"Xalqımız fəxr edə bilər ki, Heydər Əliyev kimi böyük bir şəxsiyyəti bəşəriyyətə vermişik"-Aparat rəhbəri

Bu gün ümummilli lider Heydər Əliyevin anım günüdür.
Azərbaycan Respublikasının Prezidenti İlham Əliyev və ailə üzvləri, Milli Məclisin deputatları, nazirlər, komitələrin, şirkətlərin və idarələrin rəhbərləri, respublika ictimaiyyətinin nümayəndələri də Fəxri xiyabana gəliblər.
Sonxeber.az xəbər verir ki, Nazirlər Kabinetinin Aparat rəhbərinin müavini Natiq Məmmədov ümumili lider Heydər Əliyevin Azərbaycan dövlətinin qurulmasındakı böyük fəaliyyətindən danışıb:
Burada gənc və orta nəslin nümayəndələri var. Bəzilərimiz o hadisələri birbaşa yaşamışıq, görmüşük. Gənc nəslin nümayəndələri isə sonradan oxuyur, eşidir. Mən bunu özüm yaşamışam. Həmin dövrdəki vəziyyəti bir cümlə ilə ifadə etmək mümkün olsaydı, demək olardı ki, Azərbaycan dövlətçilik maşınının sınıb dağılmış vəziyyətdən, qurub saz vəziyyətə gətirib relsin üzərinə qoymaq qədər böyük bir uğurlu yol keçib.
Təsəvvür edin ki, ölkə dağılır və daxili qüvvələr bir-biri ilə mübarizə aparır. O cümlədən xarici düşmənlər öz işindədir, tam səmimi desəm, inamımız da itmiş vəziyyətdədir. Kürəyini söykəyə biləcəyin bir qüvvə də yoxdur. Mən onda başa düşdüm ki, hansısa bir dəstək gözləmək xülyadan başqa bir şey deyil. Ümumilli liderimiz həmin o dövrdə Azərbaycana, xalqımıza o özünəinamı qaytara bildi. Bizi dövlətimizə inanmaq qədər yüksəltdi və bizə güc verdi. Bu gün gördüyünüz hər şey həmin o dövrün keçilməz yollarından keçib gələn dövlətçiliyin uca,rahat günlərini yaşayırıq. Tam səmimi deyə bilərəm ki, yəqin ki uzun müddət araşdırılacaq. Ümumilli liderin fəaliyyəti dövlətçilik tarixində çox ciddi araşdırma tələb edən, başqa xalqlar, dövlətlər üçün böyük fayda verə biləcək həyatdır. Düşünürəm ki, zaman keçdikcə buna şahid olacağıq.
Dağılmış dövlət qurmaq təcrübəsi dünyada çox olub. Amma hansısa bir regionda yerləşən və müxtəlif qüvvələrin marağına tuş gələn dövləti qurmaq o qədər də asan məsələ deyil. Ona görə bizim xalqımız fəxr edə bilər ki, Heydər Əliyev kimi böyük bir şəxsiyyəti bəşəriyyətə vermişik.

Telegramda izləyin

instagramda izləyin