"Xarici cizgi filmləri uşaqların milli yaddaşını pozur"-Qulu Məhərrəmli
Ümumdünya Uşaq Televiziya və Radio Yayımı Günü 1994-cü ilin aprelində BMT-nin Uşaq Fondunun (UNİCEF) nümayəndələri tərəfindən bayram kimi elan edilib. Televiziya şirkətinin işçilərinə bu tarixə və mövzuya əsasən sabahın gündəlik yayım cədvəlini tərtib etmək tövsiyə olunur.
Mövzu ilə bağlı Sonxeber.az- jurnalist, teletənqidçi, filologiya elmləri doktoru Qulu Məhərrəmli açıqlama verib. O, bildirib ki, BMT uşaq televiziyası gününü qeyd edəndən bir neçə il sonra Azərbaycan bunu çox yüksək səviyyədə qeyd etdi. Xatırlayırsınızsa, Azərbaycan televiziyasında bu, xüsusi gün kimi qeyd olunurdu. Xüsusi canlı yayımlar olur, BMT-nin və UNİCEF-in Azərbaycandakı nümayəndələri, hətta Ümumilli lider Heydər Əliyev də dəfələrlə uşaqlar üçün keçirilən tədbirlərdə iştirak edirdi. Təəssüf ki, sonra bu ənənə biraz unuduldu.
Əgər indi Azərbaycan televiziyalarında uşaq verlişilərinin səviyyəsindən danışsaq deyə bilərəm ki, bizim televiziya verilişlərinin ümumi səviyyəsi necədirsə, uşaq verilişləri də onların bir parçası, elementi kimi həmin səviyyədədir. Təəssüf ki, bu qaneedici səviyyədə deyil. Əvvəllər həm radio, həm televiziyalarda birbaşa uşaqlara aid maraqlı proqramlar, verilişlər, maraqlı oyunlar, müraciətlər var idi. Həm AZTV-də, həm İTV-də və bəzi özəl televiziyalarda da bu uğurla davam edirdi. Amma indi onlar unudulub. Bu günün özü bir daha bizə xatırladır ki, gələciyimiz hesab etdiyimiz uşaqların mənəvi cəhətdən zənginləşməsi, bilikli,bacarıqlı olması üçün televiziya verilişlərinin təsirini də ifadə etməliyik. İndiki halda normal baxılan uşaq proqramları haqqında çox nikbinliklə danışmaq olmur.
İnternet, texnika əsrində yaşasaq da, texniki irəliləyiş, düşüncə irəliləyişi deyil. Əlbəttə bu, düşüncəyə, yanaşmaya təsir edir. İndi uşaqların 3-4 yaşı olan kimi, analar uşaqlara planşet verirlər ki, cizgi filimlərinə baxsınlar. Yəni burada önəmli olan məzmunun seçilməsidir. Tutaq ki, ayrı-ayrı "Youtube" kanallarında uşaqlar ilə bağlı çox cizgi filimləri, musiqilər var amma bunlar xammaldır. Televiziya bunu uşaqlar üçün faydalı materiala çevirməlidir. Azərbaycanda son illər hansı cizgi filmi, uşaqlar ilə bağlı hansı ciddi film çəkilib və bu gün bütün uşaqların baxıb, sevə biləcəyi hansı proqram var? Təəssüf ki, yoxdur. Biz buna diqqət yetirməliyik. Artıq uşasqların yaddaşı itir. Özgə xalqların, dövlətlərin qəhrəmanlarını sevdirməklə məşğuluq. Bu gün Disney, Rusiya, Türkiyədən gələn cizgi filmləri uşaqların milli yaddaşını pozur. Azərbaycan nağılları uşaqlar aid çox böyük ekran əsərləri yaratmaq üçün yaxşı xammaldır. Amma bununla işləyən, sistemli və məzmunlu şəkildə auditoriyaya çatdıran yoxdur. BMT uşaq televiziyası günü bizim üçün bir mesajdır. Biz uşaqlarımız haqqında düşünməliyik.
Lakin ölkəmizdə fəaliyyət göstərən "Azanfilm"animasiya studiyası uşaqların zövqünü oxşayacaq, onlara lazımı məlumatı ötürəcək yetərincə cizgi filimlərinin istehsal olunduğunu bildirib:
"Azanfilm" Studiyasından son illərdə istehsal olunan filmlər barədə maraqlanada bizə hazır olan filmlərin siyahısını təqdim etdilər.
Baxsan görərsən ki son illərdə: İlbizin evi, Tırtılın arzusu, Balaca ev, Köhnə saat, Gəlin birgə öyrənək ( rənglər, rəqəmlə 1, rəqəmlər 2), Əlifba, Mənim balaca Şahzadəm (2019) istehsal olunub. Hazırda da "Tıq-tıq və dostları möcüzələr axtarışında" və "Oğurlanmış bahar" animasiya filmləri istehsaldadır".
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş