"Ulu Öndər xaosun, özbaşınalığın, qardaş qırğının qarşısını aldı"-Cavid Osmanovun XATİRƏLƏRİ

Dekabr ayının 12-si Ümummulli lider Heydər Əliyevin anım günüdür.

Bununla bağlı Sonxeber.az-a danışan Cavid Osmanov bildirib ki, Ulu öndər hakimiyyətə gəlişi onun tələbəlik illərinə təsadüf edib: "AXCP və Müsavat cütlüyü çalışırdı ki, insanları dərsdən, işdən yayındırıb meydanlara töksünlər. Ölkədə xaos hökm sürdüyü dövrdə Ulu öndərin hakimiyyətə gəlməsini biz sevinclə qarşıladıq. Ümummilli lider Heydər Əliyev hakimiyyətə gələn zaman ilk görüşünü gənclərlə etdi. Gənclərin Azərbaycandan kənar başqa ölkələrdə təhsil alması üçün dövlət proqramları qəbul olundu. Mən də o gənclərdənəm ki, o proqramdan bəhrələnib ali təhsilimi xaricdə almışam".
Cavid Osmanov Ulu öndər 1994-cu ildə gənclərlə görüşən zaman onlara inandığını söylədiyini qeyd edib: "SSRİ dağıldıqdan sonra ölkədə baş verən hakimiyyət dəyişikliyindən sonra gənclərə heç diqqət yetirilmirdi. Başdı-başına qalmışdılar. Azərbaycan gəncliyini yanlış istiqamətə yönəldirdilər. Ulu öndərin tövsiyyəsi ondan ibarətdir idi ki, gənclər vətənpərvər, təhsilli, savadlı olsunlar. Ölkənin müstəqillliyi uğrunda çalışıb, vətənpərvər olsunlar. Azərbaycan gəncliyi də bu istəyə uyğun adekvat addım atdı. Ulu öndərin ətrafında birləşib müstəqilliyimizin qorunmasında və inkişafında iştirak etdilər".

Cavid Osmanov vurğulayıb ki, Ulu öndər hakimiyyətə gəldikdən sonra ölkədəki xaosun, özbaşınalığın, qardaş qırğının qarşısı alındı: "Atəşkəs elan olundu, əsrin müqaviləsi imzalandı. Ümumilli lider Heydər Əliyev gənclərə xüsusi qayğı ilə yanaşırdı. Yeni Azərbaycan Qartiyasının qurultayında iştirak etmişəm. O dövrdə Ulu öndər Heydər Əliyev Yeni Azərbaycan Partiyasının sədri idi. Mən qurultayda gənclərin seçilmiş nümayəndəsi kimi iştirak edirdim. Ulu öndər müasir Azərbaycan dövlətinin memarıdır. Bugünki Azərbaycanın inkişafının təməli məhz Heydər Əliyev tərəfindən qoyulub. Bu gün bu siyasət cənab prezidentimiz İlham Əliyev tərəfindən uğurla davam etdirilir. Ulu öndər Heydər Əliyevin mərhəmətli və humansit insan idi. Bu hümanistliyi bu gün Heydər Əliyev Fondu davam etdirir. Heydər Əliyev Fondunun Vitse-prezidenti Mehriban xanım Əliyevanın humanitar və sosial problemlərin həllində necə fədakarcasına fəaliyyət göstərdiyini bilirik. Məhz Mehriban xanım Əliyevanın təşəbbüsü ilə Ulu öndərin adını daşıyan Heydər Əliyev Fondu bu ideyaları yaşadır".

Telegramda izləyin

instagramda izləyin