Xəstəlik, qəza, dəm qazının qurbanı olan MƏKTƏBLİLƏRİN SİYAHISI - FOTOLAR
Xəbər verdiyimiz kimi iki gün əvvəl Binəqədi rayonunda köməkçi yoldan əsas yola çıxan yük maşını sola dönərkən iki piyadanın üzərindən keçib. Hadisə nəticəsində həlak olanlar 11-ci sinif şagirdləri Tural Cabbarov və Dilarə Sultanlıdır.
Sonxeber.az son dövrlər ölən məktəbliləri təqdim edir:
-Bakı şəhərində 162 saylı tam orta məktəbdə 14 yaşlı 8-ci sinif şagirdi Elina Ədalət qızı Hacıyeva 2019-cu il aprelin 4-də saat 09:11-də məktəbin 3-cü mərtəbəsindən özünü ataraq intihar edib. Bu, onun 2-ci intihar cəhdi olub. Həkimlərin müdaxiləsinə baxmayaraq Elina Hacıyevanın həyatını xilas etmək mümkün olmayıb.
- Bakının Xəzər rayonunda çimərliklərin birində yeniyetmə bədbəxt hadisə nəticəsində dünyasını dəyişib. 15 yaşlı Rəsulov Tamerlan topla oynayarkən top elektrik dirəyində ilişib. Məktəbli topu götürmək istəyən zaman onu elektrik cərəyanı vurub.T.Rəsulov xəstəxanaya çatdırılsa da, həkimlər onun həyatını xilas edə bilməyiblər.Tamerlan Rəsulovun yaxınları onun çox istedadlı musiqiçi olduğunu bildiriblər.
-Yeni Yasamal, D.Bünyadzadə küçəsi 12, mənzil 178 ünvanında 16 yaşlı Taleh Valeh oğlu Atakişiyev özünü asaraq intihar edib. Taleh Atakişiyev 53 saylı orta məktəbin XI sinif şagirdi olub.
-11-ci sinif şagirdi olan Elxanə Elxan qızı Hüseynzadə kənddə yaşayan babası İntiqam Məmiyevə məxsus evin hamamında dəm qazından boğularaq dünyasını dəyişib.
Elxanə Hüseynzadənin valideynləri Bakı şəhərində yaşasalar da, o, iki il imiş ki, kənddə yaşayan ana babasıgilə köçərək orada orta təhsil alırmış. Müəllimlərinin bildirdiyinə görə, Elxanə məktəbin əlaçı şagirdlərindən imiş.
-Yevlaxda ağır yol-nəqliyyat hadisəsi baş verib. Hadisə zamanı 2 nəfər ölüb, 10 nəfər yaralanıb. Hadisə Xaldan qəsəbəsi ərazisində qeydə alınıb. Qəzada dünyasını dəyişənlərdən biri də 13 yaşlı Sevindik olub. Sevindik başından xəsarət alaraq rəhmətə gedib.
-Bakıda məktəbli qız müəmmalı şəkildə vəfat edib. Sabunçu rayonu Elxan Misirxanov adına 71 №-li tam orta məktəbin 7 d sinif şagirdi Cəlilova Nuriyyə İlham qızının yaşadığı mənzildə meyiti tapılıb. Onun hansı səbəbdən vəfat etdiyi bəlli olmayıb.
- 13 yaşlı Fərhad Məmmədov ailəsi ilə birlikdə Lənkərana gedərkən halı pisləşib və Lənkəran rayon xəstəxanasına çatdırılıb. Həkimlərin səylərinə baxmayaraq, onun həyatını xilas etmək mümkün olmayıb. Fərhad Məmmədov Cəlilabadda tanınmış həkim Fərahim Məmmədovun oğludur.
- Lənkəran şəhər 7 saylı orta məktəbinin II sinif şagirdi Xədicə Ramin qızı Ağayeva xəstəlikdən dünyasını dəyişib. Noyabrın 28-də dərsdə halı pisləşən qızın vəziyyəti barədə həmin tədris müəssisəsində çalışan anası Nərgiz Ağayevaya xəbər verilib. Uşağın atası Ramin Ağayev də məktəbə gedib və azyaşlı Lənkəran Mərkəzi Rayon Xəstəxanasına (MRX) çatdırılıb. Həkimlərin müayinəsindən və ilkin tibbi yardımdan sonra uşaq reanimasiya şöbəsinə yerləşdirilib. Lakin bir müddət sonra Xədicə Ağayevanın vəziyyəti yenidən pisləşib və orada keçinib.
- 15 yaşlı Ziyadzadə Fərid Murad oğlunun idarə etdiyi "Mercedes" markalı, 90 CM 281 nömrə nişanlı avtomobil yoldan çıxaraq ağaca çırpılıb.Nəticədə yeniyetmə sürücü aldığı ağır xəsarətlərdən hadisə yerində vəfat edib.Qeyd edək ki, qəzaya düşən F.Ziyadzadə orta məktəbin 9-cu sinif şagirdi olub. Sürücülük vəsiqəsi olmayan məktəbli atasının maşınını idarə edirmiş.
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş