Deputat
Xəbər verdiyimiz ki, fevralın 9-da ölkədə seçkilər keçiriləcək. Normalda siyasi qüvvələr artıq seçkilərə hazırlaşmalı idi. Lakin görünən odur ki, müxalifətin radikal qanadı boykot çağırışlarıan başlayıb. Xalqı seçkilərə deyil, kütləvi etirazlara, yüzminlik aksiyalara çağırır. Əslində seçki kampaniyası bütün siyasi qüvvələr üçün xalqla geniş təmas, ideya və planlarını xalqa təqdim etmək üçün ən ideal fürsət olduğu üçün normalda müxalifət qüvvələri seçkilərə gedir, çünki istənilən halda seçkidə iştirak boykotdan daha effektivdir. Lakin görünən odur ki, ənənəvi radikal müxalifət cəmiyyətə yeni heç nə vəd eləmir. Son aylarda ölkə siyasətindəki dinamikanın fonunda Milli Şura və ya digər müxalif təşkilatlar yalnız aksiya keçirmək təşəbbüsü ilə gündəmə gəlib və bu zaman heç bir yeni, hazırkı şərtlərlə ayaqlaşan şüarlar təklif edə bilməyib.
Bununla bağlı Sonxeber.az-a danışan deputat Milli Məclisin İctimai birliklər və Dini Qurumlar Komitəsinin üzvü, deputat, hakim Yeni Azərbaycan Partiyasında təmsil olunan Cavanşir Paşazadə fikrinə bir neçə gün öncə deputat Yevda Abramovun vəfat etməsi ilə başladı:"Bilirsiniz ki, Yevda Abramov sadə müəllim idi. Heç kimi deyə bilməz ki, onun çoxlu var-dövləti var. Yevda Abramov Allahın rəhmətinə qovuşub. Bu insan 15 il Milli Məclisdə qanunların qəbul edilməsində fəal iştirak edib. Sapı özümüzdən olan müxalifət bu insanın dalınca nələr yazmadı. Hansı söyüşləri ?! Əgər bir müxalifət öz xalqının xeyirinə çalışan insanın arxasınca bu qədər söyüşlər söyürsə, hansı həqiqətdən danışa bilər? Yeni Azərbaycan Partiyası Milli Məclisin buraxılması təşəbbüsü ilə çıxış etdi. Təbii ki, bununla bağlı Konistitutsiya Məhkəməsi qərar qəbul etdi. Bundan sonra Milli Məclis buraxıldı. Müxalifət həmişə olduğu kimi Milli Məclisin seçkilərinin fevralın 9-na salınması ilə bağlı əsasız iddialar irəli sürürlər. Onlar iddia edir ki, ilin əvvəlində havaların soyuq və insanların iş fəaliyyətinin aşağı olduğu vaxtdan hökumət istifadə edib seçkilərə gedir. Müxalifətin deməyindən elə çıxır ki, Azərbaycan xalqı alkoqoliqdir və insanlarımız ilin iki ayı avaralıqla məşğuldur. Belə bir iddia ilə çıxış etməyin özü belə yalnışdır. Çünki bu açıq-aşkar xalqı təhqir etməkdir. Bunun müəllimi, tələbəsi, mühəndisi, və digər sahələrdə çalışan elm adamları var. İki gün bayramdır. Bayram bitdikdən sonra hər kəs öz işində, gücündə olur. Onların hər şeydə bir bəhanə axtarması artıq adiləşib. Onların məqsədi ölkəmizin uğurlarına kölgə salıb, mövcud sabitliyi pozmaqdır. Çünki müxalifət yaxşı anlayır ki, artıq xalqımızı yalanlarla aldada bilməyəcəklər. Çünki xalqımız onların məqsədlərini yaxşı bilir. Bu gün insanlarımız cənab prezidentimiz İlham Əliyevin ətrafında sıx birləşərək, dövlətçiliyimiz üçün çalışırlar. Düşünürəm ki, iqtidar və xalq arasında bu cür güclü bağ və inam olduğu müddətdə yalnız öz xeyirini güdüb, 5-10 manata dövlətini, xalqını satmağa hazır olan o şəxslər öz çirkin əməllərini həyata keçirə bilməyəcək".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş