Qonşu ölkələrdən miqrant axını Azərbaycan iqtisadiyyatına necə təsir edə bilər?-RƏY
Qonşu ölkələrin birindən miqrantların qəfil kəskin axın etməsi Azərbaycan iqtisadiyyatına necə təsir edəcək?
Mövzu ilə bağlı Sonxeber.az-ın suallarını iqtisadçı-ekspert Akif Nəsirli cavablandırıb. O, bildirib ki, hər bir ölkənin sabiq miqrant axını və daxili vətəndaş sayı var. İqtisadiyyat həmin saylara köklənir və bu saylar üzərində sabitləşir. Sözssüz ki, miqrant axını çox olanda ölkədə qida, yerləşdirmə təminatı məsələsi var. İstənilən ölkə üçün kəskin miqrant axını ciddi problemlərə yol açır. Ölkədə qida və yaşayış üçün yer çatışmazlığına gətirib çıxarır ki, bu da digər problemlərin də yaranmasına səbəb olur. Əsas problem bunlardır.
Azərbaycanın hansı həcmdə miqrant axını qəbul edə biləcəyini dəqiq hesablamaq mümkün deyil. Amma ölkənin təxminən 50,60,100 min nəfər civarında miqrant qəbul etmək imkanı var.
Miqrasiya axınının valyuta bazarına təsiri miqrant axınının hansı istiqamətdən olacağı ilə bağlıdır. Əgər miqrant axını varlı ölkələrdən-Amerikadan, Yaponiyadan, Avropadan gəlsə bu ölkəyə valyuta gətirərdi. Amma məsələ burasındadır ki, son hadisələrlə bağlı İrandan migrant axını gözləyiriksə, həmin ölkədən bizə ciddi valyuta axınını gözləmək düzgün olmazdı. Orada əhali kifayət qədər kasıbdır və digər tərəfdən kasıb əhalinin valyuta ehtiyatı çox azdır. Ona görə də hesab edirəm ki, gözlədiyimiz miqrant axını ölkəmizə o qədər də ciddi valyuta həcmləri gətirməyəcək. Dünyada iki cür- hazırlıqlı və məcburi miqrant axını var. Məsələn, Azərbaycan yaşayış üçün çox sərfəli ölkədir və bura miqrant məqsədyönlü şəkildə gəlirsə, köç edən insan öz varidatını da bura gətirir. Bir də var məcburi şəkildə, yəni, müharibə səbəbi ilə miqrasiya baş verir. Ümumiyyətlə miqrasiyanın fərqləri var. Dünyanın geridə qalmış ölkələrindən miqrantalar gələndə, özləri ilə pul, vəsait gətirmirlər. Onlar özləri üçün yeni bir həyat qurmağa, iş tapmağa gəlirlər. Əgər bizim ölkəmizə də miqrantların axını olacaqsa, ciddi valyuta həcmlərinin Azərbaycana gətirilməsi gözlənilmir.
Sözssüz ki, bu miqrasiya axını daşınmaz əmlak bazarına da təsir edəcək. Çünki həmin miqrantların içərisində ev almaq imkanına malik olanları da olacaqdır. Ona görə də bu bazara müsbət təsir edə bilər. Əgər ölkəyə miqrant axını olacaqsa, ona yönəlik Azərbaycan hökumətinin siyasəti olacaq. İlkin mərhələdə vergilərin topllanmasına, sosial təminatın və digər tədbirlərə elə ciddi təsir göstərməyəcək. Sadəcə olaraq Azərbaycan hökuməti öz vətəndaşlarının sosial müdafiəsinə yönəltdiyi vəsaitlərin bir qismini miqrantların yerləşdirilməsi və qida məsələlərinə ayırmaq məcburiyyətində qalacaq, bu zaman isə büdcənin icrasında ciddi problemlər yaşana bilər".
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş